#عشق أهل الانبار
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع._كوليلها خل تجهز روحها اوديها لبيت اهلها
_ولك تخبلت شلون توديها لبيت اهلها تريد
اخوها وعمامها يشمتون بيها_من ايدها
_هي شبيدها المكرودة امها جابرتها منورة السافلات هجامات البيوت كافي يمة وستهدي بالرحمن وتصالحوا بعدكم
عرسان جدد موزين المشاكل من اولها_جوزي مني
_ رائد وين رايح
عفت أمي تحجي ودخلت غرفة فاضل بعد مشال غرفته وجبت غرفتي القديمة بيها جانت نظيفه اريد ملابس ابدل ماكو كلها موجودة بالغرفة اطريت طلع
بوجي ابوي...
إلى متى تبقى عناد وراسك يابس مثل الصخر_خير
_هو اللي يشوف وجك يشوف الخير امشي صالح
البنية خطية بس تبجي_كلكم صرتولها عون وعلية فرعون
_فرعون بنص عينك حيوان يلا امشي كدامي صالحها
_هي كوه اصالحها ماصالحها عوفوني الله الله واحد
ميريد يزعل ويدلل بروحه بهذا البيت_من عمت عينك مسوي روحك مثل النسوان تزعل وتدلل على رجلها ولك هم حاسب نفسك زلمة احجي
_زلمة ونص
_مبين ابو زعلية جرها للزعلة شهر شهرين سنة سنتين ماوصيك بعد وأنت معروف من تزعل
_ اخذوها الكم مو تردونها وتعاركوني علمودها مني الكم
_هو نأخذها قابل نعوفها الك حرامات بيك هالبنية حرامات
راح أبوي يدردم علية بكيفه عجبتي هالشهرين زرعت المحبة داخل قلوب أهلي كلها وياها واكفه اريد شخص يطبك وياي ماكو طلعت زينب باوعتلي عيونها
مورمات حمرة دم شبعانة شبعانة بجي من شافتني نزلوا ادموعها انقهرت عليها من ودي اروح احضنها واصالحها
بس لا خلها تتعلم مرة الثانية ماتنعادوتصدك بحجي العالم أني اخذتها عن حب وكلشي جنت احجي الها بالتفاصيل وماضميت عليها شي غير مرضي وموت الدجاج وفصل مؤمن من الجيش أني طلبت ينفصل
اجت لعندي خزرتها وكفت مكانها وكالت ...
رائد عليك الله اسمعني ... والله
جبرتني أمي_روحي لامج خل تفيدج
_رائد لا تسوي هيج وتكبر الموضوع خلني احجيلك
ونتفاهم لا تروح رائد ارجعانطيتها ظهري قلبي انكسر عليها لزمت .... نفسي ماحسيت الا حاضنتني منورة ظهري قوي وتبجي .... رائد لا تعوفني
والله ندمانة ندمانة
أنت تقرأ
عشق أهل الأنبار {مكتملة }
Romanceقصة حقيقية ٫ تدور أحداث القصة حول ضابطين في الجيش العراقي يواجهان عدة مشاكل وعقبات في الحياة، أولها مشاكل الحب من طرف واحد، #للكاتبة رواء هادي