شباك الحب

البارت التاسع عشر

_فتحت التلفون دازلي صوره ايده شايل جكاره وجواها بالأرض واكعه ١٠ مخلصات جريت حسره كتبت مسحت رجعت دزيته
شنو تريد هو رد بنفس الدقيقه!

سامر: جايج للبيت امشي طلعي للحديقة

مريم: كتبت اله مااطلع شافها ومارد سديت التلفون عشر دقايق اسمع فتحته الباب الخارجي دزلي رساله

سامر: وصلت تعالي اني وره البيت

مريم: مسحت وجهي رجعت اخذت تلفووني ورحت متردده اريد اعرف شيريد اكيد راح ينهي علاقتنا اي ويطلكني لان ميكدر يكول هسه يكتلوني مثل مگالت ريماس لو ينهي علاقتنا ويطلگني لو ياخذني يسويلي عمليه حته مببين علي اني متزوجه!

_طلعت اتلفت منا ومنا مشيت ع كيف ورحت وره البيت لتفت هو واكف يدخن من شافني شمره الجكاره بالارض وداس عليها يطفيها قرب مني لزمني من ايدي جرني

سامر: تعالي منا لاحد يشوفنا

مريم: بعدني وداني للمنطقه الظلمه!
انتظرت ينهي علاقتنا مبين من صوته وضوجته
اي احسن حتى لاحد يتاذه قربني من الجها الضلمه

_طبكني ع حايط واخذ شفايفي بين شفايفه نصدمت اريد ابعده قرب اكثر طبك جسمه ع جسمي حط ايده وره راسي وضغط اكثر ع شفايفي بعد جر شفتي اخذت نفس مصدومه مناََ عطت بي وخرررر

سامر: مشتاق الچ اهواي مانسيت ولا فكرت بغيرچ هل الشهر مر علي من الجحيم اريد يوم واحد مرتاح بي!! علقتيني بيج خلتيني ماا اشوف غيرج روحي تلعب اذا شفت وحده غيرج

مريم: حجيت بصدمه تلعب نفسك حته من خلود الحامل هو صافن بعيوني قرب حضني اكثر يشتم برگبتي

سامر: علميني شلون اشبع منج؟؟ مي بحر اشكدد مااشرب منا ماضمي عطشي اني هيچ صرت بغيابچ

مريم: اشكد اسمع بقصص الحب اغلبها ما أمن بيها لان اگول الرجال يحب شهوه او يحب الوحده لان حلوه وقليل جدا يحب ويهتم لذالك صرت ماامن بسوالف الحب اشوف اهلي اگول نهايت كل زواج طلاگ

_ببس بالقصص تلگين البطل هو المندفع الي يعشق البطله الي يموت بيها الي ميگدر بدونها يتامل تفاصيلها!!

_ماصدكت باي شخص يگول احب واندفع واريد هل المفردات غريبه علي وعمري ماسامعتها من اهلي اصلا مااصدك بالي يگول هيج من حضني سئلت نفسي هذا السؤال تعلق بيچ مريم ويريدج ويحسبج مثل مي البرد الماينشبع منا!! معقوله وصلت لهذا الحب الي يذكرونا
معقوله راح اعيش قصه مثل باقي القصص واصير اميره ويدللني اميري!!

مريم: ابتعد عني تنهد

سامر: مكدرت انام كل ساع ينعاد كدامي مقطع ابوج شلون يكتلج تحسين بالم بجسمچ؟؟ متاذيه من شي مريومتي

مريم: حط ايده ع خدي وقرب مني

سامر: ليش هيج هادئه احجي شي!!