بريئة بين أنياب كافلي

بارت 43

والله خايفه كلش خااايفه حجيتها ودرت وجهي امسح بعيوني فتح الباكيت طلع جگاره ورثها ونفخ الدخان وعيونه عليه گال

ياسر،  خلص حضري نفسج باجر نروح نعقد انتهى النقاش بس قبل كلشي ماريدج تتندمين بيوم فاطمه باعيلي

فاطمه،  باوعت بوجها گتلك احبك ومستحيل اگولها اذا مو متأكدة منها

ياسر،  من شوكت حبيتيني؟

فاطمه،  ينفخ الدخان بوجهي ومركز عليه شبه ابتسامه مرسومه على شفته حسيت نفسي استعجلت هسه يگول قبل شويه متريدني وهسه اعترفتلي تحبني

عقدت حاجبي وگتله بعصبيه واشر بصبعي بتاجها جان گاعد على التخم واني بالجهة الثاني

شووف ياسر لا عبالك اني خفيفه وووو واني اعارفتلك لان ماعيش بدونك ترى هسه اكتشفت نفسي احبك واريدك وماعيش بدونك ضحك ضحكه حسيته اختنگ منها تقرب عليه وگال

ياسر،  والله هنيالي اسرع قصه حب هاي ههههههههههههههههههههه لج راح يگعدون الجماعه

فاطمه،  گمت منه واني اغم بروحي على هاي التفاها طبيت بغرفه ماسه ونمت يم جود بعد ماگعدت للصبح فتحت عيوني بس ماسه يمي دموعها تجري وجود ماكو سمعت صوته بالصاله يم ياسر گتلها

صباح الخير حبيبتي تقربت عليها بستها براسها مهضومه عليها كلش گالت

ماسه،  صباح الخير حبيبتي

فاطمه،  ماسه شنو صار بينج وبين خالد شوصلكم الهاي المشاكل

ماسه،  لجيبين طارية الله يخليج واحد خاين جذب عليه كل ضني طلگها طلعت بعدها على ذمته لج الهاي الدرجه مستغفلني ومرخصني ماصارت بعينه طلعتي

من البيت وتعبي وحبي اله هان كلشي عليه ومتناسي حبي اله وخلاها على ذمته لج شلون صلافه تخابرعليه ودزلي رسايل وتريد مني اگله يروح الها تگلي مثل

ماهو زوجج هم زوجي هههههه واني الغبيه الها الله

فاطمه،  يعني هو گلج طلگها جذب عليج

ماسه،  لا ماگلي طلگتها بس اني زعلتي كم شهر والهوسه والزعل الصار بينه بسبب منو برأيج يعني غير

من وراها ومن رجعت اله كل ضني عافها حته بسبب المشاكل وتعبي وزينب انخبصنه ماسألته بعد عليها

فاطمه،  ماعرف شگلج بعد ماسه الله يهديكم
اااا اريد اگلج شي بس يمكن موكتها انت تعبانه

ماسه،  لا بربج احجي احجي شعندج

فاطمه،  البارحه ياسر گلي اليوم نروح نعقد سيد

ماسه،  هيج على الناشف لا تفرحين لا شي معقوله

فاطمه،  ماعرف هو گلي علمود ياخذ راحته هنا ووو