" မင်းရဲ့ညာဘက်ကလမ်းကို တည့်တည့်မောင်း ... တိုက် ၂၁ ရဲ့မြေညီထပ်မှာရှိတယ် "
" ဟုတ်ကဲ့ "
' ကျွီ '
ရုတ်တရပ်ကားက လမ်းချိုးအကွေ့ထဲသို့ ဝင်ယုံရှိသေး ဘရိတ်ကိုစောင့်နင်းလိုက်၍ ဧကရာဇ်မောင်လဲကျမသွားအောင် မနည်းထိန်းလိုက်ရသည် ။
" မင်းကားကို ဘယ်လိုမောင်းနေတာလဲ "
ဒေါသဖြင့်ဆူမယ်ကြံတော့ လင်းထက်ရဲ့မျက်နှာက ခြောက်ခြားနေပြီး ကားတံခါးအားအမြန်ဖွင့်နေသည် ။ ထိုအခါမှ တစ်စုံတစ်ရာကို တိုက်မိသွားမှန်းသဘောပေါက်လိုက်သည် ။ လင်းထက်က သတိကြီးပြီး လှုပ်ရှားမှုတိုင်း လျှင်မြန်ညှင်သာသည့်အပြင် ပါးလစ်သူမို့ ယခုလိုအက်စိဒန့်ဖြစ်တာမျိုး ရှားပါးသည် ။ သူ့အရှေ့ကိုအာရုံစိုက်ကြည့်နေပြီး အမြန်ကားရပ်လိုက်နိုင်၍မှသော်သေးသည် ။
အကြောက်အလန့်မရှိ ကားရှေ့ပြေးဝင်လာတဲ့အရာက ဘာဖြစ်မလဲ ဆင်းကြည့်လိုက်တော့ ထိုအရာဟာ ကလေးငယ်လေးတစ်ဦးဖြစ်လို့နေသည် ။ လန့်ပြီးကလေးလေးက အော်မငိုပဲ ကြောင်ကြည့်နေသည် ။ လင်းထက်လဲ ကားအရှေ့မှာ လဲကျနေတဲ့ကလေးလေးအား ပွေ့ချီလိုက်သည် ။
" ကလေးလေး ... နာသွားသေးလား "
" ...... "
" မင်းဘာကိုတိုက်မိသွားတာလဲ "
ဧကရာဇ်မောင်လဲ အနောက်ကနေလိုက်ပြီးဆင်းလာခဲ့သည် ။
" ကလေးလေးတစ်ယောက်ပါ သခင်ကြီး "
" ငါမင်းကို အစကတည်းကခေါ်မလာသင့်ဘူး ... ငါ့ဘာသာမောင်းတာကမှ အန္တရာယ်ကင်းဦးမယ် "
" ကျွန်တော်သတိလွတ်သွားတာမဟုတ်ပါဘူး ကလေးလေးက ကားရှေ့ပြေးဝင်လာတာ ... သူတစ်ခုခုကိုရှာနေတဲ့ပုံပဲ "
ထိုအခါမှ ဧကရာဇ်မောင် သူရပ်နေတဲ့ဘေးက ကားဘီးရဲ့အခြေမှာ ရောင်စုံကော်ကားလေးတစ်ခုကို တွေ့လိုက်ရသည် ။ ကားဘီးနဲ့တိုက်မိသွား၍ ခေါင်းကအနည်းငယ်တော့ ပျက်စီးသွားသည် ။ ဧကရာဇ်က ကားလေးကိုကောက်ယူလိုက်သည် ။ လင်းထက်ရဲ့ရင်ခွင်ထဲက ကလေးငယ်က လင်းထက်ပခုံးနဲ့ကွယ်နေ၍ ဧကရာဇ်မောင် မမြင်သေးပေ ။ သူကကလေးလေးရဲ့ကားများဖြစ်နေမလာ မေးကြည့်ဖို့အတွက် အရှေ့သို့လျှောက်လှမ်းလာသည် ။
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
Chapter - 42
Start from the beginning
