ماذا أقرأ ؟

وعاظ السلاطين -د.علي الوردي

#وعاظ_السلاطين
#علي_الوردي

شلون تصير واعظ؟
شلون تنصح الأنسان وتوجهه وتگله شلون! تتصرف هيج؟
شلون تحس بالأنتصار والزهو ونشوة النصر وببلاش كلشي ما تخسر من جيبك ؟
شلون؟
-صير واعظ 🌝🫶🏻
——————————-
يناقش علي الوردي بكتابة وعاظ السلاطين مشكلة الوعظ والتعالي على البسطاء وأستغلال العقول بالتحريم والتحليل ، وأكيد الواعظ سواء كان شيخ واعظ او أي شخص عادي يشوف الخطأ ويحب يصلحه فـ يتبرع وينصح الناس (طبعًا هذا الشي ماراح يكلفه لا مال ولا تفكير ولا قدرات عقلية ) مجرد قدرات كلامية وشويه ثقة بالنفس
فـ يضحك ع المسكين ببساطة ويمشي من يمه وهو فرحان ومنتصر عليه وكلشش حاس بالرضى عن نفسه ،مع العلم هو ما مطبق نصايحة ع نفسة ...
وطبعًا هذي المعمعة ما تنتهي بناس معينة ! لا صار. أغلبنا كـ عرب وعراقيين نستخدم هاي الطريقة القديمة سواء بداعي النصح والخوف او بداعي الأنتقاص ،ما تنعرف🌚💔
———————————————
الكاتب ناقش هوايه أفكار 💭 من ضمنها قضية الفتنة الكبرى والصراع الي صار ،ناقش الموضوع بطريقة حيادية وعقلانية وبدون أي تعصب
بدلائل يعني مو يحجي من كيفه! ترجم الفتنة الصارت بحذافيرها وبالي تنقله كتب التأريخ
وكلش مقنع كلامة ...
—————————
أقتباسات 📄

_الغريب أن الوعاظ أنفسهم لا يتبعون النصائح التي ينادون بها، فهم يقولون للناس: نظفوا قلوبكم من أدران الحسد والشهوة والأنانية، بينما نجدهم أحياناً من أكثر الناس حسداً وشهوة وأنانية!

_إن أكثر مفكرينا اليوم يتبعون ذلك الأسلوب الذي يُصفق للظالم و يبصق في وجه المظلوم!

_الغني المُترف لا يُريد التجديد لأنه سعيد ينال بغناه ما يشتهي والناس من حوله يقدرونه فلا داعي لديه إلى تغيير يؤدي بمكانته ومنزلته الإجتماعية.

_ان الإنسان حين يرى قومه يحترمون المال ويقدرون أصحابه، يندفع نحو المال يجمعه فلا يُبالي أن يسرُق أو يرتشي لأنه يرى رأي العين ما يأتي به المال من جاه ونفوذ في نظر الناس.
——————
#رأيي
كتاب واجب قراءته سواء تحب علي الوردي او لا
تتفق وياه أو لا
كتاب ينير العقول ،، كلشش أنقهر من أشوف كتاب يناقش سلبيات مضى عليهن عشرات السنين وبعدهن موجودات بالمجتمع !!!
ندور بنفس الدائرة ؟!
سلبية الكتاب الوحيدة انو بالقسم الثاني من الكتاب اكو هوايه تكرار والا هو كتاب يستحق القراءة جدًا...
وسلامتكم😁🤍🫶🏻
#ميسم_مرتضى

أنستغرامي للقرب أكثر 🧡 @96_qii