မုဒြာကမပြေးပဲ ပုံမှန်လမ်းလျှောက်နေ၍ ဇွဲကလဲမုဒြာနဲ့အကွာအဝေးနီးနီးလေးကနေလိုက်နေသည် ။
" ဇွဲ … ဘာလို့မပြေးတာလဲ "
" ကိုယ်မင်းနဲ့အတူ လမ်းလျှောက်ချင်လို့ "
" ဇွဲကပြေးဖို့လာတာပဲ ပြေးပါ … မုဒြာဘယ်မှပျောက်မသွားပါဘူး … ဒီနားမှာပဲလမ်းလျှောက်နေမှာ "
မုဒြာကြည့်ရတာ တစ်ယောက်ထည်းလွတ်လွတ်လပ်လပ်နေချင်ပုံပေါ်သည် ။ အနားမှာလဲ မုဒြာမသိအောင် အစောင့်တွေထားပေးထားတာကြောင့် ဒီပန်းခြံက လုံခြုံစိတ်ချရသည် ။
" တကယ်အဆင်ပြေတာသေချာရင် ကိုယ်ခနလောက်ပြေးလိုက်ဦးမယ် … နာရီဝက်လောက်နေရင် ကိုယ်တို့ကားရပ်ထားတဲ့နေရာက နားနေဆောင်မှာစောင့်နေမယ်နော် "
" အင်းပါ … အဲ့အချိန် မုဒြာပြန်လာခဲ့မယ် "
ထိုအခါမှ ဇွဲကအနည်းငယ်အရှိန်တင်ကာ ပြေးလိုက်သည် ။ ဇွဲက သူမုဒြာအနားမှာပဲကပ်နေရင် မုဒြာစိတ်အိုက်နေမည်ဆိုးကာ လွတ်လွတ်လပ်လပ်နေဖို့ ရှောင်ပေးသည့်သဘောပင် ။ မုဒြာကိုစိတ်မပင်ပန်းစေချင်၍ သူဖြစ်ချင်တာမှန်သမျှကို ဖြည့်စည်းပေးဖို့ တွေးထားသည် ။
ထိုစဉ် ဇွဲရဲ့ဖုန်းထဲသို့ မက်ဆေ့တစ်ဆောင် ဝင်လာသည် ။ ဖွင့်ကြည့်လိုက်တော့ သူစောင့်ကြည့်ခိုင်းထားတဲ့လူထံက ကသစ်ပန်းသွားတဲ့နေရာကို ပုံရိုက်ပြီးပို့ပေးခြင်းဖြစ်သည် ။
ကသစ်ပန်းက ဒီပိတ်ရက်မှာ ဧကရာဇ်မောင်အနားကပ်မနေတော့ပဲ တစ်ယောက်ထည်း ဘားကလပ်တစ်ခုထံ တန်းတန်းမတ်မတ်သွားနေသည် ။ ထိုကလပ်က အဖွဲ့ဝင် VIP များသာ တက်ရောက်ခွင့်ရှိကာ အဆင့်အတန်းမြင့်တဲ့အယ်ဖာတွေ အိုမီဂါတွေအပျော်သွားရောက်လေ့ရှိသည့် နေရာတစ်ခုဖြစ်သည် ။ ပါတီပွဲအများစုကိုလဲ ထိုကလပ်မှာပြုလုပ်လေ့ရှိကြသည် ။
ထိုရပ်ကွက်က ချောင်ကျကာ လောင်းကစားဝိုင်းတွေနဲ့ အပျော်ဂေဟာများစွာရှိ၍ မှောင်ခိုစျေးကွက်ပြုလုပ်ဖို့အကောင်းဆုံးနေရာလဲဖြစ်သည် ။ ထိုနေရာကကိုလိုနီတစ်ဦးရဲ့နယ်မြေဖြစ်ကာ ဥပဒေကိုလက်တစ်လုံးခြားလုပ်ပြီး တရားမဝင်အဖွဲ့အစည်းတစ်ချို့ကိုနေရာပေးထားသည် ။ ဇွဲရဲ့မိခင်လိုက်ရတဲ့အမှုတိုင်းလိုလိုက ထိုနေရာနဲ့စပ်စပ်မှုရှိသည် ။ ကသစ်ပန်းဒီနေရာကိုသွားတာသေချာရင် သူမကသူ့ဖခင်ကိုသွားတွေ့တာမှန်း ခန့်မှန်းရလွယ်ကူသည် ။
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
Chapter - 21
Start from the beginning
