مهمه اكتملت|mission completed

part 14

عند شيرين

(اخدها الرجل لعند غرفه اختها)
الرجل:you have just 5 minutes
شيرين بغيظ:شكرا والله
(فتح الرجل باب غرفه سيدرا لشيرين )
شيرين بفرحه:سيدراا
سيدرا بتفاجأ:شييريين
(راحت شيرين لسيدرا وحضنوا بعض)
سيدرا بفرحه:كيف عرفتي تجي هون
شيرين:قصه طويله .. المهم انتي كيف حالك
سيدرا بحزن:شو رح يكون حال شخص صايرلوا اكتر من شهر مخطوف ومو عارف يطلع او يشوف اهله
شيرين:لا تخافي سيدرا كل هاد رح ينتهي كتيير قريب انا ورفقاتي رح نطلعك من هون
سيدرا:رفقاتك هدول كتير مناح عم يساعدوني بدون ما حتي يعرفوني
شيرين بحزن:اي والله من البدايه كانو معي وتعبتهم معي
سيدرا:قابلت غيث هون كان موجود معي مبين شخص منيح
شيرين بابتسامه بسيطه:اي غيث كتير منيح واسامه كمان كتير طيب
سيدرا بابتسامه:مبين كتير اشياء صارت بدون علمي
شيرين:انشاء الله كتير قريب وتكوني معنا
سيدرا:كيف حال ماما؟
شيرين بحزن:ماما كتير صارت مكتئبه بعد ما عرفت انك انخطفتي وكان بدها تخبر الشرطه بس هدول الحيوانات حكولنا اذا خبرنا الشرطه رح يأذوكي
سيدرا بدموع:احكي لماما اني كتير اشتقتلها واشتقت لبيتنا
شيرين:انشاء الله .. انا ما بعرف بس ليش احنا عم يصير معنا هيك
سيدرا بدموع:بعتذر والله بسببي عم تتعبو هيك وعم يصير فيكن هيك
شيرين:لا تبكي سيدرا انتي مالك دخل انتي كنتي مجرد ضحيه ما الك ذنب
(وقاطع حكيهم دخول الرجل)
الرجل: you have to go
شيرين:شو امشي انت ما رح اروح لأي مكان
سيدرا:شيرين لا تتركيني
الرجل:i said you have to go
(قاطع حديثهم دخول رئيس العصابه)
رئيس العصابه:اي شكلك حبيتي المكان هنا احنا ممكن نجيبلك سرير جنبها وتنورينا هنا
شيرين:بليز اتركني مع اختي كمان شوي
رئيس العصابه:اتفقنا انو خمس دقايق وبس يلا امشي
(شيرين اتطلعت علي سيدرا)
شيرين:بعتقد اني لازم اروح
سيدرا بدموع:لا شيرين
(شيرين حطت ايدها بخد سيدرا)
شيرين:اسفه سيدرا بس عنجد لازم اروح
سيدرا بدموع:اذا صارلي اشي لا تنسي ايامنا سوا ولا تنسي ضحكاتنا سوا ولا تنسي ان "محامي البنج حلوه" اوكي
شيرين باستغراب:شو
(قاطعهم شد رئيس العصابه لشيرين)
رئيس العصابه:يلا امشي بقا شوفتيها خلاص ده انتي خدتي راحتك اوي
شيرين بعصبيه:لا تلمسني هيك حيواان
(قاطعهم دخول اسامه للغرفه)
اسامه:شيرين انتي منيحه ليش ما اجيتي لهلأ
شيرين بنرفزه:انا منيحه خلينا نمشي من هون
رئيس العصابه:يلا مع الف سلامه ومتنسوش اللي حكيتهولكم
(واخدها اسامه وطلعوا من الغرفه)
شيرين:وين غيث؟
اسامه:قاعد برا البيت .. غيث كتير حالته سيئه لازم نروح للمشفي
شيرين بقلق:ليش
اسامه:بس نطلع من هون رح تشوفي
(وطلعوا اسامه وشيرين من البيت وأتفاجأو)
شيرين بصدمه:غييييث
(غيث كان ساند راسه بالحيط وفاقد الوعي)
اسامه بخوف:غيث غيث فييق
شيرين:تعا بسرعه للسياره خلينا نوصله للمشفي
(حمل اسامه غيث وشيرين ساعدته وحطوه بالسياره وركب اسامه السياره وساق لاقرب مشفي)
