في ضريح العشق حمامـــــه......💙🕊

التاسع والثلاثون/الجزء الثاني

حسيت امي صافنه عليه.

گلت ماما مثل ما گلت الج الضُهر اريد اڪمل دراستي هذا اهم شي عندي.

گالت خير ان شالله.

حسيت نفسي انقذتها بهذا ڪلامي.

وبعدها گالت من تڪملن تعالن للصاله.

واتذڪر الضُهر من گلت لامي قررت اڪمل دراستي يم خالو. استغربوا اخواني ثلاثتهم ونظرهم لــ مسك اللي خايفين عليها شلون تبقى بوحدها. ويگولون اڪيد تتشاقين.
مايدرون ٵني صرت استمد من مسك قوه.

ڪملنا وانوسه تگول ياله گلت روحي انتِ .

واگول بداخلي مااريد اسمع شي من النقاش والڪلام.

رجعتلي انوسه تگول ٵمي تگول خلي تجي ستين مره سٵلن عليج.

دخلت گعدت يمهن وافڪاري مشتته ويوم بعد يوم اڪتشف ٵنُ مسك رب العالمين منطيها قوه عجيبه.

حسيت شنو حالها بذاك اليوم. وهي تڪابر وابد ماضهرت بموقف الضعف.

ڪان الڪلام لام حسام وهي تمدح امي وتمدحنا وعن حسام وانوسه.

وام عادل ڪملت ؏ ڪلامها.

وام مهند نظرها ينتقل بيني وبين آن متاڪده عبالها مسك.

ومن دخلت ڪرستين وسلمت عليهن وشگد حلو طبعها وڪٵنها تعرفهن من زمان گعدت واندمجت وياهن بالڪلام بعد ماتعرفت عليهن وعرفت سبب مجيئهم .

وصارت تشاقه تگول الماسه ڪانت رفيقتي بعرسي بداخل الڪنيسه وبدلتها ڪانت نفس قماش بدلتي واني خيطتها الها .

وبنات المها بناتي يعني جزء من القرار يمي.

وام مهند گالت والنعم منج لعد نتبشر خير اريدها منج.

وآن گالت الها ماما يعني اني بااعتبار اختهن ولازم باجي المها تدخل بوقت خطوبتي.
ڪرستين بضحڪه گالت غير انت واخوج منشورين عليهم. وڪل امورڪم بيدهم.

سٵلتني ام مهند هاي امها يعني هذه مو مسك.؟؟؟

گلت لا مو مسك.

بعد ڪلام بمواضيع عاديه ورجعن للموضوع الاهم.وام مهند تلوب وڪٵنها متاڪده من الرفض تگول لامي.

اريدها هالمره منج ام الياس. والله احطها بعيوني واغمض عليها بنتي واڪثر من بنتي ربي يشهد عليه.

وٵمي احس موقفها اصعب من موقفي وحيرتها واضحه بين متاڪده من الرفض وبين ام مهند الي تتنخه بيها.

وام مهند تباوعلي وتگول لام طيبه هواي تشبه ام ياسر. وام طيبه تٵيد ڪلامها.

وقبل لايطلعون گالت لامي لعد وينها صغيرتڪم اريد اشوفها.

ٵمي گالت لــ آن تناديها.

وام مخلد سٵلت استلمت نتتيجتها لو بعد؟؟؟.