نبضات قلب

بارت 24 ♥️

خالد ابتسم و باس ايدها و قال : كويس طول ما انتو معايا ي حبيبتي

رزان ابتسمت و قالت : طب يلا نفطر بقا
و مدت ايدها بالاكل و خالد اكله منها بحب

و بعد ما اكلوا رزان شالت الاكل و طلعت اقعدت جمب خالد و شالت ندى و اكلتها و لما نامت حطتها ع السرير و فضلت ساكته

خالد بصلها و اخدها ف حضنه و بنتهم نايمه ف النص و قال ببتسامه و حنان : ساكته ليه ي حبيبتي

رزان بصتله و اخدت نفس عميق و تنظر له بعشق لما تستطيع اخفاءه و قالت بحيره : مش عارفه بس لسه مش مستوعبه و لا مصدقه ان كل اللي كنت شيلاه جوايا خلص و انت معايا و بنتنا كمان كل حاجه حصلت بسرعه

خالد ابتسم و قال بعشق : لا ي حبيبتي صدقي احنا مع بعض اهو و معانا بنوتتنا ربنا يخليكوا ليا و كمل بحب شديد : كل لحظه بتمر عليا و انتو معايا هي احلى حاجه بتحصل ف حياتي

رزان ابتسمت و قالت بخجل : لا لا براحه عليا و النبي انا مش حملك و مش متعوده ع الكلام دا و كله يجي مره واحده لا براحه

خالد ضحك و قالت بخبث : احسن عشان خدودك دي تحمر و ببقا نفسي اكلها اصلا و هي عامله شبه الفراوله كدا و قرب منها و قبل خدها بعمق و حنان شديد و رجع شعرها لورا و قال بهمس : بحبك

رزان ابتسمت بخجل و جسمها اتنفض بخجل و قالت : و انا كمان بحبك

خالد لسه هيتكلم الباب خبط و رزان قامت فتحت و كانت علا و قالت : رزان سميه هانم تحت و معاها ادم بيه و حياة هانم

رزان ابتسمت و قالت : ماشي ي حبيبتي هننزل

علا ابتسمت و نزلت و رزان قفلت و بصت ل خالد اللي كان وشه مضايق قالت ب استغراب : مالك ي حبيبي ف ايه

خالد قال بضيق : مفيش حاجه ي رزان بس مش عايز انزل انزلي انتي و قوليلهم اني نايم

رزان راحت و اقعدت جمبه و قالت بحنان : لا فيك حاجه ي حبيبي احكيلي

خالد اتنهد و قال بضيق و حزن : ماما كانت عارفه ان ناهد بتخوني و مقالتش حاجه

رزان همهمت بخفوت و عرفت بسبب ان خالد مش عايز ينزل و ليه سميه جابتهم و جت ع طول و قالت بحنان و ابتسامه : بص ب حبيبي ماما كانت اكيد خايفه عليك احسن تتجرح و انك تقول انها خربت بيتك و هي كانت شايفه حبك ل ناهد هي فعلا غلطت انا معاك بس هي اتصرفت بدافع الامومه و انها خايفه عليك ف انزل و شوفها هي مستحملتش تقعد حتى كام يوم دي جت ع طول

خالد ابتسم بخفه و قال : ماشي ي حبيبتي و باس رسها و قال : ربنا يخليكي ليا

رزان ابتسمت و قالت : و يخليك ليا ي حبيبي

و قاموا غيروا و نزلوا و خالد اول ما شاف سميه و كانت عنيها مدمعه راح و حضنها و قال : انا اسف اني ضايقتك امبارح ي امي متزعليش مني

سميه حضنته بشده و قالت ببكاء : انا اللي اسفه ي بني مكنتش اقصد اعمل كدا و الله كنت خايفه عليك

خالد قال ببتسامه : و الله ي حبيبتي ما زعلان و باس ايدها و مسح دموعها و قال : اوعى تعيطي تاني دموعك غاليه عليا

ادم قال بمرح : خلاص ي جماعه كفايه كدا ف واحده هنا مشاعرها مرهفه و بتعيط و شاور ع حياة اللي بتعيط
و ضحك و قال : لا واضح انها مش حياة بس لا و رزان كمااان دي واحده حامل و واحده ام ي جماعه كدا هينكدوا علينا و ع العيال

حياة بصتله بغيظ و قالت : بقا انااا بنكد عليييك ي ادم طب نكد بقا بجد هقعد مع ابيييه هنااا

كلهم ضحكوا عليهم و رزان قالت بمرح : تعالي ي حبيبتي اهو تسليني و انا بسهر مع ندى هانم
و بصت ل سميه و قالت : خليكي معانا ي ماما هنا متقعديش لوحدك

خالد قال ببتسامه : رزان عندها حق ي ماما خليكي هنا متقعديش لوحدك ف البيت

سميه قالت بهدوء : لا ي بني انا برتاح ف بيتي

خالد قال بجديه : لا ي ماما مش هسيبك لوحدك

سميه قالت : ي بني لا و البنات اللي هناك هقطع عيشهم يعني حرام عليا

خالد قال : اكيد لا طبعا هنبقلهم هنا من امتى احنا بنقطع عيش حد

و مع اصرارهم وافقت ع مضض
______________٭_____________٭______________
« بعد مرور عدة ايام »

الحياه هادئه ف فيلا خالد الحريري و تم نقل حاجات سميه و الخادمات و خالد خصص ليهم مكان و حياة اخدت جزء منهم عندها ف الفيلا الخاصه بيها هي و ادم

ناهد و عمار بيخططوا ل خالد و رزان

خالد و رزان مبسوطين ب ندى و خالد قدملها ف الكليه و رزان كانت مبسوطه جداا

_____________٭______________٭______________
« عند حياة و ادم »

ف المساء حياة واقفه ف المطبخ و ماسكه برطمان مخلل و بتاكل منه بنهم و شراهه و شهيه مفتوحه و بتصدر همهمات تدل ع استمتاعها

ف الغرفه ادم صحى من النوم بص جمبه ملقاش حياة و مكانها بارد يدل ع عدم نومها و قام بقلق و نزل لقى ضوء المطبخ منور دخل و بصلها بصدمه و قال : بتعملي ايه ي مجنوووونه

حياة شهقت بخضه و البرطمان وقع منها ع الارض و قالت : حرام عليك ي ادم خضتني

ادم قال بغيظ : مش الدكتوره قالت ممنوع الحوادق ي حياااة مش بتسمعي الكلام دا

حياة قالت بتذمر طفولي : ي ادم نفسي فيه اوي اعمل ايه

ادم اتنهد و قال بحنان : ي حبيبتي انتي حامل و دا غلط عليكي استحملي شويه لحد ما الفتره دي تعدي ع خير

حياة بصتله و هزت رسها ادم ابتسم و هز راسه بقلة حيله و راح شالها و قال : هتجننيني معاكي ي حبيبتي

حياة ضحكت بطفوليه و حضنته و قالت : معلش ي حبيبي استحمل حبيبتك بقا

ادم ابتسم و قال : ما انا بحبها اعمل ايه و دخل اوضتهم

حياة ابتسمت و قالت : و انا كمان بحبك و باست خده بحب

ادم حطها ع السرير و اخدها ف حضنه و قال : نامي يلا

حياة ابتسمت و نامت
______________٭______________٭_____________

الحياة الهاديه دي هتتقلب بمخططات ناهد و عمار و لا لا ؟!

يتبع .....