Until You

JE LEEST

Fanfictie

Chan : "ကံကောင်းခြင်းက အမြဲရှိနိုင်သလားအစ်ကို " Baekhyun : "ကိုယ့်အတွက်တော့ မင်းရှိနေတဲ့နေ့ရက်တိုင်းက ကံကောင်းခြင်းတွေပါပဲ~ " Chan : "ကံေကာင္းျခင္းက အၿမဲရွိနိုင္သလားအစ္ကို " Baekhyun : "ကိုယ့္အတြက္ေတာ့ မင္းရွိေနတဲ့ေန႕ရက္တိုင္းက ကံေကာင္းျခင္းေတြပါပဲ~...

#baekhyun #baekyeol #cb #chanbaek #chanyeol

Part-5 (uni+zawgyi)

Start bij het begin

door Billiam_MK

အပြင်ဘက်က ထိုင်ခုံမှာ အေးဆေးထိုင်ရင်း ယူလာတဲ့စာအုပ်လေးကို ထုတ်လိုက်တယ်။ သူများတွေမြင်ရင် စာဖတ်တတ်တဲ့ လူငယ်လေးလို့ ထင်ကြလောက်ပေမယ့် အမှန်တော့ ပတ်ချန်းယောလ်ဆိုတာ စာအုပ်နဲ့လုံးဝ မအပ်စပ်တဲ့လူ။

1နှစ်လောက်နေမှ 1ခါဖတ်ဖြစ်တာမျိုးပေမယ့် ဒီနေ့ကတော့ အဲ့တစ်နှစ်တစ်ခါဖတ်တဲ့အလှည့်ဖြစ်မယ်။လက်ရှိမှာ social media တွေက သူ့ကိုပိုခေါင်းရှုပ်စေမှာအမှန်ပဲမလို့။

စာအုပ်ကိုအာရုံစိုက်ထားတုန်း သူမှာထားတာလာချပေးတာနဲ့
တစ်ချက်လှမ်းကြည့်မိချိန် ကော်ဖီခွက်ပေါ်က လက်ဖြူဖြူသွယ်သွယ်လေးကို အရင်မြင်လိုက်ရသည်။ခပ်ထင်းထင်းမှဲ့လေးက လက်မထိပ်မှာ နေရာယူထားသေးသည်။
လူကိုပါ အသာအယာလှမ််းကြည့်မိတော့

" ဟင် "
အံသြသွားတဲ့ သူ့ပုံစံကြောင့် တစ်ဖက်ကဝန်ထမ်းက တုံ့ဆိုင်းသွားပြီး သူ့ကိုပြန်ကြည့်လာတယ်။

" Iced Americano မှာထားတာမဟုတ်လို့လား ဧည့်သည် "

ငြင်သာစွာထွက်ပေါ်လာတဲ့ အမေးသံခပ်တိုးတိုး
သူ...ကျနော်ရှာနေခဲ့တဲ့ ဒီလူ...
ဟားး အသည်းအသန် ရှာတုန်းက လုံးဝမတွေ့ပဲ အခုကျတော့ တည့်တည့်ကြီးပါလား။

ရင်ဘတ်က name tag ကို လှမ်းကြည့်လိုက်တော့..။
Baek Hyun Byun..စိတ်ထဲကနေ ခပ်တိုးတိုးသာ ရေရွတ်လိုက်သည်။ကိုရီးယားလူမျိုးပေါ့ ဒါဆို။
သူ့ဆီက ပြန်စာကိုစောင့်နေတဲ့လူက အနားမှာရပ်နေတုန်းပင်။

" ဧည့်သည် "

" အာ..မမှား..ကျနော်...."
ထစ်ထစ်အအနဲ့ ထွက်လာပြီး ရပ်သွားပြန်တော့ ဘတ်ဟျွန်းက သူ့ကို ကြောင်တောင်တောင်ကြည့်လာသည်။
သွားပါပြီ...ထူးဆန်းတဲ့လူလို့ ထင်တော့မှာပဲ။

" အာ..အဲ့တာဆို ကောင်းကောင်းသုံးဆောင်ရင်း နေပါ "
မျက်လုံးလေးတွေ မှိတ်သွားတဲ့ထိ ပြုံးပြရင်းပြောလာတဲ့ သူ့ကြောင့် ကျနော်ငေးခနဲဖြစ်သွားမိတယ်။
ခပ်သွက်သွက် ထွက်သွားတဲ့ကျောပြင်က စတွေ့တုန်းကနဲ့တော့ မတူ ကွဲပြားနေတယ်။တော်သေးတယ် သူ့ကိုမမှတ်မိဘူးပဲ

Byun Baek Hyun တဲ့လား? ဒီဆိုင်မှာ အလုပ်လုပ်တာပဲ။
စောနကနဲ့မတူ ကြည်လင်လာတဲ့သူ့စိတ်က တစ်လောကလုံးကို
ပဲ အပိုင်ရလိုက်သလို ပျော်ရွှင်လာတာကြောင့် ပြုံးနေမိတာကိုတောင် မရပ်တန့်နိုင်တော့။
ဖွင့်ထားတဲ့ စာအုပ်ကိုချက်ချင်းပဲ ပြန်ပိတ်လိုက်ပြီး ဆိုင်ထဲကို လှမ်းပြီးတော့ အကဲခတ်နေလိုက်တယ်။