شباك الحب

البارت الثالث

_طبيت علكت اغاني وكعدنا نركص مااسمع الهم صوت بعد احسن صارت تسعه بليل وهما بدوا يالله هذا موعد عركتهم بليل وكت الناس النايمه شو اسمع عياط امي بلعت ريكي ياله تمام هسه يهدون هسه مكدرت كلشش فقدت اعصابي هي تصيح بصوت عالي وادي يرجفن فرح نامت

_متحملت نزلت فتحت الباب هو ملخها تملخ وهي تدعي علي رجعت بخطوات مصدومه اريد احجي وهي عياطها مالي البيت حجيت بتردد ما مم ماا ماا

ام مريم: عساها بحضها وبختها الخنزيره الي اخذتك مني عساها بحضها وبختها العايبه

عدنان: نفس ما اسمع منج نفس مو تذبين علي تهمج السوده لازواج ولا شي انتي وحده واني مامتحملج اجيب ثنين اكلي تبن وانجبي يااااله صوتچ لاااا تعععععلي

مريم: اقربت منه ليش متنصي صوتك فرح نايمه هسه بعدني مامكمله هو كفخني راجدي وكعت بالأرض امي عاطت علي ودفعته هو دفعها وكام يضرب بيها ضربني ع حلكي اسنوني كامت تصب دم دموعي كامت تنزل عفتهم وصعدت فوك جريت تلفوني اتصلت بسامر اول واحد اجه ع بالي اتصلت بي واشهك

سامر: الو ها مري

مريم: يريد يكمل وإني نفجرت أبچي وأشهك بقيت ابجي فزت فرح من شافتني برطمت علىٰ صوت بچي وزداد

سامر: اجيتلج ابقي بالغرفه انتي وفرح متخلص هاي البلوه

مريم: الدم يصب من حلكي واني ابجي فرح من شافت الدم كامت تشهك وتبجي كمت وكفت مقابيل المرايه امسح الدم اليطلع من اسنوني واشهك رحت سديت شعري ودموعي تصب وكفت حطيت كلينكس

فرح: منو ضربج وماما ليش تبجي راح يطلكون

مريم: دموعي صبت هل المره ماعندي جواب الها رحت كعدت ع طرف الجربايه وهي يمي لازمها دبها
شوي ونفتح الباب دخل سامر من شاف الدم تفاجئ
جنت كاعده على طرف الجربايه امسح ودموعي تصب
هو كعد مقابيلي انطاني امسح الدم

سامر: ليش يصب دم بله فتحي حلكج اشوف!

مريم: فتحت حلكي اشرت اله ع المكان اليطلع منا دم

سامر: ضربج؟؟

مريم: هزيت راسي؛ " لان تدخلت وردت امنعهم متوقعت هيج يسوي " شهكت هو كام جر حسره زاد بجي حطيت ايدي ع وجهي

سامر: ياله تعالن اني مو من زمان موعدجن اطلعجن امشي ياله روحي مريوم غسلي وجهج وتعالي

مريم: شال فرح ونزل كمت ع حيلي دخلت الحمام اغسل وجهي واشهك غسلت حلكي رحت بدلت ملابس لان وكع عليها بقع دم ونزلت اسمع صوت صياح مهتميت طلعت بره هو يغسل وجه فرح

سامر: امشينا نطلع ناكل موطه نروح احلى مكان بغداد

مريم: صعدت بسيارته حجيت برود منو جوه بيبي اجت؟

سامر: نايمه بيبي جبت بس عمي قادر وباسم كاعدين يحجون وياهَم

مريم: نفس الشي يحجي يحجي وبعدين يرجعون هو بدل الموضوع