همَس الرموش

الجزء الرابع

اتذكر امي من مات ابوه فقدت الوعي من القهر الحد ما ماتت اتصيح ابويه الحد ما ماتت هيه لابسه اسود عليه جنت اسمعه كل يوميه من تبچي اسمعه شلون تنوح ع ابوه من مات

شلون هذول يكدرون يسولفون ويضحكون بهل طريقه
اني صح صغيره بس امي علمتني شنو الحزن هوه شعور يصير بداخلنه احس اكو شي يحترك بصدرك ماعرفه شنو

من تبچي يروح
قاطع تفكيري علي وهوه يصيحني ع لمود چاي هزيتله براسي
رحت للمطبخ ضليت واكفه اباب المطبخ من سمعت عمتي ورجله يحچون وكفت بدون ما احد يلاحظ وجودي

:- هذول اشلون حنجيبهم يمنه ؟

:- لا وين جايبتهم احنه فلوس اكل الجهالنه ممدبريه

:- بس هذول ولد اخويه

:- شسويلج العيشه صعبه

:- يعني نشمرهم بالشارع ؟

:- لا علي رجال بس ربُى انذبه بدار ايتام لو شوف شلون

:- ليش منجيب ربُى يمنه ع الاقل لان خطيه بعده صغيره حاله من حال البنات

:- لا ماعندي مكان بالبيت مو تعرفين بيتنه صغير

_ اتمنيت لو مسامعه هذا الكلام واتمنيت لو ابويه موجود ويسمع اخته اللي كضه العمر كله ينطيه شلون تحچي

راح نتبهذل وره ابويه اني اعرف
راح نعيش بالشارع والله لان محد يريدنه

.................🤍................

_ كمت من الچربايه واني جسمي مكسر من الضرب حته ماكدر احرك ايدي طلعت ونزلت ع كيفي شفت امي دسوي ريوك

سلمى : ها يمه ادريس كعدت طب اسبح وتعال اتريك ويايه

_ ماشتهي يمه حطب اسبح واروح للدوام

_ يمه ميصير تعال اكل داريد اطلع يلا

_ وين ترحين

_ يمه بيت ام علي الي بركن صايرين

_ منو ذول ياهمه

_ اللي عدهم مرا بس تصيح وتعيط

_ ههااااااااااا اييي عرفتههم ليش شعندج رايحه

_ اتوفه الاب والام بحادث سياره ع طريق بغداد

_ صدك تحچين

_ اي والله خطيه عدهم بنيه صغيرة ولد چبير اخوه شلون حيبقون وحدهم مادري الله يساعد كلبه بعده صغيرة سوده عليه

حچيت بدون ما افكر حچيت اول كلمه جتي ع بالي
_ يمه اجي وياج حبابه

چان كل تفكيري اشوفه حته نسيت وجع جسمي ونسيت الضرب الي اكلته چان اهم شي عندي بهل ثانيه اروح اشوفه لان اكيد مقهوره هسه وكاعد تبچي ع ابوه

_ شبيك تخبلت وين جاي ويايه

_ ي ي تخبلت حبابه اتصخرلج منا السبوع بدون ماخذ فلوس