#السجيـن
بقلـم الكاتبـة : فاطمـــة مُســـلم
ولا چنـك هـذاك أنت
العـرفنـي وسـولف البيـه
وگـدر يـوصل غمـج روحـي
ويماشينـي اعلـه فد نيـة
ولا چنـك حبيـب الـروح
چنـك منجبـر بيـه !!
♡♡♡♡♡♡♡♡♡♡♡♡♡♡♡♡♡
كمت وهو كام باوع عليه مشيت كدامه وهو ورايه طلعـت من الاستقبال وهو طلع وسد الباب ورا دخلت للصاله وبعدني ما واصله الحمام وحسيـت واحد جرني من ايدي حيل...
درت وجهي عليه نترت ايدي من عنده
- هاي شبيك علي
- اني شبيه لو انتي ، شنو هل لبس ريا
- شبي لبسي يعني !!
- والله اني هم اكول شبي لبسها
ريا يعني انتي منتبها النفسـچ شنو لابسه
- دشداشه يعني شلابسه مثلاً
- لا صدك والله عبالي سيت نوم لعد
- شنـو هل الالفاظ شبيك علي صدك تحجي
- مقتنعـه بـ نفسج انتي
- اكيد
- ما تستحين من ولد عمـج وانتي هيج لابسه كدامهم
- يعني انته عبالك الوضع جديد عليهم
فتح عيونه بصدمه ويباوع عليه من فوك ليجوه
- صدك تحجين
- شوف علي خلي اوضحلك شغله ، اني صح مو محجبه وهذا لبسي كلش طبيعي ان كان بـ البيت او كدام احد وانتو ولد عمي يعني مثل اخوتي فـ ماكو داعي لهل كلام اساساً ، اني اهلي راضين ؏ هذا لبسي واولهـم ابويه انته تجي تحاسبني ؏ لبسي بـ صفتك منو ؟!
رفع تك حاجب وجان يكول
- ابن عمـج
- ابن عمي تمام ؏ عيني وراسي بس مالك حق تجي تدخـل بيه وتحاسبنـي
هز راسـه وهو عصبـي وكال
- يصيـر خيـر
- تفضل منا الحمـام
صعدت فوك لغرفة يوسف فتحت الكنتور وطلعت تراكسـود واخذت منشفه جديدة ونزلت دكيـت بابا الحمام اجاني صوته
- منو
- اني هاي الملابس جبتهن
اجه فتح الباب وطلع ايده انطتهن الها ورحت كعدت بـ الصالة ربع ساعه وطلع شعره ينكط مي
- اذا تريد اصعد لغرفة يوسف مشط
- وين هي
- فوك اول غرفة ؏ ايدك اليسره
أنت تقرأ
السجيـن " بـ اللهجـة العراقيـة "
العاطفية" في أعماق الظلام، تألقت شمعة الأمل في قلبه وأشعلت النيران التي أعادته للحياة حيث كانت السجون تحبس جسده لكنه لم يستطعوا أن يحبسوا روحه المتألقة وإرادته الصلبة " قصـة جديدة واحداث جديدة ومشوقـه لنـرى معاً ماذا سيحدث في روايـة " السجيـن " بـ قلمـي...
