حب من طرف واحد

المخيم

في ابها تحديداً بيت ابو فوراس
ابو فوراس:ام فوراس وين الفطور بتأخر على دوامي
ام فوراس:يلا جيتك جيتك مي ايملان فوراس امير الفطور لا تتأخرون ع دواماتكم
ايملان: صباح الخير يما وين كتابي اللي كان فوق الطاوله ما لقيته
ام فوراس: صباح النور اجلسي افطري وانا بدور له وبحطه بغرفتك
ابو فوراس: صباح النور ايملان ذكريني كم معدلك الترم اللي راح
ايملان:٩٩ يبا
ابو فوراس:انا اقول مافيه احد اذكى من بنتي يقولها وهو يحس بفخر كم عندك ماده با الاختبارات
ايملان:اربع بختبر واحد اليوم ويصير باقي ثلاث
ابو فوراس:بتوفيق
................................. ♡♡.................................
ببيت ابو نهاد:اللي يلبس واللي ياكل واللي باقي نايم واللي يقول وين ملابسي ووائل على الجوال ومو مهتم للازعاج اللي حوله
ام نهاد:وائل جيب الجوال يلا خلص فطورك وبعدين تأخذ الجوال
وائل:وهو معصب يحب يأكل وهو يناظر الجوال بس نفذ كلام امه وهو يأكل شوي ويخبئ الاكل ورأ الكنبه طبعاً ام نهاد استغربت كيف خلص بسرعه بس قالت ممكن جوعاً وطنشت الموضوع
رولا:فؤاد تكفى بطلبك طلب ابيك توصلني الجامعه وع طريقنا نأخذ مي بنت عمي تكفى
فؤاد تمام بس قولي لها اول مانوصل تكون جاهزه وتنتظرنا برا ما ابي اتأخر عن دوامي
رولا:تمام يأجمل اخ
................................. ♡♡.................................
با الجامعه:
فؤاد:رولا يلا دقي عليها تخرج
رولا:الحين جايه ارسلت لها بس تلبس عبايتها
مي:صباح الخير معليش تأخرت شوي
فؤاد:صباح النور لا عادي
رولا:مي ايش شعورك وهذا اخر اختبار بمسيرتنا الجامعيه
مي:مدري احس مو مستوعبه كيف كبرنا بسرعه
فؤاد:اوه يا مي السنين تمر الا انا اللي مصدوم لي سنتين متخرج مرت علي زي الحلم
مي:هذا حل الدنيا
................................. ♡♡.................................
بعد ما رجع الكل من دوامه
مي:رولا تكفين تعالي معي البيت بخلي ابوي يكلم ابوك ويعلمه
رولا:قدام يلا انا بكلمه بنفسي
دخلوا والكل كان جالس بصاله ووجه ايملان مخطوف واضح كانت تبكي
مي:وش فيكم علامكم متجمعين احد صاير له شئ
ابو فوراس:داقين علي مدرسة الأخت ايملان يقولون متضاربه مع بنت وكان شويتين وتطلع عيونها
مي:تستاهل بعد اكيد مسويه شئ الا ايملان ما تقرب من احد كذا
وكل ذا الكلام دار ومحد ركز ع وجود رولا اللي كانت مستحيه بوجودها وفيه وضع زي كذا با البيت
ام فوراس:ياهلا با رولا كيفك
رولا:هلا فيك تمام ونبشركم تخرجنا رسمي وخلصنا اخر اختبار
ابو فوراس:تعالي تعالي ياهلا با رولتنا كيفك يبنتي وكيف صار اول اختبار تعالي يا مي علميني وهما يتكلمون عن اخر اختبار وعن لطف الدكتورات معاهم واخذتهم السوالف
وايملان اللي تحس ودها تبكي با أعلى صوت فوق ماهي مظلومه يهزؤن فيها با المدرسه ووقت المضاربه قبل الاختبار جات
مياده:ايملان غششيني ياويلك اكلمك ولا ادق الكرسي وما تردي
ايملان:طنشتها وهي تقول بنفسها ما باقي الا انتي ياعود الاسنان اغششك
وقت الاختبار مياده تدق كرسي ايملان وتنادي اسمها بهمس وايملان مو حولها مركزه بورقتها وتغطي فيها عشان ما تغش منها بعد الاختبار ومياده معصبه اللي كان كل اعتمادها ان اشطر وحده با المدرسه قدامها وبتقدر تغش منها وماتدري ان ايملان ما تحبها ولا حتى كانت بتغششها
مياده:يابزر انتي ثاني مرا خليك عند كلامك ولا تسحبين وهي تدق كتف ايملان
ايملان:محد عطاك كلمه ولا تلمسين ثاني مرا ومسكت يدها ايملان وبدأت هوشتهم كل شعر مياده بيد ايملان
استدعوهم ادارة المدرسه وهما يهزؤنهم وانه انتم ع وجه تخرج وانتم بنات دفعه وحده المفروض قلوبكم ع بعض
مياده:وهي تبكي ما ادري عنها كنت امزح معاها ومسكت كتفها قامت هاوشتني
ايملان:مصدومه من الكذب وفضحتها بس بعد ما دقوا ع ابوها وقبل يفهم السالفه قفل وهو معصب ينتظر ايملان تجي
................................. ♡♡.................................