شيرين بخوف:ليش فقد الوعي
اسامه بقلق:شو نسيتي غيث كان عم يتعذب بالكهرباء قبل ما نجيه
(شيرين انصدمت ودمعت)
(وصل اسامه للمشفي وطلب من الاطباء يجو ياخدو غيث وفعلا اخدوه وحطوه بغرفه ودخل عليه طبيب لحتي يكشف عليه واسامه شيرين كانوا عم ينتظروا برا)
شيرين بندم:هاد كلو بسببي اني ما رحت معو
اسامه:لا شيرين هاد مو بسببك هاد بسببي انا انا اللي ما رحت معه من الاول
(وفي وسط حكيهم طلع الدكتور من الغرفه)
اسامه:شو دكتور شو حالته؟
الدكتور:المريض كان معرض لضربات كهرباء ادت الي حدوث حروق خارجيه بس الحمدلله انو قوه الكهرباء ما كانت عاليه والحروق كانت بسيطه
شيرين:الحمدلله طيب هو ايمت رح يشفي
الدكتور:شي يومين هيك ع حسب حالته .. بس هو كيف اتعرض لهي الكهربه
اسامه:لمس عامود كهرباء بدون قصد .. بيصير انو يطلع من المشفي عادي بضمادات
الدكتور:اي بس اذا رح يكون في عنايه بمنطقه الحرق وتغيير الضماده كل فتره
اسامه:كل فتره قديش؟
الدكتور:كل يوم
شيرين:اي اي لا تقلق رح نعتني فيه
الدكتور:تمام .. استأذنك بس حضرتك تروح تزبط كم شغله باوراق المشفي
اسامه:اي اي طبعا
(وراح اسامه مشان يمضي اوراق دخول المشفي)
شيرين:دكتور ينفع افوت اشوفه
دكتور:اي بيصير
(وفاتت شيرين لغرفه غيث وكان فايق)
شيرين:غيث انت منيح
غيث بابتسامه وتعب:لا حالتي كتير منيحه ومتل الورد بعد ما اتكهربت شي خمسين مره
شيرين بضحك:اي يعني منيح ما دام عم تمزح وتطلع غلاظتك هيك
غيث بضحك خفيف:يعني بربك شيرين هاد سؤال ينسأل لواحد متل حالتي
شيرين:شو فيها حالتك حالتك كتير حلوه هما بس شويه حروق عاديين
غيث بمزح:كان بدي اشوف شكل شعري وقتها اذا صار متل اينشتاين او لا
(شيرين ضحكت وغيث ضحك معها وبعدين سكت)
غيث بتردد:هو وينو اسامه؟
شيرين:اسامه عم يم...
(قاطعهم دخول اسامه الغرفه)
شيرين:ليكو اسامه
اسامه بقلق:انت منيح؟
غيث:اي احسن من ما كنت
اسامه:طيب اا اوكي
(وسكتوا الاتنين)
غيث:احكولي شو صار بغيابي شو صار مع شيرين
شيرين:قابلت اختي وكانت بغرفه لحالها
غيث:اي كنت معها وشفتها
شيرين:اي سيدرا حكتلي .. المهم حكينا شوي خمس دقايق هيك وبعدين اجا الحيوان رئيس العصابه هاد طلعني
غيث:هاد الواطي ما بعرف شو مشكلته معنا ليش نحنا بالذات بدو يانا نسويله المهمه
شيرين:هي المهمه بعد يومين تبع حفله التخرج هاد لازم نسويها يمكن نفهم اشي من اللي عم بيصير
غيث:بدي بس اقوم من هاد التخت شكلي متل المرا الحامل هيك
(شيرين واسامه ضحكوا)
اسامه:ما بعرف اذا رح نقدر نطلعك هلأ او لا بس الدكتور حكا انو فيك تطلع لانهم مجرد حروق بدهم بس تغيير ضمادات
غيث:اي سهله لشو القعده هون
اسامه:متأكد انك شفيت بالكامل ومو حاسس بأي تعب
غيث:جماعه صدقوني انا منيح بكفي تحاكوني بهي النبره
(شيرين واسامه ساعدوا غيث انو يقوم وتركوه لحتي يغير تيابه وبعدين غيث طلعلهم وراحوا للسياره وركب غيث ورا واسامه عم يسوق وشيرين جنبه ومشي بيهم اسامه لبيت شيرين)
