" ဦး.. ထယ် နားမလည်တာကလေ ဒီနားလေး။ ဒီလောက်များတဲ့ Equationအရှည်ကြီးကနေ Xတန်ဖိုးကို ဘယ်လိုရှာရမလဲ မသိဘူး။ ဟောဒီမှာ Xဆိုပြီး ခဲတံနဲ့ဝိုင်းပြလိုက်လို့ မရဘူးလား "
နားလည်းနားလည်သလို ကျွမ်းကျွမ်းကျင်ကျင်လည်း တွက်တတ်နေပြီသား သင်္ချာပုစ္ဆာကို တမင်တကာ ရှင်းပြခိုင်းနေသော ထယ်ယောင်း။ မေးလေးထောက်ပြီး စိတ်ညစ်နေသလိုလို ရှုံ့မဲ့မဲ့မျက်နှာလေးက ဦးကို တမင်လာရှုပ်မှန်း သိပ်ကိုသိသာလွန်းသည်။
" သြော် ငါကတော့ တကယ်ကြီး စာနားမလည်လို့ လာမေးတယ်ထင်နေတာ။ မင်းက ဦးကို တမင်လာရှုပ်တယ်ပေါ့လေ ငရှုပ်ကလေး။ အပြစ်ပေးခံချင်နေပြီလား ဟမ် "
ခေါင်းလေးကို ခပ်ဖွဖွပုတ်ရင်း မေးလာသော ဦးကို ထယ်ယောင်းတို့ လျှာလေးထုတ်ပြီး မျက်နှာပြောင်ပြလိုက်သည်။ ပေးချင်တဲ့ အပြစ်ပေး မကြောက်ဘူးဆိုသည့်သဘောဖြင့် ပြောင်စပ်စပ်လုပ်ပြနေတဲ့ ဒီဟာလေးကြောင့် ဂျောင်ဂုတို့ ရင်ထဲ ကလိကလိဖြစ်ရပြီ။
" မင်းက လျှာတောင်ထုတ်ပြလိုက်သေးတယ်ဆိုတော့ အပြစ်ပေးခံရမှာ မကြောက်တဲ့သဘောပေါ့လေ။ ဒါဆို မင်းကို အပြစ်ပေးတော့မယ် လာထား "
ဂျောင်ဂုက ပြောပြောဆိုဆို ထယ်ယောင်းခါးကစ၍ တစ်ကိုယ်လုံးကို ကလိလိုက်ထိုးပစ်လိုက်တော့ တစ်ကိုယ်လုံးတွန့်လိမ်ကာ ယားနေရှာပါသော အနှီကိုယ်တော်လေး။
" ဟာ အဲ့လို အကျင့်မယုတ်ရဘူးလေ ဦးရဲ့။ အ...ယားတယ်လို့ "
နောက်ဆုံး မခံနိုင်သည့်အဆုံးတော့ ထယ်ယောင်းတို့ ဦးလက်ထဲကလွတ်အောင် ထပြေးမိသည်။ သို့သော် လူကုံထံအိမ်ပီပီ အခန်းကျယ်လွန်းတော့ ထွက်ပြေးဖို့ကြိုးစားသော အကောင်ပေါက်လေးကို ဦးဂျွန်တို့ အမိဖမ်းလိုက်နိုင်သည်။
" ပြောတော့ အပြစ်ပေးခံရမှာ မကြောက်ဘူးဆို။ အခု ဘာလို့ ထွက်ပြေးရတာလဲ။ ငါ့ကို ကလိကလိဖြစ်အောင်လုပ်ပြီး အခုလို ထွက်ပြေးလို့မရဘူး လာထား "
နောက်ဘက်ကနေ ဖက်လျှက်သား ဖမ်းမိထားသော ထယ်ယောင်းကို နံရံနားကပ်ရင်း ထပ်ပြီးကလိထိုးနေပြန်သော ဂျောင်ဂု...။ လက်တစ်ဖက်က ကလိထိုးဖို့သုံးနေရ၍ ကောင်းကောင်းမချုပ်ထားနိုင်တော့ ထယ်ယောင်းက လွတ်အောင်ရုန်းပြီး ထပ်ထွက်ပြေးပြန်သည်။
YOU ARE READING
50 Shades of Kim
Fanfiction" ဦး ထင်နေသလိုမျိုး ထယ်က ပင်ကိုယ် အကျင့်စာရိတ္တဆိုးတဲ့ ကလေးတစ်ယောက် မဟုတ်ပါဘူး ဦးရယ်...ထယ့်ကို လွှမ်းမိုးထားတဲ့ နောက်ကွယ်က အရိပ်မည်းတွေကြောင့်သာ ထယ်.. လူဆိုးလေး ဖြစ်နေရတာ "
EPISODE - 9
Start from the beginning