بغرفة ايملان اللي منهاره ما توقعت ردة فعل ابوها دخلت امها وهي تقول
ام فوراس:يلا يا ايملان تعالي للغداء
ايملان:مو مشتيه يما ودموعها اللي ما توقف
ام فوراس:بعد يابنتي غلط اللي سويتيها تتهجمين ع بنات الناس بدون سبب
ايملان:بنظرة صدمه مين قال بدون سبب انتو من مفهمكم السالفه قالت السالفه كلها لامها وامها اول ما فهمت السالفه حزنت عليها بسبب انهم ظلموها وهواش ابوها لها بدون سبب
ام فوراس:طيب احنا اسفين قاطعتها ايملان
ايملان:مو زعلانه منكم بس مقهوره ليه مو واثقين فيني ما تعرفوني ما اقرب من احد كذا
ام فوراس:طيب تعالي اذ ما تغديتي ما بتغدأ
قامت ايملان وهي ما تبي تكسر كلمة امها وراحت تتغذأ
رولا:تبي تلطف الجو ايملان تعالي اوريك فديوهات صورناها بسياره انا ومي وايملان تناظر ومبتسمه وكل نظرها ع فؤاد وتقول بنفسها يا حظك يا مي تسولفين معاه وتأخذين وتعطين ما تستحين منه وهي كانت مندمجه مع الفديوهات
ام فوراس:تحكي السالفه لا ابو فوراس وعرف انه غلط وزعل ايملان ع شئ المفروض يبوس راسها عليها لان ابو فوراس دايم يعلمهم ان الغش حرام بكل شئ
بعد ما تغدأ راح لغرفته ولبس ثوبه وبيطلع
ام فوراس:وين بتروح
ابو فوراس:شويتين وراجع تبغين شئ ع طريقي ولا انتو يبنات تبون شئ
مي:ايه يبا تكفى جيب شئ للقهوه حلا او اي شئ
ابو فوراس:ابشري ايملان تبين شئ
ايملان:لا يبا سلامتك
حزت كلمتها بخاطره حتى وهي زعلانه منه ما ترد عليه الا بكل ادب واحترام
راح وهو متجه لمحل الذهب بيجيب سلسال ذهب لايملان لانه حس انه زعلها و ضايقها
................................. ♡♡.................................
فوراس:وهو فاتح الباب ويغني بأعلى صوته
رولا:اقول اسكت والله ازعجتني يصوته حاد ومؤذي لطبلة الأذن
فوراس:اشوف البقره زائرتنا اليوم
الكل:ضحك من هرجة فوراس
ام فوراس:ليش ما جيت بدري تغديت ولا اجيب لك غدأ
فوراس:لا تغديت مع اصحابي برا ايه مي ورلا تصدقون احسدكم ع تخرجكم ليتني متخرج الحين ومرتاح
رولا:ياحبيبي يفوراس ابشرك ورأك سنه با الثانوي واربع سنوات با الجامعه ما ابي انكد عليك بس يعني اذكرك
فوراس:يحبك للنكاده
مي:ايملان كيف نفسيتك بعد الهواش وهي تضحك
ايملان:يوه ليه تذكريني
مي:يبنت علميني وش صار ما قدرت اسألك وابوي موجود ليه عصب وش سويتي قالت ايملان كل شئ لمي ورولا وفوراس يشجع فيها وانها كفو ما سكتت
مي:والله كنت عارفه انك ما بتمدي يدك بدون سبب لكن احسن خير ما سويتي فيها خليها تتأدب
ايملان:لو تشوفي بنات المدرسه كيف وجيهم وبعد ما طلعت من الاداره اسمع هذي تقول والله انك كفو والثاني تقول اخيراً احد لطشها وانواع الكلام محد يحبها الا صحبتها اللي معاها
رولا:الله من زمان عن الهواشات اخر هوشه صارت لي بثانوي مع معلمة الفيزياء يا اني قلت اللي بقلبي ومن سب وشتم وكل شئ طلعته بس للاسف فصلوني شهر كامل وراحت علي الاختبارات بس المعلمات ساعدوني شوي
................................. ♡♡.................................
ميهاف:ترف تخيلي ايش صار معي اليوم
ترف:بطنك وجعك صح كله منك بطني بنص المحاضره قام علي وانا اقول ليش يارب عندي تؤام انا ايش دخلني بطني يعورني
ميهاف:اسمعي السالفه وبعدين تكلمي اليوم طلعت مع صحباتي نأخذ قهوه
ترف:وش سويتي يغبيه لو احد كشفك
ميهاف:خليني اكمل الصدمه من شفت
ترف:ابوي!!!؟
ميهاف:فوراس ولد عمي  كنت ببكي اول ما شفته وانا اتخبئ واناظر الجدار زي الهبله
ترف:لا تقولين عرفك بعدين وش المخاطره ذي لو استأذنتي من ابوي ما كان بيقول لا
ميهاف:اسكتي محد يقول لك شئ بس شعور حلو ع ان بطني وجعني بسبب فوراس خفت يقول لابوي واخواني بس ماعرفني اخذ قهوه وطلع بس حبيت مرتب شكله وطالع حلو اتوقع كان زابن من المدرسه
ترف:آهخههخ وش عندك لا يكون تحبينه كل ها المدح والغزل تراه اصغر منك
ميهاف:اي حب اي خرابيط اعتبره زي رواف لا اكثر ولا اقل
ترف:والله ما يندري عنك تحبين وتخقين على الكل
صوت الباب
وائل:ترف ابي بان كيك انا اخوك الصغير
ترف:اوف يا وائل قدر اني تو جيت من الجامعه
ميهاف:حرام قومي سويله وسويلي معاه
ترف:اني داريه والله مو حزن عليه الا انتي تبين تأكلين يا ام بطن
................................. ♡♡.................................
