بعد اعترافه لاسعد بحبه ، وصل اوس اسعد لبيتهم .
رجع لاوس لبيته و هو يفكر ، صح لو خطأ الي سواه ، خاف اسعد يرفض و يگول لزوجتي و يخرب بيتي ، ليش اني هيچ سويت و هذه العلاقة باي وقت تنكشف راح انفضح ، بس اني احبه و ما اگدر اتحمل ما اصارحه
اسعد هم بقى يفكر بكلام اوس ، اذا قبلت بكلامه راح يستكعدني و اي كلمة تطلع عليه اهلي ما يرحموني و بعد ما اگدر اتزوج ، بس هو اذا طلعت كلمة راح ينفضح اوس وياي ، اذا ما قبلت راح ارجع اسوق الستوتة و لازم ابطل من الدائرة ، اني احبه بس خايف من المستقبل
قرر اسعد ما يجاوبه و يبقى يفكر الايام الجاية
بقوا بعلاقتهم العادية يوصله اوس للدوام و يرجع وياه و ما فتحوا الموضوع مرة ثانية
بعد اسبوع
اسعد : استاذ اوس اني فكرت بكلامك
اوس : اي سعودي و شنو جوابك
اسعد : اني موافق بس بشروط
اوس : اشرط حبيبي
اسعد : ما تصير بيناتنا علاقة الا بعد فترة و من اقتنع ، شغلة ثانية يبقى الموضوع سري و محد يعرف بيه و الشغلة الثالثة يمته ما اريد او تريد تترك تنتهي علاقتنا و نبقى اصدقاء
اوس : ماشي حبيبي اوعدك محد يعرف باي شيء بيناتنا لان هذا يضرني و يضرك و عادي اذا صار اي شيء تكدر تترك و نبقى اصدقاء
اسعد : ماشي استاذ
اوس : بعد ماكو استاذ من نكون وحدنا اني اوس
اسعد : ماشي اوس
اوس : حبيب و روح اوس
بقوا يتراسلون و بدأ اوس يدزله اغاني رومانسية و كلام حب على الانستغرام بصيغة تنحذف بيها الرسالة بسرعة حتى ما ينكشفون
و بدأت تقوى علاقتهم و اعترفله اوس انه هو يحبه من البداية و صاروا يطلعون سوة
بعد اسبوع صعد اسعد للسيارة ويه اوس ، فتقرب عليه اوس و باسه من خده و قرب على شفايفه و اخذ بوسه سريعة بس اسعد ابتعد
اسعد : مو هنا اوس
اوس ضحك : ما اتحمل بعد حبيبي شفايفك موتني
ثاني يوم ، اوس اخذ اسعد للمخزن مالت الشركة بحجة يجيبون غراض و بس دخلوا للمخزن حضنه اوس و بده يبوس بيه
بالبداية اسعد قاوم بعدها خدر بيد اوس و بدوا ياخذون حلوك
اسعد مو خبرة مثل اوس بس حاول يمص شفايفه و بده يحضن بيه و بقى تقريبا خمس دقايق يتباوسون بعدها طلعوا متكاودين و فرحانين و هذه چانت اول بوسة بيناتهم
