حب محكوم بالأعدام

part15

بس جدو وبيبي وعمو علي ومرته ماقبلوا يرحون
ويانه كالو مانكدر تعبانين راحو للفندق

واحنا رحنا لشارع السناتر معروف بكربلاء
افترينا شوي وانوب
رحنا تعشينا ورجعنا للفندق تعبانين من الفره وطبعاً الشباب يكول حماية وين مندور وجهنا نلكاهم كدامنا

ق

بل ماندخل للفندق كال قحطان
... الصبح الساعة بَـ 7 الكل جاهز علمود نروح نزور ونتريك ونطلع لبغداد

اتفقنا وانوب تفرقنا بين الغرف
دخلت للغرفة اني والبنات بدلت ملابسي
وخليت راسي ونمت

ثَـانـي يًـوم

ـ ولج رُسل وين راحت قُراصتي

رُسل ... شدراني انا هم مدري وين راحن جورايبي

ماما ...  هاي انتن بعدجن لهسه مَا مبدلات ولجنننن العالم كلها خلصت بس انتن بعدجن أخرتنه

ـ اي ماما هـسهہ بس خل اعدل شالي

كملنا لبس ولمينا غراضنا بلجنط ونزلنا جوه
لكيناها كلها مكمله ونازله بس احنا باقين
صبحنا عليهم كالت عمتي شيماء
... وين جنتن لهسه لو باقيات بعد وكت

ردت عليها ماما
... ؏ ماكلمن البنات يلله نزلنا عذرونه اخرناكم

ابو قحطان ... ما صار شي يلله هـسهہ هاهيه كلكم جمعتوا

قحطان ... اي يابة هاهيه الكل موجود

جدو ... چَا يلله امشونا

رحنا اول شي تريكنا وشربوا چَاي
وانوب رحنا زرنا وكملنا وصعدنا بسياره
كعدنا اني ورُسل سوه مثل ما أجِينه
ونطلقنا متوجهين الى بغداد الحبيبة
محافظتي الي ربيت بيها ..

باوعت لساعتي قبل ماتحرك السيارة
بـَ 9:19
اول ما مشت السيارة صاح السايق
... صلوا ؏ محمد وال بيت محمد

انا ورُسل الطريق كُله نسلسل بزر
ونسولف ونضحك كاعدات ورانا غرير ورنين
وبلجهه الثانيه يم الباب قحطان وذياب هَم يسولفون

رُسل ... تينه شفتي حمرة صفاء بت عمتي شيماء

ـ لا مانتبهت شبيها

رُسل ... ولج جنها مطي ماكل ازبري

من حجت رُسل هيج نسيت روحـي
وطكيتها بضحكه رنانه
ـ هههههههههههههييييي

لحضات وماسمع اله صوت قحطان
وهوَ يقاطع ضحكتي ويكول
... وسم وزهرررر ادبسزززز شني هلضحكه

درت وجهي باوعتله واشوفه يخزر بيه
ـ اسفۿ مانتبهت

قحطان ... وتين حطيتيلي عله

ـ يااا اني

انتبهت ؏ ذياب ضحك ودار وجهه لجامه

قحطان ... ولج بويـة فهاوتج شكت شيب الخلفوني