تغلغل في الجمرات

part 1

الـرسـايل بـس حـجي شـمـدرينه بـالـنيـه 📜؟يكول عࢪيان السيد خلف:
"لاغرنا المدح بشفاف المحبين"
"ولا همني بشماته شما حجو عني"
"يلتمن عليه مشتتات الباب"
"وانفضهن نفض وانهض ولاجني"

🌿🌿🌿🌿🌿

اربيل: 4فجراً

هلاهل طبول رقص اغاني

داسمعهن بوضوح ايدين ترجف دم بكل مكان

اصوات عاليه صريخ ..

باوعت عليه وهوة يتقرب مني
وايده ملطخهه بدم وجه مشوه صرخت ب علو صوتي..

فزيت من الكابوس الهث وعركانه دخيلك ياربي فدوا لاسمك ..

اباوع ع ساعه بصفي 4فجراً تنهدت بصوت عالي لزمت راسي افرك بي ايمت اخلص من هل احلام ليش دوم تطلعلي..

وسؤال الاهم منو هل شخص لي ستوطن احلامي منو هوو او العكس كوابيسي..

كمت من فراشي علكت الاضويه اخذت سراحيه اترس بيها مي طلعت من غرفتي باوعت ع البيت هدؤء ماكو صوت..

دخلت المطبخ وبيدي سراحيه كزاز اريد افتح البراد واترسها وسمعت صوت ركض فوك سطح بصورة قويه ..

نفتحن شبابيك استغربت شفتحهن ولان اشوف خيال ضل ورا البرادي عطت ب علو صوتي وكعت سراحيه من ايدي..

سديت حلكي واتراجع بخوف ع صوتي امي اجتني تركض..

:يمهه اسم الله الرحمان بنيتي زنان شبيج..

باوعت عليها وايدي ترجف التفت يمين ويسار مثل مخبله باوعت ماكو ضل وختفت الاصوت..

:زنان ولج يمه شبيج..

زنان: ماكو شي ماما زحلكت سراحيه ومن رعبتها صرخت لان وكعت فجاة..

ماردت اخوفها واكولها حتمال من الكابوس تخيلي ليش اقلقها واخوفها..

:صدك تحجين يمه وكعتي كلبي يلا تتعوض سراحيه ولاصاير بيج شي على صراخج هذا..

زنان:ماكو شي رجعي نامي رتاحي ماما..

هزت راسها:تصبحي ع خير ونتبهي شيلي الكزاز ورجعي نامي يمه زنون..

هزيت راسي الها واني ميته خوف بداخلي جبت كيس ولميت الكزاز ولسه منضر الخيال مديروح من بالي يمه اسم الله الرحمان شديصير..

هزيت راسي خلصت ولميته خليته ع صفحه وطلعت من مطبخ حتى المي نسيت اشرب من خوفه..

🌿🌿🌿🌿

في مكان اخر تحديداً بيوت الدعاره..

بهيده: انتي تردين تموتيني موو وللج بااعي لاشوفين كبرتي وتفرعنتي معناها ماكو احد يحكمج ادز هسه ع ابو نار يجي يكسرج هنا..