كيد النساء حب وكيد الرجال ماذا

مقدمة

السلام عليكم

الله بالخير عليكم حبايبي شلونكم شخباركم

اول شي اني نفسي الكاتبة ( سقين الشمري)

مجرد غيرت الاسم صار اسمي الكاتبة (ليان الشمري)

يعني تغير من سقين الشمري الى ليان الشمري

نبدي على بركة الله

................

هو يضرب واني روحي فرفحت بيده من الوجع بطني وضهري احسهن نقسمن من الوجع

وأحلف الة ما طلعت والله هيه جتي للبيت والقران ما طلعت

بس هذا كلة ما اهتم الة شالني وشمرني بالكاع كل قوتة وما اهتم الي مثل كل مرة

وكلب الميز والي عالميز كلة فوكاية واني مددة بالكاع اخذ سويجة وموبايلة ومحفظته وخلة وطلع

جبرت نفسي اكوم اريد اغسل حلكي كلة دم صار والوجع ذبحني احس روحي راح تطلع

بس كمت وكفت احس بوري ونفتح اباوع عالكاع صار مكاني كلة دم

عرفت نفسي هم سقطت وعرفت هذا هم راح بس الوجع حيل ذبحني

رجعت كعدت بمكاني والدوخة لازمتني رجعت راسي عالتخم وصفنت عالسكف وبس دموعي تنزل

واكول بداخلي اي بعد وبعد اشكال العذاب شفت وراح اشوف

.......................

واكفة وارجف واحس روحي على لحضة تغيب عني من الخوف

هو دايرني عكسة بحيث اني منطيتة ضهري وحاضني لازكني لزك بي ويهمس باذني

وايدة تمشي على بطني وهو يكول هذا الطفل لازم ينزل مستحيل يبقى بطنج

رحمج واحشائج ميشيلن غير ابني مو ابن غيري فهمتي لو يحتاج اعيد

.....................

فتحت عيني احسهن يأذني صار ضوة بوجهي بس بصورة مو واضحة احس غواش على عيوني واسمع اصوات يمي اصوات هواية

هوسة والم فضيع براسي واحس دايخة وكل مكان بجسمي يوجعني واحس تعبانة واريد بس ارجع انام

اسمع اصواتهم يمي وهمة يصيحون باسمي ويكولون كعدت كعدت وحسيت بايد امي من لزمتني

وصوتها الممزوج بالبجي وهيه تصيح بإسمي وتكولي ها يمة كعدتي ها يمة عيوني وأخيرًا فتحتي عيونج ريت اني الي مددة ولا انتي

ورة مدة كدرت اشوف بعيوني بصورة واضحة وبدون غواش باوعت على أنحاء الغرفة ولكيتهم كلهم موجودين يمي بالغرفة

عمامي وعماتي واهلي ونص كاعدة ونص واكفة والممرضة فوك راسي تشكل المغذي الي بالكانونة

تجولت عيوني على إنحاء الغرفة كلها واني اباوع بوجودهم وهمة يحاجوني لحد ما شفتة واكف باب الغرفة

والتقت عيني بعينة نضرتلة بخوف بينما هو بادلني بنضرة قاسية ومخيفة ونضرة ثانية ما عرفت افسرها شنو

غمضت عيوني بتعب ونزلت دمعة من عيني دمعة الم وقهر وخوف وخذلان وضياع

يتبع

تفاعل قوي اريد حبايب حتى انزلها باسرع وقت

دمتم في حفظ الرحمن 🌺❤️🌺❤️🌺❤️