في ضريح العشق حمامـــــه......💙🕊

البارت الخامس عشر

#في ضريح العشق حمامة..
وئام الشيخلي،،،

البارت الخامس عشر،،،

،،،،،،،،،،،،،،،

‏ولو أنني أستطيع اختيار من حولي لجعلت وجهك يميني وشمالي وقبلتي وكل اتجاهاتي 💜•

،،،،،،،،،،،،،

يحتاج الإنسان كل ما تضيق علي حلقات الدنيا..

إن يشوف حال الإنسان الي مر بضيق أكثر منه وبعد أن صبر رب العالمين عوض الصبر بضفر...

َهذا حالي اليوم بعد ماكنت اتمنى اعرف قصه خالتي ومحمد بالكامل..

شكد متحمله تعب وقهر..

وكل هذا وتتعامل وياي بأجمل اسلوب..

من تحس بيه مقهوره تشيل همي وتصبرني بكلمات مثل البلسم..

احسها كلش قريبه لروحي واستمتع بالنقاش وياها ذكيه وفطنه إلى أبعد الحدود...

وهسه عرفت ليش تكول ليلى أبويه جاي يموت على البطيء من قهره عليهم ...

تكول .. الفرع كله بجا عليها من سمعو بالصار وشلون راح تعبهم بسبب ابو صبيح..

واني شفت بعيني بيوم العقد مالتي شلون طاير بيها. ابو محمد  كدام الناس..

شلت مسك خليتها بكاروكها..

ورجعت اشيل الحليب والترمز والممات..

محمد متوجه للقبله يصلي.. وخالتي تقرأ قرآن..

رحت لغرفه أطفالي الجديده ماشالله لاعبين حيه ودرج.. ولاواحد بفراشه..
يااللهي شكد حركين..
عدلتهم كل واحد بفراشه..

ورحت لغرفتي حسبه توديني وتجيبني..

على كلام خالتي..
واني اكول ليش عصبي..

أني لو حاركين كتبي.. كان ذبيت روحي وراهن للتنور..

وخاصه الحاركهن انسان حاقد..

اني أطفالي مايفهمون مزقو دفتري.. شصار بحالي..

و مابيوم محمد بين الي سبب عصبيته الضروف المرت بي..

جان من يهدأ من عصبيته يطيب خاطري بكلمات..

اعرف بي شكد قوي وعنده عزه نفس وكرامته فوك كلشي..

هذا الڪالته خالتي واني متاڪده المر بي محمد وشافه من هيج اخ اكثر واڪثر بس هو سره قوي ـ تمنيت اسمع منه لان خالتي ڪالت الي شافه من موفق هواي.....واڪتفت بذڪر مقتطفات......

حسيت بي من دخل.. مرر أصابعه كدام عيني انتبهت اله..

گال وين وصلتي..
قوست شفايفي ماادري..

محمد ... لأي كراج تروحين يامحافظه توصلين..

انتبهت كتله صدك اريد اروح لبيت خالي اوراس منين اصعد..