ရောက်လာသူတိုင်းရဲ့ဘေးမှာ အိုမီဂါအလှလေးတွေရှိနေကြပေမဲ့ စားပွဲဝိုင်းတစ်ခုမှာထိုင်နေသည့် မျက်လုံးနက်နက်နဲ့ မျက်မှောင်ကိုအမြဲကြုတ်ထားတတ်ပြီး ခန့်ညားသည့်ကိုယ်အသွင်နဲ့ အယ်ဖာတစ်ယောက်ရဲ့နဘေးမှာတော့ မည်သူမှမရှိနေပေ ။
ထိုလူအတွက် ဒီနေရာမျိုးက သွားလာလေ့မရှိသလို မြင်နေကြားနေရတာတွေက သူ့ရဲ့စိတ်ကို အပန်းမဖြေနိုင်ပေ ။ အမြဲရေခဲစိုင်လိုအေးစက်ကာ ခံစားချက်မဲ့နေသည့် သူ့ရဲ့မျက်နှာထားကြောင့်လဲ ဖျော်ဖြေသည့်အိုမီဂါလေးတွေအနားမကပ်ရဲကြတာလဲပါသည် ။
" ဘော့စ် ... ခများဒီနေ့ငြိမ်နေပါလား ... ဒီနေရာက ပျော်ဖို့မကောင်းဘူးလား "
ဝိုင်းထဲမှာအတူထိုင်နေသည့် လုပ်ဖော်ကိုင်ဖက်တစ်ယောက်က စကားစလာတော့မှ ထိုလူက ပြန်ဖြေလိုက်သည် ။
" အင်း ... ဒီနေရာက စိတ်ရှုတ်ဖို့ကောင်းတယ် "
ယခုရောက်ရှိနေတာက အိုမီဂါကလပ်ဖြစ်ပြီး ရောက်ရှိလာသူတိုင်းက အမျိုးသားများဖြစ်ကြကာ အများစုက အိုမီဂါအလှလေးတွေရဲ့ ဖျော်ဖြေမှုမှာ သာယာပျော်ရွှင်နေကြသည် ။ ဧကရာဇ်မောင်ဆိုသည့် ထိုလူကတော့ ထိုအပျော်တွေကို ဂရုမစိုက်ပဲ အရက်ကိုသာ အဆက်မပျက်သောက်နေသည် ။
" ဆရာအရင်က တစ်ခါမှဒီလိုနေရာမျိုးကို မလာဖူးပါဘူး ... ဒီနေ့ဘာလို့များ လိုက်လာဖို့ဆုံးဖြတ်လိုက်တာလဲဗျ ... ကျွန်တော်တို့က ဆရာပျော်ဖို့ထင်နေတာ ... ဆရာ့ကြည့်ရတာ စိတ်ညစ်နေသလိုပဲ "
သူကဘာမှပြန်ပြောမလာပဲ အရက်ကိုသာသောက်နေသည် ။
ဧကရာဇ်မောင်ဟာ M နိုင်ငံရဲ့မျိုးရိုးမြင့်မိသားစုတစ်ခုဖြစ်တဲ့ ကုမိသားစုရဲ့လုပ်ငန်းစုမှာ နယ်မြေချဲ့ထွင်သည့်နေရာနှင့် အဆောက်အဦးဒီဇိုင်းရေးဆွဲသည့်နေရာတွင် စီမံအုပ်ချုပ်ရသည့် CEO ဖြစ်သည် ။ သူရဲ့ကုမ္ပဏီဟာ ဥက္ကဌကြီးရဲ့ လက်အောက်မှာရှိပေမဲ့ လက်ရှိမှာတော့ အဖွဲ့အစည်းထဲမှာ အာဏာအကြီးဆုံးခေါင်းဆောင်ဖြစ်သည် ။
YOU ARE READING
Hidden love " ကုမုဒြာ "( complete )❤️
Romanceလရောင်ဆန်းမှ ပွင့်လန်းသည့် ကုမုဒြာပန်းကလေးတွေတောင် လရောင်ပျောက်ကွယ်သွားချိန်မှာ ညှိုးနွမ်းသွားတတ်ကြတယ် ... မောင့်အပေါ်ချစ်တဲ့ မုဒြာရဲ့အချစ်တွေကလဲ မောင့်ရဲ့ ဥပေက္ခာပြုမှုတွေကြောင့် ပျောက်ကွယ်သွားခဲ့သည့်အခါ ... မောင့်နှလုံးသားထဲက ပုန်းကွယ်နေတဲ့ချစ်ချ...
Chapter - 1
Start from the beginning
