Discord [COMPLETED]

Chapter 26

"Walang up."

"You're acting strange for days now."

Tumalikod ako at naglakad na. Siya naman ay panay sunod lang. "Imagination mo lang 'yan. Uwi na ako."

"Sama ako." Sinabayan niya ako, panay lingon siya sa akin pero diretso lang ang tingin ko kahit pansin ko yung buhok niyang sumasabay sa bawat kilos niya dahil malaya itong nakalugay, tumatama pa sa akin yung hibla no'n minsan. "It's been a while since I visited your place kaya."

"Oh, tapos?"

"Siyempre miss ko na."

"Ayoko, umuwi ka sa inyo."

"Then how about you visit mine?"

"Edi lalong ayoko, gago 'to."

"Then tara na sa inyo?"

Huminto ako at tinitigan siya. Sinalubong niya lang ang titig ko at mukhang wala talaga siyang balak magpatalo. She was grinning. Parang gusto ko tuloy siya suntukin saglit, makabawi man lang.

"Hindi ka talaga papaawat?"

"Hmm," Kunwari ay nag-isip pa ang babaeng loka-loka. "Hindi."

"Bahala ka nga."

"I know you can't resist me!"

"Tigilan mo, baka magbago isip ko."

Mabuti na lang talaga at kaka-grocery ko lang nitong nakaraan kung kaya't hindi na namin kinailangan dumaan sa mall para bumili ng ingredients. Hapon pa lang naman, mabuti na lang at hindi kainitan. Siguro kasi umulan din kahapon.

Napahinga ako nang malalim nang makarating na sa bahay. Eris, on the other hand, looked so comfortable moving at dalagang nauna pa ito sa kusina matapos ilagay yung gamit niya sa sofa.

Akala mo talaga siya ang may ari.

Binuksan niya yung ref at naglabas ng pitsel ng tubig, natigilan pa siya nang makakita ng mansanas sa loob. She looked at me with her curious eyes. "Nahawa ka na sa akin?"

Tumikhim ako. "Kunin mo na."

"Eh, sa'yo 'to —"

"Sa'yo na nga."

Alangan sabihin kong para sa kanya talaga 'yon.

"Thanks!"

Pagtapos niya uminom ay hinugasan niya pa yung apple bago kainin, baka iniisip niyang sesermunan ko na naman siya kung basta na lang siya kakain. Eh, malinis naman 'yon. Hindi ko lang sinabi.

"Magpapalit lang akong damit," paalam ko. Kanina pa ako naiirita sa uniform ko dahil natuyuan na ng pawis, gusto ko na nga rin maligo pero aawatin lang din ako ng babaeng 'to, sure ako. "Pahiramin na lang kita ng damit."

"Hindi, may extra akong dala."

Napamaang ako sa kanya. "You planned this, didn't you?"

Ngumiti siya na parang batang may ginawang kapilyahan. "Miss kita, eh."

"Lagi mo akong nakikita."

"Miss kita masolo?"

Hindi na lang ako nagsalita. Tumalikod na ako at naglakad papuntang kwarto ko para kumuha ng pamalit. Mabilis kong tinungo ang banyo at napatitig sa salamin. Pulampula ang mukha ko hanggang leeg, parang gago amputa.

Paglabas ko ay naabutan ko siyang nakasandal lang sa sofa, halos humiga na nga siya kaya bahagyang lumilis ang blouse uniform nito. Bukas na ang tv at kung ano mang pinapanood niya ay hindi ko rin alam. Tumikhim ako. "Hoy."

Umayos siya ng puwesto at sinipat ako mula ulo hanggang paa.

"Ba't ganyan ka makatingin?" Kung makatitig parang hindi normal magsuot ng shorts at t-shirt.