شادي:بعد الغدأ ميان انا شويتين وبطلع اسلم ع اهلي واجلس شويتين معاهم تجين انتظرك ولا بتجلسين
ميان:ايه انتظري حتى انا ابي اسولف شوي معاهم بس البس فادئ واجي
شادي وهو داخل بكل ثقه وما هو داري ان رولا موجوده
يمه ايملا.....وهو يشوف رولا وجه جديد با البيت ويرجع بسرعه
ميان:خير وش فيك
شادي:مدري فيه احد انا بدخل من الباب الثاني
وهو مستحي وحتى مو عارف مين اللي شافها
فوراس:وهو ميت ضحك والله ليتني صورت وجهك ووجه رولا كل واحد وجهه يضحك اكثر من الثاني
شادي:اسكت عني انا مصدوم ومستحي لحد لان وانتي جاي وتضحك بعد تعال خير قاط عمرك معاهم صرت رجل ولا تدخل عليهم يمكن البنت ما تبي تكشف وانتي ناشب لهم
فوراس:يعمي اسكت اعتبرها زي مي وايملان
عند البنات
ايملان:ياهلا عطيني عطيني فادئ
ميان:انا داريه كل ها الحماس والحب مو لي لفادئ
مي:افا عليك تعالي تعالي والله اشتقت ما كاننا بنفس العماره لنا اسبوع ما شفناك
ميان:يبنت اسبوع ميت والكل يذاكر واعرفكم لو جيك محد عطاني وجهه عيونكم ع الكتب الحين قلت دام شادي بيطلع لكم بجي اسولف واسألكم عن اختباراتكم وش مسوين رولا كيفك وشعورك بعد اخر اختبار
رولا:والله شعور فرح اخيراً بنام وبطلع وانا مروقه مو شايله هم
مي:ميان فاتك هواش هواش
ميان:مين تهاوش!؟
مي:ايملان وحكت السالفه كلها
ميان:خل تتربى والله عجبتيني ايملان لا تسكتين لذي الاشكال
ايملان:خلاص لا تذكروني بطني يألمني كل ما فتحتوا السالفه
مي:باقي خوات رولا ما قلنا لهم لكن بعد الاختبارات بعلمهم
ميان:ياالله ايملان وش يفكك منها
ابو فوراس:داخل وهو منحرج من اسلوبه مع ايملان وتسرعه للاحداث بيده حلا وعلبه شاف ميان وهي متجهه له تبي تسلم
ابو فوراس:ياهلا ميان ياهلا عطوني فادئ عطوني اياه اخذته ميان وعطته فادئ وهو يضحك ويلعب معاه صوت اغاني من برا
ابو فوراس:الله يهديه من ذا الغبي
ايملان:تقول ببالها لو يدري انه امير وش بيسوي
دخل امير وهو يقول
امير:جيبوا الغداء بسرعه جيع....ايملان ومي كلهم بصوت واحد لا تدخل بس امير دخل وشاف رولا بس ما استوعب بسرعه الا لما ابوه قال
ابو فوراس:ولد ما تشوف البنت
امير:وهو يركض لا اخوانه ويتحلطم من فهاوته
فوراس:حتى انت دخلت عليهم آهخههخ
امير:اسكت لا يجيك كف دقيقه مين دخل كمان شادي حتى انت خل رولا تروح واذ ما هاوشت البنات ليه ما يعلموني
فوراس:اقول اسكتوا انتوا وجلستكم السامجه بروح اجلس واتقهوى واكل حلا وانتو خليكم هنا
امير:قولهم يجيبون لي اكل جوعان يولد
جابت القهوه ام فوراس وجلسوا حولها كلهم لبست عبايتها رولا وقالت
رولا:عمتي ام فوراس قولي للعيال يجون انا عادي لابسه عبايتي
فوراس:وهو داخل ياهلا بميان وينك طاسه مو من عوايدك تجلسين اسبوع ما تجين
ميان:عندكم اختبارات وتعرفني من العام كذا ما اجيكم وقت الاسبوع الميت
راحت مي تقول لا اخوانها يجون الكل متواجد ويسولفون ويضحكون والوضع عادي متعودين يجلسون مع بعض رجال وحريم بس البنات بحجاباتهم
امير:ايملان تكفين والله جوعان ابي اكل
رولا:ماغير تفكر ببطنك من دخلت وانت ابي اكل
امير:وهو يضحك سمعتوني والله ما اكلت شئ وميت جوع
ايملان:جابت الغداء لامير وهو يأكل والكل يتقهوى
ابو فوراس:ايملان يبنتي لا تزعلين علي لما معلمتك دقت علي وقالت انك ضربتي البنت ما خليتها تكمل وقفلت الجوال وكنت انتظرك ومو عارف السالفه كامله وهذي هديه مني لك ولا تزعلين ما حب اشوفك زعلانه
الكل:مصدوم وامير وشادي بحيرتهم اي معلمه وايش السالفه
ومي جالسه تحكيهم السالفه من والى
ايملان:ما زعلت منك وتصير يبا وعذرك مقبول تسلم ع الهديه
مي:اشوف وش جاب لك الله بكشخ فيه بحفل التخرج حق الجامعه
ام فوراس:مسكت خدود ايملان وقالت لاتزعلين وهي تغمز لها
ميان:دام هذي هداياك يعمي حتى انا بدور شئ ازعل عليه
الكل:آههخهخهخ
رولا:وهي تكلم فؤاد يجي يأخذها
فؤاد:يلا مسافة الطريق واكون عندك ورولا مستمتعه بسوالفهم ومن فكاهة امير
فؤاد وهو يدق الباب
ابو فوراس:يلا يبنات ادخلوا ولا البسوا عباياتكم وتعالوا
ايملان:كان نفسها تلبس عبايتها وتجي تجلس معاهم
بس ميان ومي:قالوا ما نبي نلبس العبايات شويتين ويروح فؤاد رولا وهي رايحه وتسلم ع الكل
فوراس:اخيراً كان شويتين وتنامين عندنا
رولا:صدقني المرا الجايه ما بجي الا ومعي شئ يخليك ماتتكلم انقلع بس
ابو فوراس:سلمي ع امك وابوك واخوانك ونتقابل با المخيم بنهاية الاسبوع
رولا:ابشر يعمي
رجعوا البنات وكملوا سوالف وكل واحد يحكي عن يومه
................................. ♡♡.................................
