ပြန်ပြောတဲ့စကားက ရွဲ့သလိုလိူစောင်းသလိုလိုနဲ့။ ကိုယ့်စကားကိုပြန်စဉ်းစားကြည့်မှ သူတစ်မျိုးထင်တာလည်းမဆန်းမှန်းသိတော့သည်။
သုခကအဲ့လိုအထိမခံရွှေပန်းကန်။
"ကဲပါ နှစ်ယောက်လုံးနားကြရအောင်ပါ"
"မင်းအိပ်နှင့်လေ။ အထုတ်တွေ ငါနေရာချလိုက်ပါ့မယ်"
"အင်း အဲ့လိုလုပ်မလား"
"အင်း"
နှစ်ယောက်တည်းဆိုတော့ အိမ်မှာလိုတရိုတသေကြီးပြောတာမျိုး မဟုတ်တော့ပေမယ့် ပွင့်ပွင့်လင်းလင်းပြောတာမျိုးလည်းမဟုတ်ပြန်ပါ။
ဘာပဲဖြစ်ဖြစ်ပါ ဒီနယ်မှာသူတို့တစ်ရက်တည်းနေမှာမှမဟုတ်တာ။ အချိန်တွေအများကြီးရှိသေးတာပဲ။ ပြည်ကိုလာရတဲ့အကြောင်းရင်းထဲကတစ်ခုက နှစ်ယောက်ပိုရင်းနှီးစေဖို့။
ပြည်ကိုလာတယ်ဆိုပေမယ့် ပြည်တစ်မြို့တည်းလည်မှာမဟုတ်။ ညီညီမှတ်မိသလောက်ဆို ပြည်တစ်ဝိုက်မှာ တကယ့်အထင်ကရနေရာတွေမှအများကြီး။
ပြည်မှာဆို ပြည်ရွှေဆံတော်၊ ဘုရားကြီး၊ ဆယ်ထပ်ကြီး။ ပြည်မြို့ရဲ့တစ်ဖက်ကမ်းက ပန်းတောင်းမှာဆို ရွှေဘုံသာ၊ငွေဘုံသာ၊ ဉီးကျော်သူတည်သည့် ပရဟိတအောင်တော်မူစေတီ၊ ဖိုးဉီးထောင်၊ အကောက်တောင်။ ပြည်မြို့ကိုမရောက်ခင် ညီညီတို့ဖြတ်လာရသည့် ရွှေတောင်မှာဆို ရွှေမျက်မှန်၊ ရွှေနတ်တောင်၊ ရဟန္တာရှစ်ဆယ်ဘုရား။
ဟင်း လည်စရာဖူးစရာဘုရားနေရာတွေမှအများကြီး။ ဒီဇင်ဘာပိတ်ရက် ၁၀ ရက်တောင်ရတာ
ကိုယ့်မှာ ခုနှစ်ရက်တောင်ကျန်သေးသည်။ အနှံ့ကိုလည်ပစ်ဉီးမှာ။
ခုတော့ အရင် အနားယူမြှဖစ်တော့မည်။ ရှစ်နာရီခရီးကို တစ်ထောက်မှမနားဘဲဆက်တိုက်မောင်းခဲ့ရတော့ အာရုံတွေနောက်နေပြီး ခေါင်းထဲငြီးစီစီ။ နယ်ဝေးတစ်ခါမှမမောင်းဖူးပေမယ့် မောင်းဖူးတယ်ရှိအောင်မောင်းလာတာ ပုံမှန်ခြောက်နာရီခရီးကိုရှစ်နာရီကြာသွားခြင်းပင်။
မနက်စောစောထလာခဲ့ရတာမို့ မျက်လုံးတွေကျိန်းစပ်နေသလို စိတ်ကြိုက်အနားယူပစ်ချင်ပေါက်လာ၍ အိပ်ရာပေါ်တက်အိပ်ပစ်လိုက်တော့သည်။
20 (Zawgyi)
Start from the beginning
