اسعد شاب عراقي عمره ٢٠ سنة ، كمل ثالث متوسط و ترك الدراسة ، بعدها بدأ يشتغل عمالة ، يشتغل بالبناء اكثر ايامه
اسعد ضعيف طوله ١٧٤ , يسوي شعره سبايكي و لونه حنطي ملامحه حلوه ... ما عنده علاقات ويه البنات ، يحب يلعب طوبه دائما
ابوه جندي بالجيش و عنده ٣ اخوان اكبر منه متزوجين و كاعدين وياهم بالبيت ، ينام بالاستقبال دائما لان ما عنده غرفه ، خواته ٢ متزوجات
ابوه گله راح اشتريلك ستوته اشتغل بيها بدل ما تبقى تشتغل بالعمالة
راحوا اشتروا الستوتة و بده يشتغل بيها يوصل شغلات للناس
بيوم وصل غراض لبيت ابو عادل ، لكه بالبيت ابنه اوس عمره ٢٧ سنة ، مهندس متعين بالكهرباء و متزوج و عنده ابن اسمه احمد .
اوس طويل ١٨٠ اسمن من اسعد و عنده لحية خفيفة و شارب .
اسعد : السلام عليكم استاذ
اوس : عليكم السلام اهلا
اسعد: استاذ هذه مولدتكم صلحها ابو قاسم المصلح و دزلكمياها
اوس : مشكور عيني شكد تأمر
اسعد : تسلم الحجي انطاني الكروة ، بس اذا تكدر تنزلها وياي
نزلها و دخلها للبيت
اوس : مشكور عيني تعبتك
اسعد : العفو بالخدمة
اوس : انطيني رقمك خاف احتاجك توصل غراض
اسعد : هذا رقمي و اسمي اسعد
اوس : و اني مهندس اوس
اسعد : مشكور استاذ ، مع السلامة
اوس : مع السلامة
......
رجع اسعد لشغله و نسى هذا المهندس ، دائما اسعد عنده احساس غريب و انجذاب للولد ، ما يعرف ليش ، و بنفس الوقت ما مجرب يتقرب لولد
اوس عايش سعيد ويه مرته و ابنه احمد و دا يفكر يبني بيت
ورة اسبوع احتاج يودي الغسالة العاطلة بالبيت للتصليح و اتذكر اسعد
فخابره ، و اجه اسعد
دخله للبيت شال الغسالة و اخذها للمصلح
اوس : من تكمل من التصليح جيبها
اسعد : تدلل استاذ
من كملها تصليح جابها العصر ، دك على اوس ، طلعله بالبرمودة و الفانيلة التعلاكة
اسعد حس بانجذاب لاوس ، بس ما بينله شيء ، نزلوا الغسالة و راح اسعد لبيتهم و ضل بالليل يفكر باوس
اوس بقى يفكر بموضوع زوجته لان راح تسافر ويه اهلها شهر لتركيا لان امها تسوي عملية قلب هناك
https://t.me/storyaboutiraq
ارجو ان تشتركوا في هذه القناة التي ستنشر قصصي