ابو نهاد:وهو يحاول يمسك نفسه بسبب تأخير رواف عن البيت الساعه ١٠ با الليل وهو من راح المدرسه ماجاء البيت دخل رواف البيت وهو يتسلل ويمشى شوي شوي عشان محد يشوفه بس ابوه كان قدامه
ابو نهاد:ياهلا اخيراً عرفت وين البيت وين كنت
رواف:يبا وش فيك معصب واحد من العيال داخ اليوم وكنت معاه با المستشفى وتو خلصنا حتى شوفني بملابس المدرسه ما بتتكر بس ماقدرت اخليه وامشى
ابو نهاد:وهو مو مصدق بس سكت لانه مو فاضي للقروشه
نهاد:انت متى بتكبر مو شئ حلو  يوم تكذب ع ابوي
صدقني انه يدري انك تكذب بس يمشيها لك يبي لو مرا تكون رجال وتقول الصدق
رواف:ابوي ما قال شئ انت وش تبي خلاص ياخي خلني اسوي اللي اسويه لا تجلس فوق راسي
نهاد:بخاطره يتهاوش معاه بس كبر عقله وانه مراهق وانه بسن الطيش
رولا:تحكي لخواتها عن روحتها لعند عمها وسوالفهم وتتكلم عن امير والهديه اللي جلبها عمها لايملان
ترف:احس مستحيل اصدق ايملان تتضارب احسها راكده وحبوبه مو جوها الهواش وذا
ميهاف:حتى انا اتفق
رولا:البنت عصبت يحق لها والواحد يسكت يكست لحد مايعصب ويصير شخص ثاني ما الومها وتستأهل البنت بس عمي واضح انحرج انها هاوشها  واستبق الاحداث
نهاد:وهو داخل المطبخ ويشوفهم يسولفون ويطبخون آكل طيب نادوني قولوا عندنا اخ شئ
ترف:تعال الا مب طاير واصلن باقي ما جهز
نهاد:يطول لسانك يا ترف
ميهاف:نهاد ياخي وش فيك الفتره ذي هادئ بزياده صرت ما احس بوجودك صح اكرهه لما تكون رايق لانك تزعجني بس والله اشتقت
نهاد:باقي اختبار بكرا وبعده اخليك تندمين انك اشتقتي لي
ميهاف:تكفى لا اعرف النظره كويس
رولا:كيف ذاكرت لا ختبارك
نهاد:طفشت وانا اذاكر لازم ارفع معدلي ها السنه
ترف:معدله حلو ويقول لازم يرفعه
رواف:خير مجتمعين بدوني اوه ايش الريحه ذي كم باقي دقيقه ويجهز الاكل
رولا:كل همك بطنك دقائق ويجهز انتظر بس بعدين تعال وينك كل ذا الوقت
رواف:يليل كل ما جيت عند واحد جاء سالني خوي داخ وكنت معاه
نهاد:باقي صامل على كذبتك
رواف:نهاد اسكت عني ترا با الغصب متحملك اليومين ذي
نهاد:وهو يناظره بنظره حاده ورواف مطنش نظرات نهاد وكمل كذبته ع رولا ورولا تسلك له تدري انه كذاب بس ما تحب تجرح مشاعره وتقول له كذاب
فؤاد:ترف وين الشنطه حقت المخيمات اللي عطيتك اياه المرا اللي راحت
ترف:يوه فؤاد وش دراني مرا شهر ع اخر مرا خيمنا فيها بس خل نأكل واشوف لها لو وقفت بطيح من الدوخه
فؤاد:سلامتك من الدوخ يلا اهم شئ صحتك ولا اكلتي طلعيها لي لازم اشيك ع الاغراض اذ ناقصه او شئ
ترف:ليه ما تبي تأكل
فؤاد:لا بنام ورأي دوام وانتم كلوا وناموا
ميهاف:اسمعوا خل ندور لفؤاد عروسه نفسي اصير اخت عريس
نهاد:اجل ابشرك مطوله تصيرين اخت عريس فؤاد مايبي الحين واحنا نفس الشئ
وائل:رولا تعالي ابيك
رولا:وش تبي يصغنون
وائل:وهو يهمس لها وسخت ملابسي
رولا:وائل خلاص انت كبير اذ تبي الحمام روح مو تسويها ع نفسك
وائل:وهو منحرج كنت نايم ما ادري
رولا:وهي تناظر برأته وتبتسم عادي حتى انا بعمرك كنت كذا لا تزعل
................................. ♡♡.................................
يوم ورأ يوم اخر يوم با الاختبارات بعد ما اختبروا ورجع الكل لبيته ويجهزون للمخيم بيرحون الساعه ٤با العصر
ابو فوراس:يلا يا شادي انا بروح قبلكم والحقونا جيبوا كل شئ معاكم
شادي:ابشر يبا بشرف ع كل شئ بنفسي
ام فوراس:مي شوفي ملابس فوراس ع الكنبه خذيها وحطيها بشنطه يلا
مي:طيب الحين بروح
ايملان:وهي تحط كتب كثيره بشنطتها عشان تسهر عليها
مي:والله ما بتفضى تقرين بس رجعيها بنسوي فعاليات وبنلعب جبت معاي العاب وافكار ببالي بسويها وخططنا انا والبنات
ايملان:بأخذها احتياط لو شفت الوضع بارد رجعت ع كتبي
ام فوراس:انتو ما جهزتوا يلا يبنات اخوكم ينتظرنا برا
جهزوا وركبوا السياره وهما يشغلون اغاني والكل مروق
ايملان:ميان عطيني فادئ
ميان:ايه خذيه بس والله بيطفشك
ايملان:اوه العكس احب جلسته
................................. ♡♡.................................
