" ဟင့်အင် … သူကိုမယုံတော့ဘူး … သူကအရင်ကမောင်နဲ့လုံးဝမတူဘူး … ခုမောင့်ကို မုဒြာကြောက်တယ် "
* ဒါကဘယ်လိုတုန့်ပြန်မှုပါလိမ့် … ကိုယ်ဝန်ကြောင့် စိတ်ထိခိုက်လွယ်နေတာများလား … သခင်လေးကသနားဖို့ကောင်းလိုက်တာ *
ဦးလေးမြတ်က မုဒြာကိုမကြောက်အောင်ဖက်ပေးထားပြီး …
" သူက သခင်လေးကို ဒုက္ခပေးလို့လား … ဦးလေးမြတ်ရှိတယ် မကြောက်နဲ့ "
" မဟုတ်ဘူး … သူကမုဒြာကိုချုပ်နှောင်ပြီးတော့ သူ့အနားကနေ ထွက်သွားခွင့်မပြုတော့တာ … ဟိုအရင်က မုဒြာမောင့်အပေါ်ပြုလုပ်ခဲ့တဲ့အတွက် ဝဋ်ပြန်လည်နေတာများလား … မုဒြာလဲ ဟိုအရင်ကမောင့်လိုပဲ မပျော်တော့ဘူး … ဒီလှောင်အိမ်လိုနေရာကြီးမှာ မနေချင်တော့ဘူး ဦးလေး … မုဒြာသားလေးနဲ့အတူတူ လောကကြီးထဲကို လျှောက်သွားပြီး လွတ်လပ်တဲ့သာမန်ဘဝသစ်တစ်ခုကိုစတင်ချင်တယ် … မုဒြာပိတ်လှောင်ပြီးနေရတဲ့ ဘဝကြီးကို ငြီးငွှေ့လာပြီ … မုဒြာအတိတ်က နာကျင်စရာတွေအားလုံးကို မေ့ပျောက်လိုက်ချင်ပြီ "
မုဒြာရဲ့ခံစားချက်ကို ဦးလေးမြတ်ကောင်းကောင်းကြီးနားလည်သည် ။ ဒီသခင်ငယ်လေးက နှစ်တွေအကြာကြီး ဧကရာဇ်မောင်တစ်ယောက်ထည်းကိုကြည့်ကာ သူ့ကိုယ်သူပိတ်လှောင်ပြီး နေထိုင်ခဲ့သည် ။ ဘေးကနေကြည့်နေရတဲ့ ဦးလေးမြတ်ပင် သခင်လေးအစားမွန်းကြပ်မိသည်ထိပင် ။ ထိုအချိန်က သခင်လေးအတွက် ဘာပူပန်စရာမှမရှိသလို ဂရုစိုက်စောင့်ရှောက်ပေးမဲ့အဖိုးလဲရှိနေ၍ ထိုမွန်းကြပ်စရာကောင်းတဲ့ဘဝမျိုးမှာပင် ပျော်ရွှင်နေသည် ။
ခုသူ့ရဲ့အားကိုရာဖြစ်တဲ့ အဖိုးဆုံးသွားပြီးကတည်းက သခင်လေးမုဒြာရင်ထဲမှာ ဗလာနက်ထိဖြစ်နေပြီ လူတွေရဲ့စကားလုံးတွေနဲ့တိုက်ခိုက်ခြင်းတွေကိုပါခံရတော့ ဒီမွန်းကြပ်စရာ ပတ်ဝန်းကျင်ကနေအဝေးဆုံးကို ထွက်ပြေးချင်နေတာကို ဦးလေးမြတ်နားလည်သည် ။ သူသိပ်ချစ်ရတဲ့မောင့်ကိုတောင် ထားခဲ့ဖို့တွေးနိုင်မှတော့ ဦးလေးမြတ်တားနေလဲ နားဝင်မည်မဟုတ်ခြေ ။
" သခင်လေးဖြစ်ချင်တာတွေ တစ်နေ့တော့ဖြစ်လာမှာပါ … ခုတော့သခင်လေးဗိုက်ထဲကရင်သွေးလေး အန္တရာယ်ကင်းကင်းမွေးနိုင်အောင် ဦးလေးတို့ ရန်ကုန်ကိုပြန်ကြတာပေါ့ "
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
Chapter - 36
Start from the beginning
