ရန်ကုန်ကိုပြန်ဖို့အတွက် ဧကရာဇ်မောင်က ခွင့်ပြုလိုက်ပြီမို့ သခင်လေးမုဒြာအား ဦးလေးမြတ်ကိုယ်တိုင် ပြန်ခေါ်ဖို့ပြင်ဦးလွင်သို့ ရောက်လာခဲ့သည် ။ သခင်လေးကိုကာကွယ်ပေးဖို့ သခင်ကြီးကအပ်နှံခဲ့ပေမဲ့ သခင်လေးအနားကို ဧကရာဇ်မောင်က မကပ်ဖို့အမိန့်ပေးထား၍ ဦးလေးမြတ်လဲ ရန်ကုန်ကအိမ်တော်မှာပဲနေနေခဲ့ခြင်းဖြစ်သည် ။
ဦးလေးမြတ်ဟာ သခင်ကြီးလက်ထပ်က အိမ်တော်ထိန်းတစ်ယောက်မဖြစ်ခင် လုပ်ငန်းတွေကိုခွဲဝေလုပ်ကိုင်ပေးရတဲ့လက်ထောက်ဖြစ်ခဲ့၍ ဧကရာဇ်မရှိတဲ့အချိန်တွေမှာ ယာယီလက်ထောက်အဖြစ်လုပ်ငန်းကိုလဲ ထိန်းသိမ်းပေးရသေးသည် ။ ဦးလေးမြတ်မှာ အသိမိတ်ဆွေတွေများပြားတာကြောင့် သူ့အပေါ်ယုံကြည်မှုတွေလဲရှိကြ၍ အခက်အခဲမရှိခဲ့ပေ ။ ခုသခင်အမှန်ကပြန်လာတော့မည်မို့ နေရာကိုပြန်ပေးဖို့လဲအဆင်သင့်ဖြစ်နေပြီ ။
မုဒြာအခန်းထဲမှာ တစ်ယောက်ထည်းထိုင်နေစဉ် တံခါးခေါက်သံကိုကြားလိုက်ရသည် ။ ထိုနေ့ပြီးကတည်းက မုဒြာသွေးလန့်နေပြီး ကျယ်လောင်သည့်အသံကြားလျှင်ပင် ထိတ်လန့်သွားတတ်သည် ။ ဧကရာဇ်မောင်ဆိုလျှင် တံခါးခေါက်မည်မဟုတ်၍ မုဒြာမေးလိုက်သည် ။
" ဘယ်သူလဲ "
" ဦးလေးမြတ်ပါ သခင်လေး "
ဦးလေးမြတ်အသံကြားယုံနဲ့ မုဒြာကြောက်စိတ်တွေပျယ်ကာ တံခါးထံပြေးလာပြီး ဖွင့်ပေးလိုက်သည် ။ အမှန်တကယ်ပင် ဦးလေးမြတ်ကိုတွေ့ရတော့ မုဒြာတစ်ယောက် အပျော်ကြီးပျော်သွားသည် ။ သူငယ်စဉ်ကတည်းက ထိန်းကြောင်းပေးခဲ့သည့်သူမို့ အဖိုးဆုံးသွားချိန်မှာ သူယုံကြည်အားကိုးမိတဲ့သူက ဦးလေးမြတ်သာရှိတော့သည် ။ ဧကရာဇ်ကတော့ ခုချိန်မှာ မုဒြာအတွက် ကြောက်ရွံ့ကာ ရှောင်ဖယ်ချင်နေသည့်လူတစ်ယောက်ဖြစ်နေလေပြီ ။
" ဦးလေးမြတ် … ဘာကြောင့်ခုမှရောက်လာရတာလဲ "
မုဒြာက ဦးလေးမြတ်အား ကလေးလေးတစ်ယောက်ပမာ အားရဝမ်းသာဖက်လိုက်သည် ။
" သခင်လေး …… ဦးလေးတောင်းပန်ပါတယ် … သခင်လေးဒီမှာနေရတာ အဆင်ပြေမယ်ထင်ခဲ့တာ "
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...