November ရဲ့ဒီရာသီဥတုအခြေနေလေးကိုပဲ အမြဲ သိမ်းဆည်းထားချင်သည်။ လေထုက အေးမြနေပေမယ့် နေရောင်ခြည်ကြောင့် နွေးထွေးနေတဲ့ ဒီအချိန်အပိုင်းအခြားလေးပေါ့...
ဒီမှာလေ.... ဆောင်းဟာပီပီသသမအေးမြသေးဘူး။
" အား....... "
ဒုက္ခပါပဲ။ ဆံပင်က အဲ့ဒီလောက် တိုသွားမယ် မထင်ခဲ့ဘူး။ သေသေချာချာ သတိထား တိနေတာကိုပဲ ရှေ့ဆံရစ်က အခုတော့ နဖူးအလည်ထိ တိုသွားသည်။
" မနက်ဖြန် အလုပ်သွားလျောက်မလို့ပါဆို..... "
တိုးတိုး ရွေတ်မိရင်းက ပါးစပ်ကို ပြန်စေ့ပိတ်လိုက်ရသည်။ အလုပ်လျောက်မယ့်အကြောင်း မာတာမိခင် သိလို့ မဖြစ်သေးပါ။
မှန်ထဲက ဆံရစ်တိုတိုနှင့် ကိုယ့်မျက်နှာကိုယ်ပြန်ကြည့်ရင်း သက်ပြင်းကြီးပဲ ချနေမိတော့သည်။ မျက်ခုံးမွှေးပါးပါးနှင့် မျက်လုံးအိမ်ကြီးတဲ့ နွေးက ဒီဆံပင် ဆံရစ်အတိုနှင့် ဇီးကွက်တစ်ကောင်နှင့် တူနေတော့သည်။ ညစဉ် Anime တွေ K drama တွေနဲ့ ညဉ့်နက်မှချည်း အိပ်တတ်သော သူမမျက်တွင်းတွေကလည်း ပန်ဒါတစ်ကောင်ကို ညိုမည်းလို့ နေသေးသည်။
" ကိစ္စမရှိပါဘူး။ ငါက ချောပြီးသားပဲ.... "
ကိုယ့်ဘာသာ motivation ထိုင်ပေးပြီး မှန်ရှေ့က ထရပ်လိုက်သည်။ အရပ်ပုလည်း ဒေါက်ဖိနပ် စီးလိုက်ရင် ရှည်သွားမှာပါလို့ နောက်တစ်ကြိမ် အားတင်းလိုက်ရပြန်သည်။
" နောက်ပြီး.... ရုပ်ရည်က အဓိကမှ မဟုတ်တာ။ အရည်ချင်းရှိဖို့က အဓိကပဲလေ.... နော.... နော... "
အိမ်မှာတော့ နွေးက ထိုကဲ့သို့ ရူးကြောင်ကြောင် ဂေါက်တောက်တောက်နဲ့ မှန်ကြည့်ပြီးသာ စကားပြောရပါသည်။ တစ်ခြား နားထောင်ပေးမယ့် သူရယ်လို့မှ မရှိပဲလေ။
အထီးကျန်နေတယ်ဆိုတာတောင် မေ့လျော့နေလောက်အောင်ကို တစ်ယောက်ထဲနေရတာကို အသားကျနေပြီဆိုတာမျိုးပေါ့...
◼
" ဒီမှာ.... ဒီမှာ.... "
ဆိုင်ထဲမှာ ကိုးက ရောက်နေနှင့်နေပြီး နွေးကို လက်လှမ်းပြသည်။ သူမက ဒီလို လူရှုပ်ရှုပ်ဆိုင်ထဲမှာ အားလုံးဝိုင်းကြည့်ခံနေရတယ်လို့ခံစားမိပြီး လက်ဖျားများအေးကာ ကြောက်နေမိရာက ကိုးကို တွေ့လိုက်ရတော့ အားရှိသွားသည်။ မရဲတရဲ ဆိုင်ထဲဝင်လာခဲ့သော ခြေလှမ်းများကပင် ပြန်ရဲတင်းလာခဲ့သည်။
YOU ARE READING
နွေးမြရင်ခွင်- Love Like Mint Candy
רומנטיקהShe wanted friendship but what she got is a little friendsh*t. She was afraid of love. She didn't believe in love and forever. She said that she would love someone who could give both warmth and coldness at the same time. Well... actually she had a...