ابو نهاد:يا عيال عمكم بيمر علي بنروح انا هو احد بيجي معي
رواف:انا بروح
ابو نهاد:يلا جيب شنطتك عمك لا ينتظرنا وقت طويل
رواف:كل شئ جاهز دام معاك رواف لا تشيل هم
نهاد:وهو يضحك قصدك شيل هم
رواف:اقول انت دخل ملابسك شنطتك وانت ساكت ع الاقل جهزت قبلك
ابو نهاد:خلاص يعيال وانت يلا انزل عمك جاء
ترف:اوف يميهاف دايم اشياء مبعثره بسببك اخذتي شئ رجعيها لا ترميه وين شوزي الابيض صح ان ترف وميها تؤام بس شوي شخصيتهم تختلف من ناحية الاهتمام والمحافظه  على الاشياء ترف تحب تحافظ ع اشياءها وتنظمها وتحط لها اماكن مخصصه اما ميهاف ماعندها تنظيم ولا شئ ترمي كل شئ بمكان
ميهاف:شوفيها يمكن ورأ الباب او بشنطتي يمكن حطيتها با الغلط
ترف:وهي معصبه عطيني شنطتك كنتي بتأخذينها بدون اذن مني روحي عن وجههي ترا مرا معصبه منك
ميهاف:خفي علينا خذيه محد يبيه
رولا:بنات يلا نهاد بيودينا
ميهاف:ليه وفؤاد
رولا:بيروح يجيب الذبائح وبيلحقنا
ترف:اوف دايم تضيعون اشيائي وانا اتورط اجلس اخر وحده واكل هواش من هنا ومن هناك
رولا:معاكي وقت بس خفي يدك بدل التحلطم
................................. ♡♡.................................
شادي:وقف عند محطه يبي يجيب كم شغله من السوبر ماركت ويعبئ السياره بنزين
مي:شادي تكفى جيب شبس نتسلى عليه عبال ما نوصل
شادي:ابشري يما وميان وايملان تبون شئ اجيبه لكم
ايملان:ايه جيب لفادئ البسكوت حقه
ميان:ايه ذكرتيني جيبه تكفى
شادي:يمه ما تبين شئ
ام فوراس:لا سلامتك كل شئ معي بسله
................................. ♡♡.................................
بطريق بعد ما حرك من المحطه شادي سياره ورأه تدق بوري شادي يوم شاف السياره تمني ينزل ويهاوش فوراس ع طيشه
شادي:فوراس وش تحس وش ها الحركات
فوراس:كيف بس هذا وانا بس دقيت بوري كيف لو فحطت قدامك
شادي:وهو يأشر له انه يكون ورأه
ام فوراس:والله مهبول ها الولد
................................. ♡♡.................................
با المخيم:الكل تواجد عائلة ابو فوراس وعائلة ابو نهاد
الشباب:كلن مشغول اللي ينزل الاشياء من السيارات واللي يرتب الجلسه واللي يشب النار
عند البنات:
ايملان:وهي تعلب مع فادئ وتركبه با المرجيه وتدفه
وميان ومي ورولا والتؤام:يرتبون با الجلسه ويخططون ع الفعاليات متى بيسونها
ام فوراس و وام نهاد
يتقهون ومعتمدين ع البنات بترتيب وغيرها
الساعه ٩ با الليل
عند الشباب:نهاد وهو يدق العود و فؤاد يغني شوي يدخلون العيال ويغنون معاه شوي يخلونه لوحده لان صوته حلو وجلستهم كان من ابسط واجمل الجلسات ويكفي ان قلوبهم ع بعض
والبنات: يلعبون بلوت واغاني داخل بيت الشعر
اما ايملان:كانت جالسه ع المرجيحه وداخله جو مع صوت فؤاد وبيدها كتاب بس ماقدرت تقرأ وتسحب ع دق العود وصوت فؤاد
بعد ما جهز العشاء: دخل فؤاد وهو يقول فيه احد انا بدخل
وايملان:مو مركزه معاه كانت تقرأ
فؤاد:ما ظن فيه احد ودخل فؤاد وبيده صحن رز ولحم
ايملان:يوه وهي تغطي وجهها با الكتاب وتحاول تنزل من المرجيحه وهي تركض لعند البنات
فؤاد:اول ما شافها لف وجهه وحط الصحن وطلع
ايملان:قلبها وهو يرتعش وتفكر بصدفه ذي
ترف:هي نيملان تعالي العبي معانا خير ساحبه
ايملان:تأمرين امر كم ترف عندي وقلبها يدق من الفرح بسبب الصدفه
ترف:والله مو من عوايدك شكل ورأك بلاء
ايملان:اقول عدلوا جلستكم ابي ادخل بدائره
ام فوراس:يبنات يلا العشاء
الساعه ٨ صباح صوت العصافير والسماء اللي كلها غيوم والهواء البارد
ايملان:ياالله وش الصباح الحلو يلبيه السماء كلها غيوم شكلها بتمطر وتفتح شنطتها تأخذ كتابها وتروح تجلس على المرجيحه ومعاها كوب حليب ومستمتعه شوي يدق الباب
فوراس:بنات جبت الفطور افتحوا
ايملان:وهي مبتسمه وتفتح الباب ياهلا عطني ادخله
فوراس:احد صاحي
ايملان:لا والله بس انا
فوراس:مثلي قومني ابوي اجيب الفطور ويوم جيت لقيتهم نايمين
ايملان:اجل تعال اجلس معي وخل ظهرك مقابل بيت الشعر عشان ترف وميهاف لو خرجوا
استوقف كلامهم قطرات المطر واصوات ضحكهم يعلى كل مازاد المطر للمطر بهجه غير مهماً كبرت بتشوف نفسك صغير وقت تمطر الدنيا
ايملان:وهي تمسك يد فوراس وتنط وتضحك وتدور وتجرئ ويجرئ ورأها فوراس كل ذا صار ومحد حس بشئ
