" အဲ့ဒါကြောင့်လေ.... ငါတို့ လမ်းခွဲကြအောင်လို့.... နော် ကိုး "
ကိုးက သူမခေါင်းကို လက်သီးနဲ့မနာအောင် ထိုးသည်။
" ဘာအရူးထပြန်တာလဲ... နွေးနွေး "
" ငါအတည်ပြောနေတာနော် ကိုး "
လမ်းခွဲစကားကို နွေးက ပြောပြီး မျက်ရည်ကျတော့လည်း နွေးကိုယ်တိုင်ပဲ ဖြစ်နေသည်။
" နင်နဲ့ငါနဲ့ ပြတ်မယ်လို့.... ပြတ်မယ်လို့ ပြောနေတာ "
သူ့မှာ ဘာအပြစ်မှ မရှိပါပဲ ကိုးရင်ဘက်ကို ထုရိုက်ပစ်ခဲ့သည်။
" လူတွေပြောကြတဲ့ ထာဝရဆိုတာက ခဏလေးဟ.... တစ်ဘဝစာ ချစ်ကြမယ် ပြောပြီး နောက်ပြီးကျတော့ လမ်းခွဲသွားကြတာ "
" နွေးနွေး.... အဲ့ဒါ သူတို့လေ။ ငါတို့မှ မဟုတ်တာ "
" မသိဘူး။ တစ်နေ့ကျရင် တစ်ယောက်နဲ့တစ်ယောက်မုန်းပြီး လမ်းခွဲကြမှာမျိုး ငါမဖြစ်ချင်ဘူး... "
" အဲ့ဒါဆိုလည်း မဖြစ်နဲ့လေ... "
ကိုးက သူမကို အော်သည်။ တိတ်တဆိတ်လမ်းကလေးထဲ သူမတို့ ၂ယောက်သာလျင် ရှိသည်။
" နွေးနွေးက လူကို အမြဲတမ်း ရင်ဘက်ဆောင့်ကန်တတ်တယ်။ လူတွေက နင့်ကိုထားသွားမှာကျ ကြောက်တယ်။ ဒါပေမယ့် လက်တွေကို ဆွဲထားရမှာကျ မေ့နေတာမလား။ နောက်ပြီး နင့်ကိုဆွဲထားတဲ့ လက်တွေကိုပါ ဆွဲဖြုတ်ပစ်တတ်တယ်။ အဲ့ဒီလိုလုပ်နေရင် နင့်ဘေးမှာ ဘယ်သူမှ ရှိမှာ မဟုတ်တော့ဘူး သိလား နွေး "
နွေး သိတာပေါ့။ နွေးက ချစ်ခြင်းအားဖြင့် အနားရောက်လာတဲ့လူတွေကိုတောင် သူ့အလိုလို ထွက်သွားအောင်ကို စိတ်ပျက်စရာ ကောင်းတဲ့သူလေ...
" ငါဒီနေ့ ပြောစရာရှိတယ်ဆိုတာကိုတော့ နားထောင်သွားဦး။ ဒီတန်ခူးမှာ မေမေတို့ကိုပြောပြီး နင်နဲ့လက်ထပ်ချင်တယ်လို့ ပြောမလို့.... ငါသိတယ်။ ငါလောတယ်.... လောတယ်ဆိုတာကလည်း နင့်ကြောင့်ပဲ။ နင်အခုလို အူကြောင်ကြောင်တွေ ထထလုပ်တာမို့... မြန်မြန်လက်ထပ်ချင်တာ။ ဒါပေမယ့် နင်ကတော့ မျှော်လင့်ချက်မဲ့နေပြီ နွေး.... "
YOU ARE READING
နွေးမြရင်ခွင်- Love Like Mint Candy
RomanceShe wanted friendship but what she got is a little friendsh*t. She was afraid of love. She didn't believe in love and forever. She said that she would love someone who could give both warmth and coldness at the same time. Well... actually she had a...
5. How long is forever? (end)
Start from the beginning
