ثْأر طفَۆلُتٌيَ

بارت رابع

السلام عليكم

اخذ حقك بالطريقة الي تناسبك وتريحك
لان محد اخذ رأيك بالطريقة الي آذاك بيها.

فدك: مثل كل يوم اول وحده تكعدها اني اشتغل واسوي ريوك ولازم ماكول نعسانه او تعبانه لان حطلع موزينه

كعدت تريكنه اني وياه وخواتي مانيمات ابويه جان رايح لعمامي جانت فتره داعش والوضع شويه متأزم بغداد لليل وابويه مارجع ولا يرد علئ اتصالته اتصلنه بعمامي ما يكلون ما اجه تلاثه ايام واحنه ندور علئ بابا عمامي اجوي علينه كالوا ماتضلون هنا لازم نروح لناصريه وين ماكاعدين عمامي شلون انتن بنات واخويه جان صغير رحنه ويه عمامي مجبورين ابويه منعرف وين

صعدنه سياره خليت راسي علئ جامه اتخيل شلون راح تكون حياتنه شنو الراح نعيشه شنو المنتظرنه اشياء حلوه مو حلوه جنه بغداد مرتاحين هسه شنو راح تكون طعم راحه بالناصريه وشنو اطباع عمامي المخفيه ..........

ورد: بيبي اني بعدني صغيره شلون تردين اتزوج واني شايله فكره الزواج من راسي اريد اكمل دراستي

الحجيه: اني رايده راحتج بيبي وببت ابو لوي خوش ناس وهي طلبتج مني كتله اشاور البنيه ويصير خير

ورد: (بجي)بيبي هيج اني صرت ثكيله عليكم ولكمتي صارت هوايه بس اطمئني بعد ما اكل ولا اشرب عدكم حتئ لا اصير ثكيله

الحجيه: (تشيل العوجيه) وتضرب ورد وحرش ان شاء الله بت الجلبه شوكت كلت صرتي ثكيله اني اريد اخلصج من امج العكرب

ورد: (هي تفرك مكان الضربه) ماريد بيبي كمت وعفت بيبي تعيط عليه والله يردون يزوجوني جنت عايزه اني ومنو اخذ لوئ ابو راس الاصغر مني اكوم اني اكفخ بي اوه ليش افكر بي خلي امدد راسي يوجعني مددت وصوت بجي نرجس بأذاني كمت اني اعرف مهدي وين يخلي مفتاح كمت جبت مفتاح وفتحت باب لنرجس

نرجس: الله ياخذج من وراج نضربت

ورد:ضليت اباوعلها اجتي دفعتني وراحت لامي تلمها بجضنها وتبوس بيها وتتفحص جروحها ماكدرت الزم دموعي بعد اكثر بجيت واني اشوفها تنطي الحنان واني متوجعه مالمتني صعدت لغرفتي بجيت لحد ما كلبي راد يوكف شويه وسمعت مهدي يصيح

مهدي :اني شكلت مو كلت محد يطلعها شنو اني كواد هنا حجايتي متنخاذ

ورد: نزلت وكفت كدامه كتله مهدي اني طلعتها خطيه تبجي

مهدي: اني من حجيت الحجايه ليش ما اخذتيها ولج شنو انتي ها

ورد: جنت صافنه هو يعيط بالي مو ويه حجيه ماشوف غير ضربني راشدي صار صوت بأذاني ابد متوقعتها بيوم يضربني هاي اول مره يضربني وكدام الكل هذا الجنت اكول عليه سندي هذا الجان يحاميني ويوكف ويايه تالي كسرني وضربني

مهدي: حجايتي وحده وتمشي علئ كل وحتئ عليج ورد لعبالج نطيتج مجال يعني تكسرين كلمتي

ورد: طلع مهدي واني علئ وكفتي دموعي جمدت بعيني كمت ما احس بالي حواليه اخذتني رجلي لغرفتي كعدت واني دمعه منزلت مني القهرني مو بس اول مره يمد ايده عليه القهرني اني ماسويت شي غلط يستوجب الضرب طول عمري اني اتحامه بي هسه منو الي بعد ما هو راح ضليت كاعده يمكن قرابه الساعتين واني نار ودموعي منزلت شويه وخشمي طك دم مكمت خليته ينزل علئ هدومي