كمت وصعدت الغرفه فتحت الباب و طبيت و الغرفه صايره شي ع شي و جان دحام كاعد ومخلي راسه بين اديه و الكاع متروسه جكاير و مستمر بالتدخين عبرتهن و طبيت اريد اخذ الجنطه البيها ملابسي
- دار وجهه باوعلي طفر من مكانه وطلع من الغرفه وهوه يقفل بالباب ، ركضت و ادك بالباب و اصيح افتحها افتحها لا تقفلها دحاااام
دحام : نزلت جوه جان عمي واكف ومنتظر بنته
كاظم : ها بويه وينها روانا ما تجي؟
دحام : اي عمي إذا تريد تروح الله وياك لان روانا راح تضل بيت رجلها وما الها طلعه
كاظم : لعد هاهيه بس اريد أودعها قبل لا اروح و ما أوصيك عليها هم ديربالك عليها
دحام : اذا شافتك راح تجلب بيك اني راح اوصل الها سلامك و لاتوصيني على شي من روحي
كاظم : جنت رايد اسلم عليها و ابوسها و احضنها بس اعرفها راح تجلب بيه و احسن الها تضل بيت رجلها لان ما الها غيره بس بعد عمك وصل الها سلامي وكللها أبوج يحبج ويريد مصلحتج
- صار عمي تآمر آمر
كاظم : وهسه اني استرخص منكم وانشاءالله ازوركم بغير وقت
دحام : كل الهلا بيك راح ابوي وراه للباب و رجعت صعدتلها طبيت وقفلت الباب
- ركضت و وكفت يمه لزمته من لياخته و اهز بي ، ليش ليش دحام ليش شوكت تفهم ما اريدك ولا احبك اني اريد بس حياتي حرام عليكم بس جاي اطلب حياتي ما طلبت شي ثاني
- لزم ايدي بهدوء باسهن ثنينهن ..
شنو من حياة ترديها ، تردين تعيشين بغداد؟
- ايييي
- صار نعيش سوه بغداد ، و اذا ما تعجبج بغداد اخذج لاربيل و اذا ما تعجبج أربيل اخذج دهوك واذا ذني كلهن ما عجبنج نطلع من العراق كله !
- بجيت و كلت ، خليت ابوي يروح بدون ما اودعه هاي ثاني مره تسويها بيه
- اسف يبعد ابوج ! ما خليتج تودعي لان ما ردت ترحين ويا
- تمام اطلع ما اريدك !
- تقرب يمي حيل ، رجعت للخلف و هوه يتقدم بخطوات بطيئه تعثرت بشي بالكاع مكسور توجعت بصمت واني ارجع للخلف و كلبي صار دمام نركعت بالحايط لزم ايدي ثنينهن و ثبتهن على حايط
- هاي عليه الما اريدك و اطلع ؟؟؟!
- لا لا بس وخر ايدي كامت توجعني
- كولي اريدك ضل يمي و اعوفها لايدج !
- شجاي تحجي دحام وخر عفيه
- سمعتي كل كلمه كلتها خوما طرشه ، يله احجيهن
- اريدك ضل يمي !!!
- صار يبعد ابوج هوه اني يمج
- دحااااام ، وخر وخر والله جاي اتأذه دحام وخر خلي اشوف رجليه شبيها تأذيني
part 40 ''
Start from the beginning
