لُقياك (عشك الذيب)

احداث اضافيه .

لُقياك (عشك الذيب)
لَـيـل آل قَـيس ..
احداث اضافيه..🖤

فجر..
اَنَــتفضت من الفراش : عزا شلوون هيج قابل متقصد
هو ..

قصي : ماعرف اصلاً مايستفاد شي هوه ..

فجر  : تحتاجني اجي ..
هز راسه وهو يسحب غراضه : اي انه رايح وياه
هسه البسي وادزلج واحد يجيج ..

طلع بسرعه نزلت جوه وحجابي على راسي شرطه
بالباب ديتفاهمون وياهم قصي ووارث ، اجه ارشد
من بيتهم ، تصافح وي الضباط سمعت صوته..

ارشد : حَبيبي انه اجيبه زحمة يطلع من بيتنا وانتو
مكلبچيه ..

الضابط : شلون اخوي انت تعرف احنه عبد مأمور
نتحرك بأوامر..

وارث : وراكم احنه بالسياره مايلاحظون اختلاف سيارات..
الضابط : هاي لخاطركم يله ..

تشكر ارشد وطلعوا الضباط ، ركبوا كل واحد سيارته
وراحوا وراهم بقه يمنه قيس ورعد ، اجه قيس بسرعه
: فجر البسي وامشي ..

هزيت راسي : عشق فدوه جود نايمه ..
نزهه: يمنه بنتج يمه بس روحي وياهم ..

صعدت ركض فوك غسلت وجهي ، لبست تنوره سوده
وقميص اسود فوكاها صايه بطول التنوره هم
وشال شيفون حطيته بس على راسي ولابسه كب اصلاً
يغطي كل الشعر ، اخذت هويتي وجنطتي وطلعت ..

اخذتني قيس ، عيني كحلة البارحه بيها مسحتها من جوه
عيني واستعدلت ..

وصلنه للمركز تنهدت وخابرت قصي : اجيت اني وي
قيس اطلعلي ..

طلعلي نزلت ، تفحص وجهي زين : عطرج يولي..
: اصلاً ممخليه هذا هو بالشال والصايه..

دفعني كدامي دخلت للمركز بواحد من المكاتب مگلوبه
الأُمه گلاب ، تقربت بهدوء وطلعت هويتي : السلام عليكم
فَجر مرتضى محاميه ..

: وعليكم السلام حاضرة عن اي واحد ..
فجر : حازم مصطفى صاحب شركة الـ ****
اكدر اشوفه ..

: عزيزتي هسه ممنوع اي لقائات ..
حسيت بخزرات قصي : ليـشہ ماعتقد اكو شي يمنعني..

: لا اكو هسه هو دخل ، تتثبت قضيته بالملف نتخذ الاجرائات
اللازمه يله تلتقين بي حضرتج ..

فجر : من حقي احجي ويا وهسه ..
رفع تك حاجب هز راسه وهو يدك بالقلم على الميز
: ماشيہ نشوف شيگول الاعلى مني تفضلي ويايه..

التفتت لقصي يهدي نفسه گوه : حباب اعصابك حبيبي
ماكو شي هسه اخلص ونرجع..