الشيخ جلال وساره

البارت20

جلال : تنفسي والله صایر اخاف اتقرب منج لا تکطعین النفس وتختنکین

ساره : بتسمت عله کلامه اخذت نفس عمیق من عطرا کتله بتوتر ششنو مناسبت هاي الکیکه والفستان اشرلي بعیونه عل کیکه شهکت وضیت اکمز من الفرح عید میلادي والله نسیت جان بیهه صورتي وعمري  باوعتله بتفاجٸ انته شلون تذکرت

جلال : رجع سحبني لحضنه وهمس لیش اکو واحد ینسه احله یوم بحیاته من صارت امیرتي

ساره : بصدمه من کلامه خلیت بحرکه لا ارادیه من الصدمه  ایدي عله جبهته جلال شبیک مصخن ضحک ضحکه اول مرا اشوفهه حسیته ضحک من کل کلبه

جلال :هههههه والله انتي فلم مو مال رومنسیه

ساره :شنو رومنسیه انته

جلال : رفع حجبه یعني انتي ماتشوفیني رومنسي مو

ساره : لا لا موقص...... مالحکت اکمل کلامي ترکني وراح عله تلفون اکید راح یتصل بواحد یجي یاخذني للبیت خرب حضج ساره قطع تفکیري صوت المسیقی رومنسیه مال رقص تقرب علي وسحب ایدي والله من الصدمات راح انجلط لطشني علیه وخله جبهته عله جبهتي وید تحاوط خصري وثانیه بیدي بوضعیه الرقصه ماعرف بهاي اللحضه اهدي کلبي لو انفاسي اکید انه جاي احلم لحضات ساحرا اخذني العالم ثاني محاوطني عطرا ونضراته حسیت بشوق اله رغم انه بین ادیه اتمنه یوقف

الزمن لان اعرف مو کل مرا راح تصحلي الفرصه اکون قریبه من کلبه لهاي الدرجه واضیع ابحر عیونه العسلیه جنت بیده مثل العبه یحرکني بحرکاته الراقصه بعالمه الخاص الي سمحلي اکون جزء بس جان الفستان طویل یعیق حرکتي بالرقص ماحس غیر رفعني من خصري بثنین ادیه حاوطت رکبته بدي حسیت انفاسه حارره عله وجهي الصار قریب عله وجهي کلبي فوت نبضه من نبضاته ستسلمت لهاذ الحلم الجمیل والشعور الاجمل بلعالم  اخذ شفایفي ابوسهه کلهه مشاعر حب ونهم فصلهه

جلال : بهمس ساره

ساره : مممم

جلال : تزوجیني

ساره : جمدت من سٶاله

جلال : جاوبي تزوجیني

ساره :بعد ما استوعبت انو انه مو بحلم باوعتله بصدمه و کتله ببس احنه متزوجین

جلال : اعرف بس هاذ اتفاق وانه وعدتج راح احررج بالیوم التخلصین بي دراسه وماراح اتراجع عن کلمتي بس هسه تنهد انه جاي اطلب منج الزواج اریدج تصیرین مرتي ونصي الثاني یعني زواج طبیعي

ساره :نصدمت من طلبه واحس کلبي راح یوکف من الفرحه والصدمه شحجي شکول نشل الساني ودموعي بقت تصب حضنت بکل قوتي لعله هاذ الشي یوصله موافقتي ما ابالغ اذا اکول انو هاي اجمل لحضه بحیاتي بادلني الحضن وبقه یفر بيه بالصاله حسیت نفسي فراشه وطایره من الفرحه

جلال : لو مهما صار ساره اریدج تعرفین انو انتي احله شي بحیاتي وراح اضلین هیج هسه ارید اعرف انه شنو بالنسبه الج ولیش غرتي من غفران ذاك الیوم