Controlling not to love you (OC) Completed

YOU ARE READING

Historical Fiction

ဒီဘဝမှာ မင်းကိုမချစ်မိအောင် ကိုယ့်ကိုကိုယ် ထိန်းချုပ်တော့မယ် ဒီဘဝမွာ မင္းကိုမခ်စ္မိေအာင္ ကိုယ့္ကိုကိုယ္ ထိန္းခ်ဳပ္ေတာ့မယ္

#bl

🍄Part (49)🍄ခေါင်းတလားထဲကပင့်ကူများ

Start from the beginning

by hinnthawethadar

ရှင်ထန့်ဟောင် ပေကောလွီအနားမှထ၍ လမ်းပြဆီကို လျှောက်လာသည်။

"ခင်ဗျားအရင်တစ်ခါလာတော့ ဒီနေရာကို ရောက်ခဲ့တာလား ဒါမှမဟုတ် ခေါင်းတလားတွေ မရှိတဲ့ တခြားနေရာကို ရောက်ခဲ့တာလား?"

လမ်းပြ ခါးဆန့်သွားသည်။ သူက ရှင်ထန့်ဟောင်ကို အံ့ဩနေတဲ့ အကြည့်တွေနဲ့ ကြည့်ရင်း သူသည် အရင်က ဝင်ခဲ့ဖူးသော လမ်းကြောင်းတွေကို ပြန်စဥ်းစားကြည့်လိုက်သည်။ ထို့နောက် တဖြည်းဖြည်းချင်း မတ်တတ်ထရပ်၍ ရှင်ထန့်ဟောင်နဲ့ မျက်နှာချင်းဆိုင်၏။

"သခင်လေး..... ကျွန်တော်တို့ လမ်းမှားလာပြီလား မသိဘူး? ဟုတ်တယ် "

လမ်းပြက သေချာစဥ်းစားနေသည်။

"ဒီသင်္ချိုင်းက လမ်းတွေ အရမ်းများတယ် ဂူလမ်းဆုံးလို့ ဒီလိုနေရာမျိုးရှိတယ် ဆိုရင်တောင် တစ်ခုနှစ်ခုတော့ မဖြစ်နိုင်ဘူး.... သခင်လေး ကျွန်တော်တို့ လမ်းရှာကြည့်ကြရအောင်"

လမ်းပြရဲ့ အကြံပေးချက်ကို ရှင်ထန့်ဟောင်လည်း ခေါင်းညိတ်ထောက်ခံလိုက်သည်။ သူတို့နှစ်ယောက် လက်ရှိအခန်းရဲ့ ပုံစံမှာ စက်ဝန်းတစ်ခုလို လုံးဝန်းပြီး လေးထောင့်သဏ္ဌာန် အုတ်ချပ်တွေနှင့် ကာရံထား၏။

အလယ်မှာ ခေါင်းတလားတွေ မြောက်များစွာ စီတန်းထားကာ ခေါင်းတလားတစ်ခုနဲ့ တစ်ခုက အကွာအဝေးတစ်ခု ရှိပြီး အခန်းက ကျယ်ဝန်းသည်။ အခန်း၏ သုံးပုံနှစ်ပုံလောက်က အန်းပင်းရန်တို့ အဖွဲ့မှ နေရာယူထား၏။

ရှင်ထန့်ဟောင် နဲ့ လမ်းပြ ပြောနေသော စကားတွေကို သူတို့လည်း ကြားကြတာကြောင့် တစ်ယောက်က မတ်တတ်ထရပ်လာလေသည်။ မြွေနက်ဂိုဏ်းက လူတစ်ယောက် ဖြစ်ကာ သူသည် မြွေနက်ဂိုဏ်းမှ ပါရမီရှင်ဟုလည်း လူသိများသော လင်ရှစ် ဖြစ်၏။

လင်ရှစ် - "ဒီက လူကြီးမင်းက ဒီဂူထဲကို အရင်ကရောက်ဖူးတာလား?"

သူ့အသံက အခန်းထဲရှိ လူတွေအားလုံးရဲ့ အာရုံကို ဆွဲဆောင်သွားသည်။ လင်ရှစ်အသံမှာ ရန်လိုစိတ်မရှိ သိချင်စိတ်တစ်ခုတည်းကြောင့်သာ တည်ရှိတာကြောင့် လင်ရှစ်က လူဆိုးတစ်ယောက် မဟုတ်မှန်း သိသာသည်။