كنتي اميرتي وطالبتي

part 4

وره ما انطاني المحبس طلعت وانطاني
تلفونه وانتضرته بالساحه كال شوي
وطالع بس اخلص مراقبه واطلع
كتله اوك كعدتت بالساحه انتضر
ضليت اخذ صور وي صديقاتي وكذا
يعني اخر يوم الطالبات بكيفهه شتريد
تسوي تسوي بحيث هذا الي تمكيج يعني
خلص الدوام المهم نتضرت ابراهيم يجي
وما اتصلت ع ابو الخط وانتضرته وره
ما اجه ابراهيم كال هاا بس لا تأخر عليج
كتله لا ما تأخرت شنوو شكوو كال باوعي
هذا المحبس ما تنزعي من ايدج ابد وانا
هم يضل بيدي شيصير يصير ما تنزعي
كتله ما انزعه كال عفيه اجن طالبات
كالن استاذ ناخذ صوره ذكره وكذا
هو كال اي ليش لا وهنه نفسهن طالبات
صفي وخرت انا وكفت يم صديقتي وره
كال وينهه هاي وين ختلت كتله هاا
كال تعاي هناا وخلاني يمه ووكف هو بالوسط
بيني وبين مراقبه الصف بس هو حتى
بالصور يعني ع جهتي اكثر صاحوو
للمديره والمدرسات ناخذ صوره جماعيه
والمديره حرفيا مترصده حركاتي
انا هم ما سويت شي ورحت وكفت وره بالأخير
ابراهيم رتب الطالبات وخله المدرسات
والمدرسين وره واجه وكف يمي
كال يله اخذو صوره اخذو الصوره
كال تعاي ناخذ وحدنه احسن بس كدام
الطالبات بتلفوني انا واخذنه صور
وخلصت وكعدتت وي صديقاتي
ودعتهن وراحن الطالبات ودعن
المدرسات طبعاا انا شنو كتلهن
ما اروح هن راحن اجه ابراهيم
لكاني واكف بالساحه كال
هاا شو هنا ليش مو وي
صديقاتج تودعين المديره
حبيبتج كتله لا ما اريد
كال بكيفج بعد اجن طالبات ودعنه
وكدامي انا صافنه وهاي الي تنطي
هديه وهاي الي تنطي ورده اجت
وحده من الطالبات جابت باقه ورد
كال الهه شكرا وكلهه قلوب وتخبل
يعني عبالك لحبيبهه مو لاستاذهه
كالتله استاذ ولله انته محبوب
وانا صافنه واباوع عليهه بنضره
يعني مشمئزه حرفيا كال الهه
الله يخليج بابا كالتله استاذ
عادي صوره كال الهه اي ليش
لا صاحلي كال تعاي اوكفي
ويانه كتله لا لا ما اريد
كال تعالي ومعليج وكفت
واخذنه صوره كالتله شكرا
استاذ وراح اشتاقلك وسكتت
هم كالتله استاذ عادي الانستا
او اي شي تلكرام هو ضل صافن
انا هنا نفذ صبري كتلهه شنوو
شتسوين بي عندي كالت لا انا
اريده من الاستاذ كتلهه ما ينطيج
ضلت تباوع كالت انتي شعليج
كتلهه شنو الي شعليه ما ينطيج
وخلاص كال بابا ما اكدر انطي
مخالف للقوانين المدرسه باوعت
عليه كالتله اوك استاذ وراحت
هي راحت كال همزين خلصتيني
كتله عليمن خلصتك هو انته كيفت
كال لا يابه وين كتله يله انا ح اتصل
بالخط اريد اروح بعد مليت كال لا
اوكفي عندي كلمه وياج بسرعه
ع السريع بس اروح اوقع ع السجل
مالت الحظور واجي كتله اوك كعدتت
اجه كعد ع الكرسي الي كدامي كال
هاا شتسوين كتله مسوي شي
كال باعي عليه كتله شنوو
كال اسمعي انا هنا فهمت
السالفه وضليت اتهرب
كال لا اوكفي خل احجي بس
كتله لا ابو الخط راح يجي
كال اوكفي واسكتي خل احجي
كتله اوك شنوو كال تعاي نمشي
كتله وين كال وين ننتظر ابو
الخط بالباب الداخلي للمدرسه
كتله اوك طلعت والطالبات كلهن منتطرات
خطوطهن وانا واكفه كال اي خل احجي
هسه كتله كول كال انا من زمان اريد اكلج
هل الشي بس ساكت كتله شنوو كال
احبج صفنت علي كتله هاا؟؟
كال اي احبج شنوو الـ هاا
كتله شنو تحبني شعدنه
كال شبيج شنوو احبج
شنو سبيتج شكلت كتله بيك شي انته
كال اي ولله احبج من اول يوم شفتج حبيتج
وانتي بنيه حبابه وانا حيل منعجب بيج
كتله خلصت؟؟ كال شبيج كتله خلصت
هاهيه هي الكلمه كال اي كتله يله باي
وطعت بالباب وضليت واكفه انتظر ابو الخط
وهو ضل جوه ورجع للأداره وانا رحت للبيت
وحظرته ونمت وما اهتميت اله كلت شنوو حب
شنوو بطيخ شكوو شبي هذا ونمت
حظرته من الواتس بس نسيت
التلي والانستا اجه راسلني من التلي
كال اسف واعذريني اذا اخطئت وياج
