غلاة الفهد

البارت الــ 11

غلا
-
كعدت الصبح ساعه 7خطبه شمس اليوم حييل فرحانه ورحنه للصالون سويت مكياج حفيف بيجي وحمره لون ماروني وفستاني جان طويل ونفش لون اسود فتحت شعري على طوله وسويت الاطراف ويڤي ولبست كعب ماروني وشمس خلصت ساعه 2 كلنه خلصنه
-

فستان غلا

-

شمس جانت بدلتهة وردي فاتح وحطت مكياج وردي وسوت تسريحه نازله جانت حيل نازك شكلهة ولطيفف
-

بدله شمس
-
خلصنه وطلعنه من صالون اجانه علي (اخو فهد)
-
علي:عمي شطالعات كيك
شمس:نجب لك انته مو دكول شوكت اخلص منج هاي حتخلص
علي:الله وياج ومحمد وعلي عدنه غلا تكفي وتوفي
شمس:ايا حقير
غلا:هدو يمعودين😂محد يجي مكان شموسه شعدنه غيرهة
شمس:فديتج غلول
-
غلا
-
طلعنه اغاني بسياره وطريق كله شمس وعلي يتناكرون وصلنه وطببت شمس وهيه متوتره صعدت اجيب بوكيه الورد مالت شمس بغرفتهة دانزل من درج سمعت صوت فهد يدندن
-
فهد:ورد وشايل ورده خوفي الناس تحسده مدري الورده بأيده مدري الورده بخدهه
غلا:فهد انته متجوز من سوالفك ؟
فهد:فوك ما اتغزل بيج
غلا:امداك

-
ضل يضحك عليه رحت لشمس متوتره كعدنه نسولف ونضحك سمعنه هورنات اجو اهل العريس فاتو وعقدو لبسو حلقات اخت محمد حييل لطيفه واكو وحده ثانيه تخزر بينه عاد شوي وراحو اهل العريس اجتي ام فهد تصيح

-
ام فهد:يمه غلا روحي ويه علي جيبو قطع كيك
غلا:تمام
شمس:تعاي وين عايفتني
غلا:اركض منا ومنا لج بس آروحـــہ اجيب كيك اني وابن عمج ونجي
-
غلا
-
الهوسه مو طبيعيه حتى بل مطبخ ناس كاعده وكل مجموعه مطبوكات 5 ويحشون بل ناس صعدت لغرفتي جبت بشت شايلته بايدي نخبصت حييل نزلت جوه فهد بسيارته صاير اعصاببب وعلي منتظرني نزل من سياره فهد جر ايدي وصعدني وياه

-
فهد:وين موليه ويه هاذ
غلا:شعليه امك كالتلي روحي ويه علي
فهد:يامحمددد شون طالعه هيج وهاذ شافجج؟
غلا:اي لازمه بشت بايدي نخبصت وملبسته
فهد تنهدت واني اكلهة: لبسي يله

-
غلا
-
لبسته واني ساكته بس واحد يطخني ابجي بل الف ياعلي وصلنه لابو لكيك شكو جايبيني مادري جبنه الكيك ب السياره يدردم متعصب من علي عاد اني متحملت طكيتهة بجيه

-
غلا:يعني شذنبي بس تعيطون عليه روحي منا وتعاي منا شوكت يخلص هل يوم الاكشر استغفرالله ياهوه اشوفه يعيط بوجهي كافيي

-
فهد:اسف مادري بس تعصبت لان انتي متعرفين شصار جاي هاذ السكط يغمز يكلي غلول حتروح وياي ويغمز بربج هاذ تصوف شون ما اتعصب
غلا:واني شعليه تعيط عليه اني كايلتله تعال حبني
فهد:خلص كافي متسوه تبجين

-
غلا
-
وصلت ونزلت قطع الكيك وياي طبيت لكيت شمس متوتره مثل عادتهة خلصنه المعازيم بس يحجون عليه اكو يمدحون اكو يحشون بيه شكد غيبه اخذننن ميملن خلصو وراحو بقو بس عمامي وزوجاتهم عاد اخيرا حكعد
تربعت اكل مماكله شـَيہ من الصبح صبيت برياني وكعدت اكل نزعت الكعب اخ يل راحه النزاكه كلهة طارت كعدت يم شمس هيه ب البدله تاكل برياني شكلنه جان يضحك😂🥲

طب فهد وكعد يم جدي يخزر ويأشر عل بشت انتبهت ولد عمي كلهم كاعدين حطيت البشت على جتافي وكل ساع يوكع عفته شلت الصينيه لحكني فهد
-
فهد:اني احجي كرديي متفهمين
غلا:انته ماحجيت
فهد:لا تنرفزيني
غلا:دروحح
فهد:طالعه عينج انتي
غلا:عيبت عليه واني اقلد على حجي

-
غلا
-
صعدت فوك مسحت المكياج بدلت نزلت جوه على كعدتهم نضفت المطبخ والصاله والديوان كاعدين بي صعدت لشمس لكيتهة نايمه بل مكياج رحت لغرفتي ونمت نومة اهل الكهف
-
فهد
-
اليوم خطبه اختي وابن عمي البيت كله فرحان وصلت غلا وشمس للصالون وعلي راح يجبهم صعدت فوك لبست قاط اسود صعدت بسيارتي اجيب اهل محمد عنده ثنين خوات وحده نور هاي حبابه ومؤدبه وحده اسمهة ساره حيه وما تنبلع ابد وصلتهم لبيتنه كعدت ب الصاله محد بيهة طلعت جكارتي كعدت ادخن وشمس صعدت فوك وحتى ما انتبهت لابسه فستان اسود وطالعه تجنن عبالك لوحه جانت طول الحفله مخبوصه جنت كاعد ب الصاله تفوت حتى ما تنتبه عليه ياهو يجي يصيح غلا هاي ماعدى شمس والمعازيم شفتهة تريد تروح ويه علي اني كبيتت صعدت بسيارتي جبنه الكيك خلصت الحفله على خيرر وعقدو
-
صوتوا للبارت يحلوين واتمنى عجبكم علقوا وصوتوا وبس شكرا على دعمكمم🫶🏻🤍.