" အဆင်မပြေဘူး… သူက … သူကအရမ်းကြောက်ဖို့ကောင်းတယ် "
ဦးလေးမြတ်ကို ဖက်သွယ်ထားတဲ့ မုဒြာလက်တွေက အနည်းငယ်တုန်ရီနေသည် ။ မုဒြာအဆင်မပြေမှန်းသိသွားတော့ ဦးလေးမြတ်လဲဆက်မမေးတော့ပဲ ကျောကုန်းလေးကိုပွတ်ပေးလိုက်သည် ။
ကိုယ်ဝန်လွယ်နေသည့် မိခင်တိုင်းက စိတ်ထိခိုက်မခံပေ ။ ကသစ်ပန်းတို့သားအဖ အဖြစ်အပျက်တွေအားလုံးကို မြင်တွေ့ခဲ့ရတဲ့မုဒြာဟာ ညတိုင်အိပ်မပျော်ခဲ့ပေ ။ ဧကရာဇ်မောင်ရဲ့ သွေးဆာနေနဲ့ပုံရိတ်တွေက အတွေးအာရုံထဲဆွဲထင်နေကာ ဘယ်အချိန်ထဖောက်လာမလဲတွေးရင်း စိတ်ခြောက်ခြားနေခဲ့ရသည် ။ အားကိုးရာမဲ့ပြီး ကြောက်ရွံ့မှုတွေနဲ့အတူ နေနေရတဲ့ဘဝကြီးကနေ မုဒြာလွတ်မြောက်ချင်နေခဲ့ပြီ ။
ဦးလေးမြတ်က သူနဲ့သူ့ရင်သွေးလေး လွတ်မြောက်ဖို့အတွက် တံခါးတစ်ချက်လို အားကိုးထိုက်သူပင် ။ ရန်ကုန်ပြန်ရောက်လျှင်တော့ လွတ်မြောက်ဖို့အတွက် နည်းလမ်းကောင်းတွေများစွာရှိနိုင်၍ မုဒြာကြောက်စိတ်ကိုမနည်းထိန်းချုပ်နေရသည် ။
တစ်ခနကြာတော့မှ မုဒြာက ဦးလေးမြတ်အား လွှတ်ပေးလိုက်သည် ။ အိမ်ပြန်ရတော့မှာဆိုပေမဲ့ မုဒြာအပြည့်အဝမပျော်ရွှင်နိုင်ပေ ။ ရှေ့ဆက်ဘယ်လိုအခက်အခဲတွေရင်ဆိုင်ရမလဲ ဘယ်လိုဖြတ်ကျော်သင့်လဲ အလေးအနက်တွေးနေမိသည် ။
သူသိပ်ချစ်ရတဲ့ မောင်နဲ့အတူနေနေရတာတောင် မပျော်ရွှင်ပဲ မှိုင်တွေနေတဲ့ မုဒြာကိုကြည့်ပြီး ဦးလေးမြတ် စိတ်မကောင်းဖြစ်သွားသည် ။ တကယ်ဆို သခင်လေးမုဒြာက သူ့ရဲ့မောင်နဲ့အတူနေနေရရင်ပျော်ရွှင်နေမည့်သူမျိုးပင် ။ ကိစ္စတွေအားလုံးရှင်းသွားပြီမို့ ပုံမှန်ပြန်ဖြစ်သွားပြီဟုထင်မိခဲ့သည် ။
အရင်ကအထင်လွဲမှားခဲ့တာတွေအားလုံး ပြီးဆုံးသွားပေမဲ့ စိတ်ခံစားချက်တွေပါပြောင်းလဲသွားလိမ့်မည်ဟု မထင်ခဲ့ပေ ။ ခုချိန်မှာ သခင်လေးဧကရာဇ်မောင်အတွက် အမှားတွေကို ပြုပြင်ပြောင်းလဲဖို့ အချိန်တွေ နှောင်းသွားမည်ကိုစိုးရိမ်မိသည် ။
" သခင်လေး … အဆင်ပြေရဲ့လား "
မုဒြာက သူ့ရဲ့ပူနေတဲ့ဗိုက်ကလေးအား လက်ဖြင့်ပွေ့ပိုက်ထားရင်း ဝမ်းနည်းသောလေသံဖြင့် ဆိုလိုက်သည် ။
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
Chapter - 36
Start from the beginning