غيث:طيب جماعه انتو بتعرفوا انو في كتير اشياء المفروض نحكي عنها هلأ
شيرين:متل شو
غيث:وجود العصابه بهاد البيت ووجود سيدرا بالبيت نفسه وانو اذا خبرنا الشرطه رح نقدر نطلعها
اسامه:اي بس لا تنسي انو هم حكولنا اذا خبرنا الشرطه رح يأذو سيدرا
غيث:كيف رح يعرفوا انو احنا رح نخبر الشرطه نحنا فينا نفاجأهم هيك
شيرين:غيث لا انا ما رح اخاطر بحياه أختي
غيث:طيب خلص معكم حق .. بتعرفوا انو انا حكيت لرئيس العصابه ليش اخترتنا احنا لنسوي المهمات حكالي ما لازم تعرف
اسامه:اي يعني في سبب مو هيك اخترنا عشوائي
شيرين:طيب شو رح يكون السبب ليش احنا
غيث:ليش رح يخترنا انا واسامه بالذات لحتي نسويله مهماته
اسامه:اي انا كنت مجرد شخص عايش بلوس انجلوس وجي هون زياره يعني شو اللي سويته انا خلاه يختارني
شيرين باستغراب:وييت انت عايش بلوس انجلوس
اسامه:انتي ما كنتي بتعرفي؟
شيرين:ما بعرف ما لحقت اتعرف عليكم منيح لقيت حالي فجأه معكم هيك
غيث:كيف كنا رح نتعرف ع بعض ونحنا كنا كل يومين مخطوفين بمكان شكل
شيرين:يلا انشاء الله يجي الوقت اللي نتعرف فيه كلنا ع بعض وتكون سيدرا معنا
غيث:انشاء الله .. بس احنا هلأ وين رايحين
اسامه:رح اخدكم ع بيت شيرين
شيرين:اي منيح مشان نفكر شو رح نعمل
(وساق اسامه لحد بيت شيرين ونزلوا من السياره وفتحت شيرين باب البيت ودخلوا)
شيرين:يلا تعو .. بتوقع امي نايمه
غيث:اي منيح مشان ما تسمعنا
شيرين:تعو هون بالبلكونه ما اتوقع بتسمعنا هونيك
(واخدتهم شيرين للبلكونه وكانت فيها كراسي وطاوله)
شيرين:اقعدوا بقا مشان نفكر شو رح نعمل
(وجلسوا كلهم بالطاوله وتركتهم شيرين وراحت جابت ريدبول الهم كلهم)
غيث:شكرا كتير والله هاد اللي كنت محتاجه من وقت طويل
اسامه بمزح:جماعه اذا عطينا سيدرا ريدبول هل رح تقدر تطير وتخرج من المكان بما أنو ريدبول بيعطيك جوانح؟
غيث بمسخره: هي محبوسه بغرفه مقفله كيف رح تطير
شيرين بضحك:هاد مشكلتك مع اللي اسامه حكاه
اسامه بضحك:اذا كان عنجد بيعطيك جوانح كان زماننا هلأ اتخطينا كل مشكالنا
غيث:ساعات هيك بفكر شو رح يصير اذا ما شفنا شيرين بطريقنا ونحنا عم نسوق السياره شو كان رح يصيرلها
شيرين:والله كنت اكلت هوا لحالي ..(بضيق)ما بدي حتي افكر بهيك
اسامه بضحك:فكرنا وقتها اننا دعسناكي بالسياره او شي
غيث بضحك:اي بتتذكر الركض اللي ركضناه وراها ولما كانت عم تحاول تهرب ع أساس انها ما بدها تسببلنا مشاكل
اسامه بضحك ومزح:كنا تركناها تكمل ركض
شيرين بضحك:يا واطيين انا الغلطانه اني كنت ما بدي اسببلكم مشاكل
غيث:كنتي حكيتيلنا وقتها انهم بدهم 20 الف دولار ليش هلأ ما بدهم
اسامه بمزح:يمكن كان ال 20 الف هدول الها مو الهم
غيث بضحك:اي يمكن
شيرين بمسخره:ها ها كتير مضحكين انتو مو قادره اوقف ضحك
اسامه:جماعه بس بتعرفوا شو اللي عنجد غريب
غيث وشيرين:شو؟
اسامه:هي البنت كرستينا وينها هلأ