فوراس:يلا اسمع صوت ابوي بروح لا احصل ع كلام ما ابيه
ايملان:روح روح مدري وش بتطلع تبرير عن ملابسك اللي كلها مويه
فوراس:يوه نسيت ماعليه كنت العب با المطر
ايملان:مستمتعه با الجو وريحة التراب بعد المطر لازم مايفوت البنات الجو بنات يلا قوموا الجو غيوم ومطر والله يفاتكم مطر
ترف:قولي والله ليه ما قومتيني تعرفيني احب المطر
ميهاف:اوف اوف ايملان  بعد ما انتهى جايه تقومينا
ايملان:لا فيه زخات يلا يمديكم تستانسوا فيها بسرعه حتى الفطور اتوقع صار بارد
رولا:مين جاب الفطور
ايملان:فوراس
رولا:لا تقولينها الحين الفطور عباره عن تميس
ايملان:للاسف صح
رولا:الله يرزقني كثر حبه للتميس
مي:وهي تناظر نيملان وتضحك انتي وش مسويه بنفسك
ايملان: كنت تحت المطر اكيد بكون مبهذله
شوي وتنط حشره ع ترف
ترف:وهي تصرخ حشره كبيره
وما اسمع الا صراخ البنات وميهاف اللي تقوم وتطيح تقوم وتطيح من الخوف اما ترف ومي ورولا ما فكروا با احد وهربوا
ام نهاد:وش فيكم يبنات مهابيل انتم
ترف:وهي تبي وتشرح لامها بس محد فاهم وش تقول من كثر ما تبكي
ايملان:نطت حشره عليها وخافت والبنات صرخوا بعد ما صرخت هي
ابو فوراس وابو نهاد:وهما داخلين فيكم شئ وش ذا الصراخ
ام نهاد:لا بس شافوا حشره كبيره وخافوا منها
ابو فوراس:مافيهم الا الدلع فكرت دخل عليكم عقرب او شئ طلعت حشره ابو نهاد خل نطلع من عندهم لو جلست شويتين بهاوش الكل
ام نهاد:شفتم ما كان لكم داعي تصرخون كلها حشره
ترف:اللي ودها تصرخ عناد بس تدري انهم بيهاوشونها وبيخربون يومها
ام فوراس:تعالوا تعالوا للفطور وخل عنكم سالفة الحشره الاجواء زينه اليوم
ميان:اللي كانت نايمه ومو داريه عن فادئ وين اراضيه
ايملان:بعد ما بدلت ملابسها يمه وين فادئ غريبه بذا الوقت مايكون نايم
ام فوراس:يمكن ما نام البارح بدري
ايملان:بروح اشوفه
ام فوراس:لا تقومينه خلي ميان ترتاح شوي
دخلت ايملان وهي تشوف ميان نايمه بس فادئ مو موجود ارسلت لشادي تسأل اذ فادئ عنده
شادي:لا توي قمت من النوم ومو عندي ليه وينه
ايملان:لا مافيه شئ بس اسأل اكيد انه عند ميان
ايملان:يمه فادئ مو عند ميان ولا عند شادي
ام فوراس:وين الولد لا يكون الباب كان مفتوح وطلع يويلي والولد صغير من يعرف هو مين حتى تتكلم وهي تدور الكل قام من الفطور و مي مصدومه وتفكر بشادي وميان الكل يدوره بس ماله وجود شوي قامت ميان
ميان:بنات ليه ما صحيتوني واللي تبكي واللي حايسه واللي تدور بمكانها الكل خايف وش يقول لميان وكيف يقولون للرجال بنات فيه شئ وش فيكم
ايملان:فادئ فاقدينه لنا ربع ساعه
ميان:وينه ايملان تمزحين صح كان نايم بجنبي كيف مو موجود وهي تبكي ايملان تكفين جيبيه وينه
ام فوراس:قالت للرجال والكل قام يدوره وشادي اللي الارض ضاقت عليه وهو يدور ولده فادئ
فؤاد:كان يدور حول المخيم وهو يشوف فادئ يلعب مع اطفال من مخيم شوي بعيد عنهم وينزل ويأخذه وهو يقول لقيت فادئ لقيت فادئ ولا شعورياً ايملان  طلعت وهي مو لابسه عبايتها بخصوص ان اغلب وقتها يكون مع فادئ خافت تفقده وهي تشوفه بحضن فؤاد اخذته وهي تحضنه وتبكي شوي تطلع ميان وتكمل الحضن وشادي بعد وكل ذا وفؤاد موجود ويناظر اهتمام ايملان لفادئ فوراس وهو يأخذ غترته ويخطي بها نيملان وميان لحد ما دخلوا نقدر نقول بأن سالفة ضياع فادئ شدة اعصاب  الكل وكلهم جالسين جنب بعض مو مصدقين لقيوه
العصر
الكل رجع لروقانه وحرصوا ع ان الباب ما يكون مفتوح
ترف:وهي تشرح وتوصف ملامح وتعابير الكل با الموقف اللي صار ياالله ما انسى وجه ايملان لما قالت يمه فادئ مو موجود وهي تضحك
ايملان:وانا ما انسى وجهك لما نطت عليك الحشره
الكل:آهخههخههخخ
فادئ يبي يجلس عند ايملان بس ميان مو مخليته يبعد عن حضنها بسبب خوفها وتأنيب الضمير تحس نفسها مو قد المسوؤليه
رولا:بنات دام المطر فاتنا اليوم شرايكم نسوي فعالية البالونات
الكل: يلا قدام
وبدأنا نعبئ البالونات مويه ونرميها ع بعض
ايملان اللي ماتدري وش حست فيه لما رمت البالون على القسم اللي فيه الرجال ولسوء الحظ جات على ابوها
شوي والباب اللي بين القسمين يدق والكل يتوقع انه بيتهاوشون بسبب ايملان فتحت ايملان وهي تنتظر هواش
ابو فوراس:عطونا بالونات حتى نحن نبي نسوي فعاليات
