" ဦးလေးမြတ် … ကျွန်တော်အဝေးကိုထွက်သွားချင်တယ် … ကျွန်တော်အရမ်းကိုပင်ပန်းနေပြီ … ကျွန်တော့စိတ်ကိုအနားပေးဖို့ အချိန်ပေးမှရမယ် … ကျွန်တော်ရောသူရော ပုံမှန်ပြန်ဖြစ်လာမဲ့အချိန်ထိ "
ဦးလေးမြတ်က မုဒြာရဲ့ဗိုက်လေး ပိုပြီးပူလာတာကို သတိထားမိကာ ပြုံးနေယုံရှိသေး မုဒြာရဲ့စကားကြောင့် စိုးရိမ်သွားလေသည် ။
" သခင်လေး ဘာကိုဆိုလိုတာလဲ … သခင်လေးတို့က ခုလဲပုံမှန်ပဲမဟုတ်ဘူးလား … သခင်လေး ဘယ်ကိုမှ ထွက်သွားဖို့မလိုပါဘူး … အိမ်တော်ကိုပဲပြန်ကြရအောင်နော် "
" သူကအရင်လို မဟုတ်တော့ဘူး … သူ့ကိုယ်သူလဲ ဘာတွေလုပ်နေမိလဲ သူမသိတော့ဘူး … ဒီတိုင်းကြာကြာဆက်နေလို့ မဖြစ်ဘူး… သူ … သူ့ရဲ့ ခုပုံစံကို ကျွန်တော်ကြောက်တယ် "
ဘယ်လိုအဖြစ်အပျက်တွေက သခင်လေးမုဒြာကိုကြောက်ရွံ့စေလဲ ဦးလေးမြတ်မသိပေ ။ အချစ်ရဆုံးအဖိုးကိုဆုံးရှုံးရခြင်းဟာ သခင်လေးအား အလွန်နာကျင်ကာအားငယ်သွားစေပြီး အရင်ကလိုပျော်ပျော်ရွှင်ရွှင်နေတတ်တဲ့ သခင်လေးကိုပါ ဆုံးရှုံးလိုက်ရသည် ။
လက်တလောဖြစ်ပွားခဲ့တဲ့ စွတ်ဆွဲမှုတွေနဲ့အတူ ကုမိသားစုရဲ့ အိမ်ထောင်ရေးအရှုတ်အရှင်းကိစ္စတွေအားလုံးက အထက်အင်အားကြီးမိသားစုတွေအသိုင်းအဝိုင်းကြား ပြန့်နှံ့ကာ လှောင်ရယ်ချင်သူများစွာရှိနေသည် ။
သခင်လေးအပြစ်ကင်းတာကို သက်သေပြနိုင်ခဲ့ပေမဲ့ သခင်ကြီးဆုံးပြီး ကျဆင်းသွားတဲ့အင်အားတွေကြောင့် ထိုးနှပ်ချင်သူများစွာပေါ်လာသည် ။ ဥက္ကဌဖြစ်တဲ့ ဧကရာဇ်မောင်ပေါ်မလာမချင်း လူတွေရဲ့အသင်းအဖျင်းတွေက ရပ်တန့်မည်မဟုတ်ချေ ။ ခုသခင်လေးက လူတွေရဲ့လှောင်ပြောင်မှုတွေရန်ကနေအားကိုရာဖြစ်တဲ့ ဧကရာဇ်မောင်ကို ပိုပြီးကြောက်ရွံ့နေတဲ့အတွက် ခုအခြေအနေအား တောင့်မခံနိုင်မှာဆိုးရသည် ။
" သခင်လေးတို့ကြားမှာ ဘာတွေဖြစ်ပျက်ခဲ့လဲ ဦးလေးမသိပေမဲ့ သခင်လေးဧကရာဇ်ရဲ့လုပ်ရပ်တွေနောက်မှာ အကြောင်းပြချက်ဆိုတာ ရှိနိုင်တယ် … သူ့ကိုယုံကြည်ပြီးရှေ့ဆက်ပါ … ခုချိန်ကစပြီး သူကသာ သခင်လေးနဲ့ရင်သွေးလေးရဲ့ အားကိုးရာပါ "
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
Chapter - 36
Start from the beginning
