قبل أقل من 24 ساعة فقط من وقوع العذاب ...
كان قوم نبي الله لوط مغترين بقوتهم وبيتعاملوا بالبلطجة المعهودة لأهل الكفر والفسق ...مجاهرين بانتكاس فطرتهم ...مش بس كده... ده كمان بيتفاخروا بيها زي الجماعة اللي بنسمع عنهم دلوقتي
ومن كتر البلطجة ماقدروش يصبروا عن فعل الفاحشة في ضيوف جداد للقرية أول مرة يشوفوهم ونازلين ضيوف على النبي اللي ربنا أرسله ليهم وسيدنا لوط يقولهم هتفضحوني دول ضيوفي ...لكن البلطجة عمت عينيهم ونسوا أن القوة اللي فيهم دي وهبها لهم القوي سبحانه
وكان تاني يوم بعد الفجر معاد سحب القوة دي منهم مش بس سحبها كمان إهانتهم وجعلهم عبرة لكل واحد ممكن تنتكس فطرته ويعمل اللي عملوه
نزل العذاب عليهم زي المطر من السماء بس المرة دي كان مطر من حجارة صغيرة كل حجارة عارفه طريقها واسم صاحبها اللي هتنزل على راسه بالهلاك والعذاب🔥
ومش كده وبس ....
اتقلبت القرية كلها اللي كان فوق بقى تحت واللي كان تحت بقى فوق وبقت القرية دمار وخراب على رؤوس أصحابها
انتهت القصة بالقضاء على منتكسي الفطرة كلهم
وعشان كده بنقول لمنتكسي الفطرة في زماننا....
ماتتغروش بنفسكم وأن عددكم بيزيد
قرية سيدنا لوط كلها اتقلبت ومانجاش منها غير سيدنا لوط وابنتيه
بنقولهم كمان ماتستعجلووووش ...انتوا بمجاهرتكم بالفاحشة دي وسعيكم لانتشارها والاعتراف بيها....في الحقيقة انتوا كده سعيتوا للقضاء عليكم وقصة قوم سيدنا لوط قدامكم خير دليل
أما احنا بقى ..
فهيفضل دورنا دايما هو محاربة الباطل والدفاع عن ديننا وأننا لانحبط أبداااااا لما نلاقي شركات كتييييير بتدعمهم
بالعكس ...نكون زي سيدنا لوط ونلجأ للركن الشديد (الله وحده)....وان شاء الله فرج ربنا عن قريب 🤲
#اقتباس
.
