چان انلطم بوجهي على الحايط مال الميزانية مال كهرباء الي بصف باب الحوش مالتهم و كملت طفرتي دعمات بالحايط و بالباب لحد مطلعت بره و گمت اركض بالشارع منا ومنا مثل المصرع من الوجع طبيت لبيتنه ولگيت امي هم مگروصة و ما احچي الورم الي صار بجسمي وراها و وحتى وجهي صارت عباره عن شخص منفوخ من كل مكان .
لا فادني ثلج يحطو على وجهي ولا فادني معجون ورمت و استحي اطلع من البيت لان شكلي يخوف و طبعا جوي جوارينا الجدد لبيتنه همه وابوهم يزورونه وره الموقف ، خطية حتى البنات وامهم هم مگروصات و ابوهم صار صديق ابوية و طلع يعرف واحد من گرايبنه بعد السؤال والجواب المعتاد مال عراقيين مال انتو وين چنتو قبل و منين انتو وتعرف فلان
و بدت علاقتنه تقوه بيهم يوم وره يوم وبصراحة همه ناس طيبين كلش اضافة لهل الشي صرنا احنى وياهم مثل الاهل و اني چنت اخلصلهم شغلات هواي لان همه بس نسوان بالبيت وابوهم مو دائما موجود و يشتغل خطية من الصبح للمغربية يله يرجع .
يعني اذا اكون بالبيت و همه يحتاجون شي گبل اني اروح اكملة لو اروح اسوي ورجعت لدوامي بعد مخلصت العطلة و گمت اشوف البنات ثنينهم هم يداومون بنفس المتوسطة و الاعدادية الي بمنطقتنه يعني الصبح من اروح للدوام نطلع سوه كلنا اني واختي وهمه البنات بس نفترق بالطريق و كل واحد بينا يروح لدوامه .
و بيوم من الايام عندي صديق مقرب كلش مني و يجيني للبيت حچيتله بالدوام على جوارينه و چان اول سوال يسأله بناتهم حلوات ؟
اني بوقتها گلتله عيب شنو هالسؤال بس هو بقى يحچي عليه و يگلي بعمرك مراح يصير براسك خير !
ليش ميصير براسي خير بله ؟
لان ماعرف انسق و اصادق و استحي ؟ هو بقى يعلم بيه و يگلي اذا حلوات شوفلك وحدة بيهم وصادقها لا تظل اثول گلتله عيب بابا ذولة جوارينه بس هو قنعني يجوز وحدة بيهم تصير من قسمتي واني چنت بحياتي ممسوي علاقة و لا حاب بنية .
و بديت بمرحلة المراهقة
اول شي سويته صعدت فوگ بالمخزن الي بالبيتونة گمت ادور شكو وايرات قديمة اجمعها واربطها وحدة بوحدة بلايق تيب ازرگ حتى اسويهم سيار كهربائي طويل
طبعا هالحچي بعد ما اخذت قياسات من السويچ الكهربائي الي بالمطبخ لحد يم الحياط و بعد ما رتبت الواير و السيار طلعت المسجل و گمت اشغل كاسيت مال كاظم الساهر و اعلي الصوت حتى تسمع بتهم الچبيرة لان هيه الي چانت عيني عليها .
هاي چانت الخطوه الاولى و الخطوه الثانية هيه اطور من سلامي وياها و اسأل على دراستها واحاول افتح مواضيع حتى بس احچي وياها
طبعا چنت اختار تشغيل المسجل وي طلعت اهلي كلهم لان هواي اوقات البيت يفرغ ابوية بالشغل وامي واختي يروحون لبيت خالتي بنفس منطقتنه بس جوه بالفروع
المهم گمت الصبح من اشوفها اسألها و خطية هيه من طيب خاطر تجاوب و تبتسم و اني چانت ضحكتها تدفعني اسأل اكثر .
CZYTASZ
『قٌصص ﺑٱرۅد』
Krótkie Opowiadaniaلم أرَا نظرات الحُب الحقيقية إلا على عتبات المقابر ، والمستشفيات ، نحن أُناسٌ لا نتذكر من نحبهم إلا في النهاية.
⍅بَس احـبها⍆
Zacznij od początku
