في ضريح العشق حمامـــــه......💙🕊

الرابع والثلاثون ــ الجزء الثاني

صرت مثله حفظتها گد ما عدت قرائتها.
وڪتبت وعقبت عليها.

و شنو حالي ميته من شوگي اله. ڪل تفاصيل حياتي احس اله بيها ذڪرى.

واتامل واگول الا ويجي يوم وتعدي هالايام وتصبح ذڪرى.

لن يكون عمرك كله ربيعاً
ستتناوب الفصول لك ومنك .
ستتعب وتسقط كأوراق الشجر في الخريف
ولكنها ستمطر يوما ما، وتنجلي كل الهموم
المهم أن تبقى قادر على الحب ⁦.

صار اصرار من اهلي اسافر وي ابوي لدبي.

وخاصه بعد ماصارت سفرته بدايه ڪل شهر.

والطامه الڪبرى مااگدر اخفي شگد ڪتمت وادعيت القوه.

نفذت طاقتي من الصبر. ڪل هذا ومااتصلت بي ولا راسلت غير اتصال قبل اڪثر من شهر وخلصناه معاتب.

ڪرست ڪل وقتي لدراستي مستواي للاحسن بالبيت بين ادرس ومرات اساعد امي بشي بسيط .

بالجامعه بين محاضرات ومختبرات والوقت الباقي اني وڪروب البنات صديقاتي نقاش اما امور عامه او بخصوص الماده نقرا سوا ونتبادل المعلومات. ومايخلو ڪلامهن من التحشيش والتصنيف.

ورقاء وميس اڪثر اثنين يحسن بحالي.

حضرت جنطه بسيطه للسفر راح نبقا اربع ايام. مو ذاك الواهس واتمنيت اگدر اغير رٵئيي واهون عن السفر.

وميس تحشش عليه تگول استٵذنتي لولا. واگولها هو بيا حال.

سٵلتني مشتاقه اله؟ ؟؟

سألوني: " هل اشتقت إليه؟ "
تجاهلت الإجابة، وأدرت ظهري ومشيت، وأغمضت عيني وأنا أردد: " كثيرا...كثيرا... كثيرا "

سافرت واني اتذڪر تفاصيل سفرتي السابقه وي خالو ابو الحسن. اتذڪرها بالكامل مو صغيره ڪنت خامس ابتدائي.

وصلت الامارات رغم الملگا الحلو واللهفه وغلاتهم عليه. وهيا الصديقه المقربه مني رغم بعد المسافات.

اشتاگيت اله اڪثر من حسيت روحي ابتعدت.

وليا درجه اني واصله واني مندمجه بالڪلام وي هيا وذڪرت اسمه وگلت تعبان حيييل بالي يمه وگلبي نار علي.

الا هيا نبهتني من عادت اسمه ومستفهمه مني.
منو مخلد وشبي وليش گلبج نار علي .؟؟؟؟!!!!

والرب خلتني مصدومه.
اني ذڪرت هالاسم؟ ؟؟؟

گالت اي والله وبحرگه گلب ومتٵثره.

گلت حل عليه التعب اڪيد .

صايره ڪلش مااتحمل وبسرعه اتعب.

دا اقصد اوس المرحله الرابعه صعبه.
وصرت اشرح الها عن الجامعه والمواد.

وبسرعه قلبت الموضوع وصار ڪلامنا عن جامعتها.

هيا طموحه بشڪل وشخصيتها قويه وتشبه ابوها هواي بالاطباع والتصرفات.