"အကို.... ကျွန်တော်"
ညို့ငင်ခြင်းအတတ်ကိုတတ်သည့် ကဝေငယ်တစ်ကောင်လို သူ့မျက်ဝန်းများက ညှို့ငင်အားအပြည့်။
"အွန်း....ပြောလေ"
"မနက်ကျအစည်းအဝေးရှိလို့.. "
"အင်း...ကိုနားလည်တယ်"
ဒီလိုပါပဲ။နှစ်ဦးကြားမှာ မအားလပ်တဲ့အချိန်တွေသိပ်များသည်။မနက်ကျကျွန်တော်က ဆေးခန်းပြေး ၊မှူးက အလုပ်သွား။ညဘက်ကျမှ အလွမ်းသယ်ပြန်တော့ တစ်ခါတစ်လေ စီးပွားရေးသမားကမအားလိုက် ကျွန်တော်ကမအားလိုက်နှင့်။
သို့ပေမယ့် နားလည်မှုတွေလျော့ကျမသွား။တည်ဆောက်ခဲ့တဲ့ နားလည်မှု၊နွေးထွေးမှုတွေယနေ့ထိတိုင်ရှိနေဆဲပဲ။
"ကိုမေးမယ်...ကို့ကိုချစ်လား"
" မယုံလို့မေးတာလား"
ညှို့မှိုင်းသွားသောသူ့မျက်ဝန်းများကြောင့် ခေါင်းကိုအကြိမ်ကြိမ်ခါမိသည်။မှူး အထင်လွဲသွားတာလား။
"မဟုတ်ဘူး။ကိုကြားချင်လို့...."
"သိသားပဲ...."
အခုမှပြုံးရိပ်သန်းလာတဲ့ချစ်သူ့မျက်နှာ။
" ဒါဆိုဖြေ ချစ်လား... "
"ဟင့်အင်း..မုန်းတယ် အကို့ကိုလက်ထပ်ချင်တဲ့အထိမုန်းတယ်...ဟီး.. "
သူ့ဘာသာပြောပြီး သူ့ဘာသာရယ်နေတဲ့ကောင်လေး။ဆရာဝန်ဆိုတဲ့ ဂုဏ်အားလုံး မှူးရှေ့မှာမလို ။တစ်ခါတစ်လေ သူကလူကြီး ကျွန်တော်က ကလေး။စချင်သလို စတတ်သေးသည်။
"အကို..ကျွန်တော်အိပ်ချင်ပြီ"
"အွန်း.....ဂွတ်နိုက်အချစ်"
ပါးပြင်နုနုဆီအနမ်းခြွေပြီး ရင်ခွင်ထဲဆွဲသွင်းတော့ ပြန်လည်သိုင်းဖက်လာသည်။
"ချစ်တယ်...မှူးကို သေမတတ်ချစ်တယ်"
ထိုစကားကို ရင်ခွင်ထဲမှကလေးငယ်တော့မကြားနိုင်ပါချေ။ ထိုစကားသည် ထိုမျှအထိ တိုးလွန်းသောကြောင့်။
...............
ကြည်လင်သောနံနက်ခင်းဝယ် အရာအားလုံးသည် အေးချမ်း တိတ်ဆိတ်လျက်။ဤနေရာတစ်ခုမှလွဲ၍ပေါ့။ ပျော်ရွှင်အံ့သြမှုတို့ကြောင့်ထွက်ပေါ်လာသည့်အသံတို့သည် ခန်းမတစ်ခုလုံးအပြည့်။
YOU ARE READING
ညှို့မျက်ဝန်းမှာခကြွေသူ (Completed)
Romanceအချစ်ကြီးတဲ့ကောင်လေးတစ်ယောက်က သူချစ်တဲ့ဆရာဝန်ကောင်လေးကိုပိုင်ဆိုင်ဖို့ ဘယ်လိုတွေကြိုးစားမလဲ ။တဖြေးဖြေးလေးဆွဲခေါ်သွားမှာမို့ 💙✨
Extra( အခမ်းနားဆုံး လက်ထပ်ပွဲ)
Start from the beginning
