في ضريح العشق حمامـــــه......💙🕊

التاسع والثلاثون/الجزء الثاني

ميس ــ اي ڪملي.

مسك ـ اي مااعرف شلون اڪمل الج الوصف صوره بخيالي ما اعرف شلون اعبر عنها.

هو اغلب افڪاري عنها عيونها حزينه مثل مُخلد بعز فرحته تحسين الحزن مخيم عليهن.

ميس ــ صح مثل ما وصفتي ڪلهم نفس العيون يعني طالعين ؏ امهم.

اجاني يزن يگول امي تريدج تعالي. وبعده اجت آن بالگوه ڪاتمه ضحڪتها.

ڪفخت يزن وتضحك تگول هو ونجوان تلگوا النسوان بوسوهن من ڪل خد عشر بوسات.

بحيث دخلن الصاله وهن يضحڪن ع تصرفهم.

بعدها گالت باجي تگول نزلي ساعدي انوسه. مرام تتقيا وتعبت.

نزلت سلمت عليهن وعرفت المره الثالثه وياهن هي عمتهم ام ريان ماڪو اي شبه بينها وبين اختها ام طيبه. ادري هن اخوات من الاب.

توجهت للمطبخ اساعد انوسه وسٵلت هن مرام ؟؟

گالت سلمت ودخلت لغرفه ٵمي. اليوم ڪلش روحها مايعه.
هو ينلام الحيد من اجل موضوع الحمل الى ان تڪمل دراسه.

رديت فعلا والله ڪان اتبهذلت احوالها وصعب توفق بين دراستها وحملها.

انتبهت للشباك اجو اخوالي وجدو عبدلله.وام حسام.

وبعدهم عمو ابو نجوان اڪيد ابوي اتصل بيهم.

ڪل شوي يروح فڪري لموقف وارجع اكول مو المفروض المشيه اول مره نسوان ومن ياخذن موافقه يجون مشيه زلم.

موقف صعب عليه وشگد استحي من الياس وانس من يجون للمطبخ ياخذون ضيافه.

وانوسه تصنف ؏ يزن ونجوان تگول صايبتهم العدوى من اوس.

والياس يگولها ماانتبهت لاوس من سلم ؏ الزلم.يجوز الخال وابن اخته اليوم لعبو جوله.

انوسه گالت و خلي اڪمل الك ؏ بيبي دخلن النسوان الصاله التفتت تدور مسك وهمست الي وينها. ؟؟

گلت صعدت فوگ.

وبيبي تگول اي فدوه لعينها المطيعه.

ضحك هو وياها وگال صعدت لمقر الاقامه المسڪينه وطلع.

احس ايدي ماتاخذ ؏ الشغل ومن تسٵلني انوسه عن الحاجه وين اصفن عليها.

وٵمي اجت سٵلتني گالت الماسه بـ اي مرحله اتذڪر گلتي اجه ولد من غير جامعه وڪان ڪليه زراعه واقاربه بجامعتڪم.

وگال نيته يتقدم وانتِ رفضتي بنفس الوقت.

ميس ـ اي ماما بالفصل الثاني من المرحله الاولى.

گالت يعني نفسه الي اليوم جاي ـ

هزيت راسي اي هو واقاربه هي ريان الي شفتيها بالبصره. ڪانت مرحله رابعه.