عند رناد كانت صحيت من النوم و خرجت برا تتفرج علي التليفزيون
سهام : بقولك يا رورو ... متيجي نسافر اي مكان نغير جو بدل ما انتي زعلانه كده
رناد: لا مش ناقصه عهد يا ماما لو عرف أننا هنسافر مش هيسبني ... انا بكرا هنزل الشغل و هبقى كويسه
سهام: ربنا يعوض قلبك يا بنتي يا حبيبتي
عهد كان راح لجده
حسين : خير عايز ايه
عهد: مش هدخلني يعني
حسين : ادخل
عهد دخل و قعد هو و حسين
حسين : جبت اخرك
عهد: هو انت ضدي ليه ... انت جدي انا مش جدها هي .. المفروض تكلمها يا جدي و تحاول تلين دماغها
حسين : انت عارف كويس اوي يا عهد اني بقف مع الحق و انت غلط جامد اوي يا عهد ... طب تيجي نبدل الاماكن ... لو اتبعتلك صور رناد نايمه جمب واحد هتعمل ايه
عهد اتعصب من السؤال : انت بتقول ايه يا جدي ... رناد متعملش كده
حسين ضحك : وانت تعمل كده عادي
عهد: انا ندمان ... بص انا زباله و انسان زفت و كل حاجه بس انا والله بحبها و مش هعمل حاجه تاني... بس انت يا جدي كلمها
حسين: عهد انت مستوعب انت عملت ايه
عهد: استغفر الله العظيم... طب انا اعمل ايه دلوقتي
حسين اتنهد: يا عهد انت بصيت لوحده غير مراتك
عهد: اقسم بالله و ربنا يشهد عليا اني من ساعه ما اتجوزت رناد انا قطعت مع كل وحده اعرفها ... انا بجد بحبها اوي و عمري ما بصيت لوحده غيرها و اللي حصل ده والله مقاصد منه حاجه
حسين: ماشي يا عهد ... انا هساعدك... بس تسمع الكلام ....
عهد : ماشي
حسين : ابعد عن رناد و متضيقهاش سامع
عهد: هو انت كده بتساعدني
حسين : اه ... انت دمرت للبنت حياتها يا عهد ... في الاول اتجوزتها غصب عنها... و دلوقتي خنتها عايزني اظلمها زيك و اقولها ترجعلك
عهد: ماشي يا جدي ... بس انا مش هسيب رناد ... مش هسمح انها تبقى لحد غيري ... ماشي
و ساب حسين و مشي
و راح علي بيت رناد
و فضل يخبط جامد
سهام فتحت
سهام بزعيق : فيه ايه ... عايز ايه دلوقتي
عهد : رناددد ... رنادد
رناد خرجت له : عايز ايه
عهد مسك رناد : انتي هتمشي معايا دلوقتي
رناد زقته: ابعد كده انت مجنون بقولك ابعد
عهد بعصبية: مش هسيبك هنا و لو للحظه ... انتي مراتي و مش هسيب حد ياخدك مني
رناد وقته جامد و ضربته بالقلم : حد ياخدني منك ليه هو انت شايفني رخيصه زيك عشان اروح اشوفلي شوفه تانيه. .... ده انت يا اخي كرهتني في صنف الرجاله كلهم .... ابعد عني بقى ... و يلااا براا ... يللا كفايا بقى .... كفاي...
و قام أغمى عليها
عهد شالها و دخلها جوا
سهام : اطلع برا
عهد: هطلب لها دكتور
سهام : تشكر ...مش عايزين من وشك حاجه ... انا هفوقها... يلا برا
عهد خرج و هو متعصب اوي ...
سهام فوقت رناد و رناد كانت بتعيط
عهد ركب عربيته و ساقها بسرعه اويي لحد موصل للمقابر
نزل من عربيته و راح عن والدته
YOU ARE READING
أنتِ لي ♥️
Romanceنجى من حادث لم يستطع أن ينجو منه والديه تحولت حياته الي ظلام حتي أتت و أنارت المكان تزوجها و اوقعها في حبه و لكن ما هذا !! ماذا حدث ؟! لماذا لا تريد أن تُكمل حياتها معه !؟ هذا ما سنتعرف عليه في الروايه