طبعاً ما يحتاج نحكي عن صدمة البنات وهما يعطونه
بالونات
ايملان:وهي ترمي ع الرجال مرا ثانيه وصارت حرب بين البنات والرجال حتى ام نهاد وام فوراس انضموا للبنات
ميهاف:يالله اول مرا المخيم يحلا بعيني
رولا:عشان ها للمرا صار اكشن من بدايته والفعاليات اللي خططنا لها انا ومي
ترف:هي لا تنسى ترا ساعدناكم
الكل ملابسه مبلله من الحرب اللي صارت
بعد ما بدلوا ملابسهم جلسوا وكل وحده بيدها شاهي وهما يسولفون
ام نهاد:يا ام فوراس مين اكبر نهاد ولا ايملان
مي:وهي تدق ايملان با الخفاء تلمح لها ان ام نهاد حاطه عينها عليها وما تدري ان ايملان تميل لفؤاد
ام فوراس:لا نهاد اكبر بسنتين افتكر لما جبت ايملان كنا نقول لنهاد انها زوجتك وكثير صور تجمعهم حتى بطفولتهم دايم مع بعض غير عن الباقين وجوهم لوحدهم والبنات يغمزون ايملان بس ايملان مو مهتمه لهم حتى ابتسامه ما طلعتها ملامحها كانت ثابته وعبؤسه
رولا:وهي رايحه الحمام والحمام له دخله من عند الباب اللي بينهم وبين الرجال وهي تمشى ويشوفها امير ما قدر يبعد نظره عنها هذا وهو شاف ظهرها وشعرها البني الطويل
ترف:رولا اسمعي
امير:اول ما سمع صوت ترف دق الباب عشان ما يشكون انه كان يناظر رولا وهي تجرئ عشان محد يشوفها وترف اللي رجعت لعند البنات
ام فوراس:هلا امير وش بغيت
امير:نبي الفحم خلص من عندنا
جابت ام فوراس الفحم واخذه امير وكل تفكيره با رولا
نهاد:رواف انت وفوراس روحوا البيت وجيبوا قدور وكم ملعقه وسكين
ابو فوراس:فوراس خذ ايملان وترف معاكم يعرفون احسن منكم
فوراس: آح كانها سبه ولا
شادي:وهو يضحك من كلمت فوراس
رواف:وهو يقول لنهاد ما لقيت الا انا ولا تقولها بصوت عالي عشان تحرجني ولا اقدر اردك
فوراس:يلا يرواف يحبك للتأخير
رواف:اقول امش ولا يكثر
ابو نهاد:قم يفؤاد قول لامك تكلم البنات يجهزن
فؤاد وهو يدق الباب
ام فوراس:مي هذا اكيد امير روحي شوفيه
مي:وهي متجهه للباب وتجي عيونها بعيون فؤاد ومن فهاوتهم جلسوا يناظروا بعض
ام فوراس:مي وش يبي امير
مي:وهي تقفل الباب بوجه فؤاد هذا فؤاد يمه مو امير
رحت رولا تشوف وش يبي فؤاد
رولا:هلا فؤاد بغيت شئ
فؤاد:ايه كلمي ترف وايملان  يجهزون بيروحون مع رواف وفوراس البيت يجيبون كم غرض
رولا:ليه مو انا ومي
فؤاد:عمي قال ترف وايملان
مي:ترف ايملان اجهزوا بترحون مع رواف وفوراس البيت
ترف:ياسلام يلا يلا ايملان
ميهاف:خير وانا ساحبين علي
نيملان:معاك البنات محد بيسحب عليك
لبسوا عبايتهم البنات وطلعوا
ايملان:رواف كيفك
رواف:الحمدالله خير مسوي رسميات
ايملان:الغلط مو منك الغلط مني اكلم واحد مثلك انقلع بس
رواف:ايه ايملان وش سالفة البنت اللي كسرتي عظامها
ايملان:يوه لهدرجه انتشرت السالفه وهي تحكي لرواف السالفه كلها
رواف:لا والله الا كفو ع بنت عمي ايه خليك كذا
ايملان:طيب وش رايكم بما اني كفو وكذا تطلبون لنا قهوه
وفوراس:والله كنت حاسه انك بتطلبين كذا
ترف:ايه تكفون يلا
فوراس:عشان ترف موجوده معانا وعشانها ما جلست تثرثر(تتكلم كثير) تبشرون
ترف:وهي تقول لايملان صدقيني لو ما محتاجه القهوه كان سفلت فيه بس بااسلك له لحد ما يجيبها فوراس من متى دمك صار خفيف
فوراس:من يومه بس تو ما تكتشفين انتي
طبعاً طلبوا للبنات قهوه وكل وحده حلا صح انهم صغار شوي بس ياكثر الفلوس اللي معاهم وبما اننا ندري عن كثرة الفلوس معاهم جبرناهم يدفعون على حسابهم
اخذوا كل شئ يحتاجونه من البيت وحتى روب التخرج حقت مي و رولا ناوين يسون مفاجأة واخذوا كيك وكم شغله وطبعاً كانو متفقين مع ام فوراس وام نهاد ع الخطه وانه لازم يدخلونهم ببيت الشعر لحد ما نوصل ونرتب كل شئ
وفعلاً صار كل شئ مثل ما توقعناه  ثبتنا الجوال وبدأ يصور وحنا نناديهم والمخيم كله اغاني تخرج واللي يصفق والله مبسوط وام فوراس وام نهاد دموعهم ما توقف من الفرح والفخر ابو فوراس وابو نهاد وهما رافعين راسهم بكلهم فخر ببناتهم وبتخرجهم
شادي:وهو ينادي يا مي تعالي انتي ورولا اولاً مبروك وكلنا مفتخرين فيكم اول بنتين با العائله يرفعون روسنا وعقبال ايملان وترف وميهاف يرفعون روسنا بتخرجهم
مي ورولا:يبارك فيك وعقبال ما تفرح بتخرج فادئ
فؤاد:مبروك يبنات وياكثر الفخر اللي نحس فيه يتكلم وكل تفكيره  في ملامح مي اللي شافها قبل شوي
