لُقياك (عشك الذيب)

احداث اضافيه .

لحكت الي چان كاعد دخلنه لمكتب وحده ، دخلت جان
شخص بعمر اوس اخويه تقريباً : تفضلي اكعدي ..

فجر : ماعندي وقت ممكن اشوف حازم مصطفى..
: منگدر نخليه يلتقي بأحد حنحوله ..

: نعم وين تحوله توه دخل هو..
الضابط : كل الاشياء ضده ست شنو اسمج..
حكيت جوه عيني ابين الحَلقه : فجر مرتضى اني..

الضابط: استريحي .. كعدت وهو مرجع نفسه زايد على
الكرسي ..

فجر : شلون عرفت كلشي ضده ، حضرتك محامي
دققت بالقضيه انت زين ..

الضابط : واضحه ميحتاج الها محامي ..
دااحجي دخل شخص عرف نفسه على انُ محامي
مد ايده بأتجاهي ابتسمت : اعتذر مااصافح ..

حمحم : مو مشكله مدام فجر ، وين وصلتوا ..
الضابط : متعبين نفسكم ترا القضيه لابسته لابسته..

عضيت لساني ونبرة الضحك والاستهزاء بصوته
حجه المحامي ذاك : سيدي شلون تحبسوه وماعليه تهمه..

الضابط : مــنــﹻـو ماعليه التهمه حبيبي شايف القضيه
انت جيتكم وروحتكم على الخالي بلاش ..

ضربت الميز بخفه وكمت : اني موجوده وانت موجود
اطلعه يعني اطلعه متعرف مــنــﹻـو فجر ، يطلع حازم
من القضية واجيب المتسبب ، وها حازم اذا ماشفته
هسه اشوفه بعدين ..

الضابط : ليـشہ هل بعدين هسه نجيبه بس خمس دقايق..
حطيت ايدي بجيبي وطلع يصيحه حجه المحامي : شلون
نطلعه وهم حتى السواق من الشركه ..

فجر : اخي العزيز اذا هو السبب هو اول المتضررين
لان مايستفاد شي وممعقول حازم غبي حتى يسويها
مستلم الشركه من عمر صغيره مااصدك ممكن يسويها
هو ..

: صح كلامج بس اكو لعبه..
هزيت راسي بتوعد : نطلعها للعبه..

اجه حازم جابه الضابط ووياه قصي ووارث وارشد
يوووه عرس عرس مو مركز شرطه ..

الضابط سكت لان رُتبهم اعلى منه وكف قصي يمي
ابتسمت اله بخفه هز راسه ومتعصب خطيه غيران..

حازم : تطلعووني منها انه ماغلطت ..
فجر : عيااطك وسوالفك عووفهن حاازم ، فهمني الصار شنو..

حازم : شحنه من الشحنات رايحه عادي بالطريق
ماعرف شصاير ولاگين بس اللوريات هناك ولا البضاعه
ولا السواق موجودين ..

المحامي : وابو الشركه ماتفاهمت وياه ..
حازم : حجيت ويا ومأمن على الشحنه بمبلغ كلش
چبير ، طلبت منه وكت ودنتفاوض استفزني وتعاركت
وياه ..