ဟွားဟွားက အနည်းငယ် တွန့်ဆုတ်စွာဖြင့် ပြောလိုက်သည်။ ထိုအခါ ဝမ်မေ့က ခေါင်းအသာ ညိတ်လိုက်ပြီး...
" ဒါဆိုရင် အရှင့်ဆီကို သွားကြရအောင် "
ဝမ်မေ့က ဦးဆောင်၍ ထွက်ခွာသွားသည်။ အင်ပါယာ၏ နန်းဆောင်ထဲကို ရောက်တော့ အရှင်က သူ၏ သလွန်ထက်၌ ထိုင်နေပြီး ဝိုင်သောက်နေသည်။ သူတို့အား မြင်သည့်အခါ အရှင်က နေရာမှထလိုက်ပြီး...
" အင်း... လာကြ ဒီရက်တွေမှာ ကိုယ့်ကြောင့်နဲ့ မင်းတို့နှစ်ယောက်လုံး ပင်ပန်းနေကြပြီး၊ အထူးသဖြင့် မေ့အာ မင်းက အတင့်ရဲလွန်းတယ်၊ စစ်ပွဲအတွေ့အကြုံ ဘာမှမရှိဘဲနဲ့ ဒီလိုမျိူး ဝင်ရောက်တာက မင်းအတွက် အသက်ကိုတောင် ပေးရလောက်တယ်၊ နောက်တစ်ခါ ဒီလိုမျိုး အတင့်မရဲနဲ့ "
ရှန်ဖေးက အနည်းငယ် စိုးရိမ်စိတ် မကင်းသော အသံဖြင့် ဆူလိုက်သည်။ ဝမ်မေ့သည် သူ့စကား တစ်လျှောက်လုံး တိတ်ဆိတ်နေပြီး မည်သည့် တုန့်ပြန်မှုမှ မပြောပေ။ ထိုအခါ ရှန်ဖေးက သက်ပြင်း ချလိုက်ပြီးနောက်...
" မေ့အာ မင်းက ကိုယ့်ကို အခုချိန်ထိ ဒေါသစိတ် မပြေသေးဘူးလား "
" ... "
သူက ထိုသို့ ပြောလိုက်သော်လည်း ဝမ်မေ့က တိတ်ဆိတ် နေသည်။ အချိန်အတော်ကြာမှ နေရာ၌ ဝင်ထိုင်လိုက်ပြီး...
" ဘာလဲ... အရှင်က အရှင့်ရဲ့ ကြင်ယာတော်ကို သတ်လိုက်တော့ စိတ်မကောင်း ဖြစ်နေတာလား ဒီလိုဆိုရင်တော့... "
" မေ့အာ... မင်းစကားက "
ဝမ်မေ့၏ စကားကြောင့် သူက မျက်မှောင် ကြုတ်လိုက်သည်။ သို့သော်လည်း သူက စိတ်ကို လျှော့လိုက်ပြီး သက်ပြင်းသာ ချလိုက်သည်။ ထို့နောက်...
" ဒီရက်တွေမှာ ကိုယ်က အပြည့်အဝ ကောင်းမွန်မလာ သေးတာကြောင့် အင်ပါယာရဲ့ အမိန့်နဲ့အာဏာကို မေ့အာကပဲ တာဝန်ယူထားပေးပါအုံး၊ အရေးကြီး ဆုံးဖြတ်စရာတွေကိုလည်း မင်းပဲကြည့်ပြီး စီစဥ်လိုက်ပါ "
ဝမ်မေ့က မသိမသာ ခေါင်းညိတ်သည်။ ထို့နောက်တွင် သူတို့သုံးယောက်က စကားအနည်းငယ် ပြောပြီးနောက် ပြန်လည် တိတ်ဆိတ် သွားသည်။
YOU ARE READING
The Resurrected Emperor (Complete - Bl)
Fantasy(Uni Code) သာမန်လူတစ်ယောက်က အင်ပါယာတစ်ပါးရဲ့ ခန္ဓာကိုယ်ထဲ ကူးပြောင်း ဝင်ရောက်သွားတဲ့အခါ...။ (Zawgyi Code) သာမန္လူတစ္ေယာက္က အင္ပါယာတစ္ပါးရဲ႕ ခႏၶာကိုယ္ထဲ ကူးေျပာင္း ဝင္ေရာက္သြားတဲ့အခါ...။
Vol ; 2 Chapter (38)
Start from the beginning