غيث:ييي لا تذكرني بهي البنت قديش كانت لازقه فيني
اسامه بضحك:اختفت فجأه هيك
غيث بمزح:يمكن كل هاد الوقت كنا عم نتعامل مع شخصيه خياليه
(غيث واسامه ضحكوا)
شيرين:شباب
غيث:شو؟
شيرين:اليوم صار معي شي لما كنت مع سيدرا وما بعرف اذا مهم او لا
اسامه:شو في؟
شيرين:لما كنت عم ودعها مشان امشي حكتلي حكي كتير عن انو لا تنسني اذا صار شي وهيك ووسط الحكي حكيتلي "محامي البنج حلوه"ما بعرف شو هاد بس اشي مو مفهوم ابدا
غيث:حكت محامي يمكن بتقصد اسامه
اسامه:شو بتقصدني! .. وكمان من وين بتعرف اني محامي اصلا
شيرين:ما بعرف بس هيك حكتلي ومدري اذا لازم نهتم او لا
غيث:ما بعرف يمكن خربطت بالحكي شي
اسامه بتركيز:شو خربطت حدا يخربط كل هاد .. شيرين ممكن تجيبي ورقه وقلم
شيرين باستغراب:اوكي
(وراحت شيرين جابت ورقه وقلم لاسامه)
شيرين:اتفضل
(اخد اسامه الورقه وكتب الجمله اللي حكيتها سيدرا لشيرين)
شيرين باستغراب:شو عم تسوي
اسامه:يمكن تكون عم تحاول توصلنا رساله
غيث بمزح:العرق الماخبراتي بده يطلع هلأ
شيرين:مخابرات صح .. انا هيك كمان كنت عم بحكي يالله شقد اسامه تفكيره عميق
اسامه:جماعه اسكتوا شوي بدي ركز
(ركز اسامه كتير بالجمله وحاول يخربط كلمه كلمه لحتي يوصل لجمله مفيده)
محامي:حاممي:يماحم:حيمام:*حمامي*!!
اسامه:جماعه حاولت افك شفره اول كلمه يمكن عم تقصد بمحامي كلمه *حمامي* يعني الحمام تبع سيدرا .. سيدرا عندها حمام هون شيرين؟
(شيرين باستغراب اتطلعت ع غيث وحكت):اي فعلا سيدرا في حمام بغرفتها
اسامه بتفاجأ:اي يعني انا صح
غيث:طيب حاول تشوف باقي الكلمات يمكن اللي عم تسويه صح
اسامه:اوكي(وبدأ يركز بالكلمه التانيه)
البنج:الجبن:البجن:*الجنب*!!
اسامه:جماعه الكلمه التانيه يمكن *الجنب*
غيث:اي بس ما بحس انو في جمله مفيده
اسامه:طيب استني لنشوف اخر كلمه
حلوه:حوله:هحول:*لوحه*!!!
اسامه بصدمه:جماعه هي كلمه لوحه
شيرين:لوحه؟؟
اسامه:اي واذا حاولنا نرتب الكلمات رح تكون*اللوحه جنب حمامي*
غيث بصدمه:اسامه عنجد طلعت جمله مفيده
اسامع بفرحه:شفت .. انفع مخابرات صح
غيث بفرحه:والله اي .. طيب شيرين في لوحه عنجد جنب حمام سيدرا؟
شيرين بصدمه:جماعه تعالو معي لغرفه سيدرا
(وراحوا كلهم لغرفه سيدرا ودخلوها)
شيرين:بعتقد انو اذا رحنا لعند حمامها رح نل...
غيث بصدمه:شييت شو هي اللوحه
شيرين بصدمه:هي اللوحه عطيتها هديه لسيدرا بعيد ميلادها ال 18
اسامه:اكيد هي اللوحه مو لوحه عاديه ووراها اشي
غيث:طيب يلا بسرعه نشيل هاللوحه نشوف شو جواتها
(راح غيث للوحه وكانت عاليه شوي وحاول يجيبها بس دراعاته كانت فيها ضمادات فما عرف لانها بتوجعه)
اسامه:خليك انت هون غيث ما رح تعرف تجيبها
(وراح اسامه لعند اللوحه وبدأ يشيلها من الحيط وفعلا اخدها)
(غيث وشيرين واسامه بصدمه):واااااات!

________________________
وخلصت البارت
اتمني يكون عجبكم اجواء الغموض هي واذا عجبتكم خبروني🙃
وبس سلام هانيز💞