واسف اعتقد استعجلت كتله
انته غلطتت بحقي تحسسني
اني ماشيتك علمود حب او شي
وجني مسويه هل الخطه كلهه
كال ولله انتي معليج انا الي حبيتج ولله
ولا الج علاقه ولا سويتي شي انا حبيتج وحدي
ومستعد احبج حب من طرفين ولحد ما تقتنعين
كتله ابراهيم سد الموضوع واسفه لان راح احظرك
كال اوك اخذي راحتج وسكت حظرته
تقريبا شهرر وانا بس افكر بي وحسيت
كلبي نفسه توجع من رفضته لان جان يحبه
ويريده بس ما جنت ادري
بنفس هل الشهر جان بيومهه نستلم النتائج
ونروح للمدرسه نستلم ونرجع رحت
انا بوكتهه الشي المتعودين عليه احنه
الكانونه بيدي عبالك سوار بيدي
وهسه جاي اكتب وهي بيدي اعذرونه
طفرنه من القصه المهم رحت للمدرسه
لكيته هم انا هنا غير متت كلت هم اجه
وهم طلع بوجهي دخلت ما سلم عليه ولا
شي دخلت للأداره اخذت الشهاده طلعت
ناجحه ودرجتي بالاحياء 48 من 50
مشيت وشفته يمشي بالاداره
وكفت كتله هاا استاذ شلونك
كال بخير انتي شلونج
كتله تمام كال شنوو
شطلعتي كتله ناجحه كال عفيه
جنت واكفه واحجي وياه والزرعه
وراي وانا ما ادري اجيت جان طيحتهه
كضاهه كال شكوو تفرين من تحجين
ضحكت كتله شسوي بعد طبع
كال يله انا عندي شغله
كتله شنوو رايح
كال اي رايح
اكمل توزيع كتله
تمام انا رايحه كال اوك
ردتت اروح جاي اعدل بالجطنه
طلعت تلفوني كال شو انطيني ايدج
كتله شنوو كال عبالي نازعه المحبس
كلت حتى اهفهه كتله لا ما نزعته كال
يله روحي ابو الخط جان منتضرني بره
بس ما طلعتت رحت كعدتت بقاعته
الخاصه كعدتت انتضرته كلت هسه يجي
هسه يجي اجه جان بوكتهه بيده جاي
ويريد يكعد اول ما دخل شافني صفن
كال شنوو شكوو كتله كاعده شنوو
كال خوش اكعدي حاولت افتح
وياه موضوع بس كل شوي احسه
هو زعلان وضايج
كتله انته صدك تحبني هو جان يرتب
بالكتب كال لا ما احبج
اجيت كدامه كتله صدك احجي
كال اي شبيج ما احبج
شنوو بالغصب كتله خوش
وضليت كاعده بالكرسي
وشيحجي ما ارد
كال شبيج ويضحك ويتبسم
كتله ما بيه شي انا رايحه كال
روحي ووراج سدي الباب
انا هنا ردتت انفجر كتله هاا
حبيت ام الاسلاميه لو حبيت ايه
هي هاي الطالبه الي طلبت رقمه
كال اي حبيتهن كتله خوش ذبيت المحبس
كتله لبسه لام الاسلاميه وانتهت بعد
صدك جنت عصبيه وكتهه يعني شخص ورفضني
وصدني وانا اجيت اصالحه طلعت وسديت الباب
ورحت كعدتت بالحديقه نسيت الشهاده يمه
حرفياا ردتت ابجي كلت انا بالكوه طلعت
اجيت لكيته كاعد هو وابو الفيزياء
اجيت طبيت ابو الفيزياء كال هاا شلونج
كتله تمام استاذ
كتله بس نسيت شهادتي هنا
ابرهيم كال اخذيهه بابا
اخذتهه وابو الفيزياء
بلكوه لازم ضحكته
وانا امشي بالممر اجه ابرهيم كال اوكفي
كتله شتريد كال المحبس هذا
اصبعج اكطعه اذا نزعتي بعد
كتله ما البسه ما اريد
كال البسي بسرعه لبسته
كال عفيه وفديت الي يغار عليه
كتله غيره شنوو كال خاب شبيج
غير اموت عليج خاف كتلج احبج
هسه اخذيهه اموت عليج انا كلت لا اضيعه
كتله وانا احبك ودمعت وردتت ابجي
عليمن ما ادري جنت كرنج حيل
المهم كال يروحي انتي
ولله احلف انا وياج وما اعوفج
وهذا وعد تكون علاقتنا نظيفه
واحطج بعيونج واخلي الله
بين عيوني بعلاقتج واخاف الله بيج
وضل يحلف ويوعد هاي كلهه بيوم واحد
يعني ما فكر شنوو الي حيصير
كال اوكفي انا متوضي راح جاب قرأن
وحلف كال ولله علاقتنا راح
تكون نظيفه والله شاهد علي
ما جذبت والله بعافيتي اذا جذبت
واحبج انا كتله عمري انته
كال يله روحي
طلعت وهو جان يمشي وياي
رحت للخط كال دير بالج ع نفسج
كتله اوك
رحت للبيت وما اسولف الكم
اول ليله ولله مستحيل اوصف
الكم شعوري شوي وابجي وكلبي يرجف
ليش ما اعرف ولا اردايا كتله احبك
وحسيتهه من كل كلبي طلعت
كتله ما جنت اريد اخسرك كال
انا الج وانتي الي
ومستقبلنه حلو
يتبع ..