ام شمس _ما گلتلي اكعدها والنايم مرفوع القلم منه گومي ماماتي يلا ذكرو ربكم الا بذكر الله تطمئن القلوب
وخرت الغطا مني واني متردده اصلي لو الله ما راح يتقبل صلاتي
اصلي لو بعد الصار اصلاََ ما تفيد صلاتي
اصلي لو بشر القاتل بالقتل
بس اني مو متعمده هواي اسأله حاربتني بلحضتها
بس اكو شي بيه يدفعني بقوه حتى اگول جايه وياكم وفعلاََ صحت الام شمس يصير اجي اصلي وياكم
ام شمس _يا ريت ويعمر بيت الله بذكره ونكبر يوميا وحده ياريت
نزلت واني بداخلي خجل شلون اقابل ربي واوگف بين ايدي
بس توضيت واني اسمع ام شمس
تتوضأ
اللهم بيض وجهي مثل ما تبيض الوجوه
اللهم لا تسود وجهي مثل ما تسود الوجوه
اللهم ضع الكتاب في يميني ولا تضع الكتاب في شمالي
اللهم بيض شيبتي وشيبة والدي
الجملة الوحيدة الي ترددت بيها لأن اكثر ثنين ضلموني امي وابوي بالرغم اني طلعت من روحهم وهيج ذبوني هاي الذبه وما هتمولي اكيد ما هتمولي وخاصه وهسا انا عند الدوله بأعداد الميتين يعني لعد مستحيل واحد يفكر اني عايشة
نفتحت بوابة الزنزانه
مشينه للمصلى اكو حراس وضابط و البنيه المساع دخلتني للزنزانه هم تباوعلي جانت
دخلنه للمصلى ما جانت اكو ترب
يلا التربه استحباب المهم صلاة
بلشنه نصلي ختمنه الصلاة رفعت ام شمس ايديها
اللهم يا واسع المغفره اغفر لي ولي والدي
ركعت وبقت تدعي انا طلبت المغرفة عسا ولعل ربي يتقبلها مني نداريت ناحية الباب البنيه واكفه باوعتلي وابتسمت
خلصنه الصلاة ورجعنه للزنزانه
خليت راسي ع المخده سمعت صوت تسبيحات ام شمس
الصلاه على النبي و الاستغفار
و الشكر
وانا كل ما اسمع وحده اسوي مثلها
نمت بيومها نوومه مريحة الا ابعد حد ما حسيت بالدنيا بعدها
فزيت على هوسة البنات و ريحة الجاي
ام شمس _صباح الخير ماماتي يلا تعاي ريوگ
_عدلت فراشي ونزلت غسلت وجهي ورجعت يمهن تريگنه جان جبن وبيض سلك وخبز و جاي
يمكن اكلت لكمتين وشبعت
ام شمس _ ما عجبج الاكل يسولج البنات غير شي
_لا لا اصلا شبعت
صبا _ دكلي يا عيني راح تنقسمين بالنص
_خجلت منهن كطعتلي ثرمه خبز و اكلتها وي الجاي
صبا _تجين ويانه
_وين
_هسا راح يجون الضباط و البنات كلها تجمهر نتونس تشوفين خلق الله راضي عنها
_لا شكرََا خليني هنا اني شابعة من الضباط
سهيله _عوفيها هيه الخسرانه
ام شمس _روحي باوعي وياهن تونسي
_لا لا ما اريد خلوني هنا فدوه
ام شمس _عوفوها روحن ماماتي انتو روحو
_متجين ويانه خاله
ام شمس _لا روحو
YOU ARE READING
معتقل الصحراء
Actionقصة حقيقية يا أيها الليل أخبر عن مدامعنا صبحاََ يجيئُ ليبكينا و ينصرفُ حل الظلام خلف القضبان يا أمي حل ليل كئيب علي وانا لا اعلم أين و ماذا سوف يحدث لي اماه ما زلت في ربيع عمري وبداية احلامي وانا مكبلة اليدين بين ظلم الاهل و جبروت الزوج ضحية لل...
الزنزانة الثامنة
Start from the beginning