مي:اللي نسيت الموقف ولا درت عنه الله يبارك فيك يارب
والكل يبارك والهدايا والاكل وانتهى اليوم ذا بجماله وفرحهم تخرجهم
بصباح
ابو فوراس:يلا يلا ابو عادل وعياله  واختي مريم معاهم بيجون ابو عادل ومريم اخوان ابو فوراس وابو نهاد من الاب
الكل قام اللي يأكل واللي يلبس واللي يحط ميك اب وكل واحد مشغول بنفسه والحريم يسون الشاهي والقهوه
اما عند الرجال:ابو نهاد ما خلاء ولا واحد بحاله قروش العيال لحد ماقاموا اهم شئ يبعد عنهم
فوراس:خلاص يعمي بقوم بس دقائق
ابو نهاد:وهو يشغل السماعات ع اصوات مضغ الاكل يعرف ان فوراس يقرف من الصوت ذا مثل رواف ودايم مشاكل ابو نهاد و ورواف بسبب ها الصوت
فوراس:خلاص قمت قمت قفله وش ها الصباح وعمه يضحك يحب لما يعصب فوراس
البنات وهما يسمعون صوت مضغ الاكل
ميهاف:والله ابوي اللي مشغله دايم اذ بيقومنا ما عنده الا ها الحل
ترف:الله يعينه اللي بيكون ضحية ابوي ما بيخليه بحاله لحد ما يقوم
ابونهاد:دخل وهو يضحك
ترف:ها يبا مين ضحيتك
ابو نهاد:سمعتم الصوت اجل غريبه ما سمعت صياحك يترف دامك سمعتي
ترف:شسوي اخاف يحسبون فيه ولد بين الحريم
ابو نهاد:والله صادقه كويس انك سكتي والله ما خليت فوراس بحاله الا لما صحي
ميهاف:ما اقول الا الله يعينه بيمر عليه اليوم وهو يحس بضيقه من الصوت
الباب يدق ابو عادل وعمتهم النشبه جات
فتحت ايملان:الباب ياهلا نورتونا
ام عادل:ياهلا النور نورك يبعدي وهي تناظر ايملان من فوق لتحت وابتسامتها واصله اذنها
عائلة ابو عادل تتكون من:نايف وعمره ٢٤سنه عادل عمره ٢٣سنه و ريما اللي عمرها ٢١ سنه
ريما:وحشتيني ايملان ما تصدقي السوالف اللي ابي اقولها لك
ميهاف:وهي تقول لي مي واضح ها المرا بتنشب لمين الله يعينها لازم اقول لرواف يجيب حبوب للصداع ما بتسكت الا لما تحس ايملان  بصداع
مي:اسكتي بيسمعونك وهي بتصيح من الضحك بسبب كلام ميهاف
عمتهم مريم:ايملان اشوفك كبرتي وصرتي حلوه
ايملان:ايه يعمه الواحد ما يجلس ع حال واحد وتسلمين على المدحه
رولا:ملاحظين ان كل تركيزهم على ايملان
مي:تصدقين حتى انا ملاحظه
ترف:لا يكون السالفه فيها نايف او عادل
ميهاف:تكفين لا ما بخليها تروح عندهم
قاطع كلامهم نظره من امهم وهي تقول خذوا ريما معاكم
ميهاف:ريما تعالي خل نسولف
ريما:قامت وجلست بجنب ايملان تصدقين وحنا بطريق ابوي مرا يقول مشتاق لك وانه وده يشوفك
البنات وهما يناظرون بعض بصدمه وكل اللي كان يشكون فيه تأكدوا منه وبينتظرون الخبر الليله او الصباح وكل خوفهم الشور يكون بيد الرجال
ايملان:ياحبيبي يعمي وانا بعد اشتقت له
ترف:ايه يريما كيف الاجواء بمكه وكيف رحلتكم ان شاءالله ما تعبتم
ريما:انتي هبلا اكيد تعب ثمن ساعات جالسه بسياره اكيد بيكون تعب والاجواء حر وجفاف
البنات يضحكون ع ترف وترف اللي تضايقت من اسلوب ريما معاها
ترف:خير اكلتيني ترا كلها سؤال
ريما:يع ها البنت زعوله
ترف:وهي تقوم وتطلع برا وجالسه ع جوالها ما تحملت جلست ريما
ايملان:وهي تقول بنفسها خذيني معاك ترف تكفين
ريما:يبنات اقول لكم موقف محرج صار لي
ميهاف:قولي
ريما:تخيلي مرا دخلت كهف الرعب بطائف وانا خايف طلع لي وحش ومن الخوف احضنه
ميهاف:من الخوف تحضنين الوحش اللي خفتي منه
ريما:ايوه وش عندك بعدين لا تقاطعي كلامي المهم بعدين طلع ولد متنكر
ميهاف:متنكر آهخههخهخهخ
مي ورولا:مطنشين كلام ريما ويسولفون مع بعض ومو مهتمين لوجودها
ريما:رولا كيف فؤاد اخوك
ايملان:وهي تناظرها و تقول بنفسها خير وش تبي تسأل عنه
رولا:طيب الحمدالله
ريما:يا الله اشتقت له من زمان ما شفته
ايملان:قامت وهي معصبه وتمشى بخطوات سريعه
ميهاف:ايملان ولفت على مي وش فيها
مي:مدري بروح اشوفها ايملان علامك فيه شئ كانك عصبتي
ايملان:لا ما عصبت بس طفشت من سوالفها وحسيت انكتمت الا ميان وين ما شفتها اليوم كله
مي:راحت المستشفى لموعد لفادئ
ايملان:خلاص ادخلي انا روح الحمام وبجي وهي تفكر وتقول وش جالسه اسوي انا وليه عصبت فجأه ليه قلبي ينبض لما احد يجيب طاريه
وليه استحي منه اكثر من اخوانه
بعد العشاء:الحريم والبنات لبسوا عباياتهم عشان العيال بيدخلون وبيجلسون مع بعض سوالف وضحك وكل اللي با الجلسه يمونون ع بعض