طلعت واني امشي ع أطراف اصابعي حركت يدة الباب بس مانفتح عرفت قافله
دحام : شفت اليده تتحرك كمت و فتحت الباب
... طلع بوجهي بدون قميص هيج صار بوجهي صدره الضخم من النص فطر و صدره ضخم و بارزات العضمات ايده ضخمه و متروسه دمارات و بارزات بشكل و العضله مبينه بآخر الكتف
رفعت نظري اله ، بلعت ريكي واني اباوعله شلون مدخل ايده بجيوب البنطرون و رافع تك حاجب و يعض بشفته الجوه
روانا : اااء ااء اجيت ااء .. اخذ اخذ موبايلي نسيته
بتعد لوره بدون كلام بمعنى تعاي طبي
طبيت و الغرفه ضلمه و بارده كلش ، دنكت اتلمس بالفراش حتى الكه الموبايل .. درت وجهي حتى اكوله شغل الضوه مداشوف شي
جان واكف وراي و كلش قريب مني
دحام : هااا؟؟ ما لكيتي؟
روانا : توترت شفت باب الغرفه مطبوك و هوه قريب مني ،
حجيت و شفايفي يرجفن ، وخر شويه عني اريد اطلع
دحام : طلعين بدون موبايلج؟
روانا : اي باجر اجي أخذه
همس بلسان خدران وعيونه تناظر لملامحي :- ليش مو هسه؟؟؟؟!
روانا : وخر شبيك انته مخبل ؟؟؟! تره والله اعيط اخلي البيت يرن بصيحتي
دحام : منو انتي اني اول مره اعرف عندي بت عم هيج وكحه و صلفه و ترادد
روانا : دفعته من صدره و ردت اطلع
باوعت ع ملامح وجهه تغيرت و كال ااااااااااخ ااخ بصوت ناصي
يتوجع وأيده تروح ع جرح الي بضهر
روانا : شبيك شنو يوجعك؟
دحام : ماكو شي اااخ طلعي روحي
روانا : بس اكو دم
عاط بصوت عالي خلاني اكمز من مكاني
راح يتقدم يم الميز ابو المرايه ولازم خصره و ضهره متروس دم طلع بلقطن و يحط ع ضهره بس ما يلوحه
تقربت يمه سحبت القطن من ايده ومسحت الدم روحي كشت من الجرح
حط اديناته ع مرايه و مثبت وكفته و صاك ع سنونه و العرك تارس وجهه و يتألم ع كيف بصوت ناصي و كلساع باوعلي بالمرايه
روانا : منين هاذه الجرح
دحام : شغلي كـ ظابط لازم تصير وياي هل امور
روانا : اهلك ليش ما يدرون ليش تضمه عنهم
دحام : ماريد اخوفهم ع شي تافه
روانا : يعني انته كل الأشياء تشوفها تافهه؟؟!
دحام : مو كلها بس الما تعجبني
روانا : كلش حسيته يقصدني بكلامه ، بتعدت عنه و كلت يله اريد موبايلي وينه
دحام : بنيتي روحي نامي باجر اخذي
روانا : انجب شنو بنيتي
ندار باوعلي ماحسيت اله مجروره من ايدي اندفعت ع حايط لزمني من فكي عصره حيل بيده و كال انجب كلتي؟ لج ااحححججي
روانا : هم عاصر حلكي و هم يريد احجي ، دفعته من صدره بيدي بس ماكدرله صدره صلب مثل الصخر
احس اريد ابجي ، عاصر فكي حيل و يباوع بعيوني
همس بصوت ناصي نزلي عيونج !
مانزلتهن ضليت اباوع بعيونه بكل جرائه ..
عاط بيه و كال لج نززززلللليييهن !!!!
نزلتهن وكعت الدمعه الجانت متحبسه بعيوني
.. تبجين؟؟؟.
part 3 ''
Start from the beginning
