بعض الناس من تعيش خذلان من شخص تفقد الثقه بكل الناس ! وتنعزل وبعد متتكلم ولا تحب وهذا الشيء جداً خطأ لازم تعامل الناس لي يدخلون بحياتك كدروس حتى تتعلم منهم وتتعلم من اخطائك تعامل ويه نفسك مثل الطفل لي وهوه صغير ويحترگ بالمدفأة من نحترگ واحنا صغار نبقه خايفين طول العمر وما نرجع ندفأة بيها؟ اكيد لا ورا كم سنه نتعلم من الخطا ونرجع للمدفأة ونتقرب الها لكن بدون منلزمها ونحترگ صح؟
ميصير نحكم على كل الناس بسبب شخص وهذا الشخص احنه لي مختارينه احنا أخطائنا ولازم نتحمل خطأ ونتعلم منه ونختار الافضل منه مو ننعزل ونبتعد عن الكل اذا كان اكو شخص مو ثقه مو معنها كل الناس مو ثقه فمن هسه اگول كل الناس مو ثقه ! انت راح تكول لا انه ثقه صح؟ ومن انت دگول ماكو احد ثقه انه هم راح اگولك لا انه ثقه ! ف ماطول انت وانه ثقه معنها اكو ناس هواي مثلنه ثقه ويتمنون مثل ما انه وانته نتمنى تكون مع شخص ثقه ، انت اذا نعزلت ونغلقت على نفسك وما تنطي مجال لأي شخص معنها انت راح تبقه طول عمرك وحيد ومتثق بأحد وحتى لو يجيك شخص ثقه راح بسبب كلامك وتصرفاتك تخسره وما راح تلگه شخص ثقه لذلك لازم ننطي فرصه للناس الثقه والطيبين لي مثلك اڪَۄ هواي ناس تستاهل الثقه ، لي لازم تتعلمه هو شلون توصل لهيج ناس ! وهذا تتعلمه بفضل التجارب لي تمر بيها هيه لي راح تخلك تعرف تختار الناس صح ، لنُ الانسان الناجح هو من يتعلم من تجاربه وأخطائه .
