#حُجر_الغربيب🔱
مها ال عبدالله
"ميامي"
-صلو على محمد والِ محمد الأطهار
-متابعة للحساب+تصويتكم+تعليقاتكم⭕️
لحد يحرگ احداث بالتعليقات🥲
~~~~~~~~~~~~~~~~~~~~~~~~
غزال:شفت رجال واگف بالباب ناطيني ظهرة يحاول يتحرك بس ما يگدر عبالك مو طبيعي
المطر صار كلش قوي ملابسي تبللت وصرت ما اشوف واضح بسبب المي والصوت عالي مطر ورعد ليله مرعبه
همست بخوف
غزال:منو انتَ؟
التفت يباوعلي بعيونة الذبلانة والحمره
رجعت خطوتين ليوره ابلعم
غزال:م منو انتَ شدخلك هنا
تقرب بخطوات ثگيله واني ركضت لباب المطبخ اتراجف
ردت ادخل اصيحهم وسمعت شي طاح التفتت لگيتة واگع على وجهه وميتحرك
زادت رجفتي ومعرفت شنو اسوي من مكاني كلت بخوف ملحوظ
غزال:ي ياولد شبيك يا ولد
ماكو رد شجعت نفسي وتقربت بتردد
حتى أنفاس ماكو خفت يكون مات ويتهموني بيه ويدخلوني سجن عزا العزاني
ثنيت ركبتي وگعدت بصف راسه وبأصبعي لمست كتفه
غزال:يا ولد اگعد يلا لا تموت هنـ....
بعدني ما كملت كلامي وحسيت بسحبه قويه على أثرها انخلعت أيدي صرت بالأرض فاكة عيوني بوسعها حط ايده على حلگي وضربه وحده على راسي چانت كفيله تخليني افقد وعيي بالكامل
أخر شي شفته وحسيت بي من رفع ملابسي عني ويردد
:احبچ انه احبچ
وبعدها محسيت بشي ....
***
ريم:فزيت من نومي بسبب كابوس مزعج
عطشانه وحاسه مثل الجبل صاير على صدري گمت من چربايتي افرك بصدري واحاول اسحب نفس
اخذت من الثلاجه مي شربت ورحت گعدت
ريم:سترك يارب سترك
ماگدرت ابقى بالغرفه گمت اشوف اشهب يهديني لو يقرأ على راسي قرأن لأن هو متعود على كوابيسي
دگيت باب غرفتة بس ماكو رد!!
رجعت دگيت وماكو فتحت الباب ومديت راسي
عگدت حواجبي مستغربه عدم وجوده وهسه الساعه 3:24 الفجر
ريم:وين راح بهالوقت مو بعوايده معقوله شغل هسه بهالمطر
ESTÁS LEYENDO
حُجر الغربيب
Romanceمن قَاتلي ألى الغِربيب هَل الغَريب سيصبح حبيب؟ أم سَيبقى ذَلكَ الرجُل المُريب . . . الكاتبة: مـهـا ال عـبدالله "مَيامي"
