Controlling not to love you
🍄49🍄
[ခေါင်းတလားထဲကပင့်ကူများ]
ရှင်ထန့်ဟောင်ရဲ့ ချစ်ဇနီးလေး ဆိုတဲ့ အသံသာ တိုးမနေခဲ့ရင် ပေကောလွီ သေချာပေါက် စိတ်ဆိုးတော့မှာ ဖြစ်လေသည်။ ပေကောလွီရဲ့ မျက်နှာက အမြဲတမ်း တည်ငြိမ်အေးစက်နေခဲ့သော်လည်း မီးရောင်အောက်မှာ နားရွက်ကလေးကတော့ ရဲနေ၏။
"လွီ..... မြေအောက်နန်းတော် ကိစ္စ ဖြေရှင်းပြီးရင် ကိုယ်တို့နန်းတော်ကို ပြန်ပြီး ခဏနားကြမလား?"
"အွန်း"
သူလည်း တူလေးနှစ်ယောက်ကို သတိရနေတာ ဖြစ်သည်။
"ကိုယ်မင်းကို ပြောပြစရာရှိသေးတယ်.... ယွမ်းယောင်လေ သူမ သာသနာ့ဘောင်ထဲ ဝင်သွားပြီတဲ့"
ပေကောလွီ အံ့ဩသွားသည်။
"သူမ?"
"အွန်း.... ပေပန်ရှန်းက အခုဆို အိမ်ရှေ့စံကောင်းလေး ဖြစ်နေပြီ အားလုံးကသူ့ကို ယုံကြည်ပြီး ထောက်ပံ့ပေးကြတယ် တိုင်းပြည်ကိုလည်း ကောင်းကောင်း ကွပ်ကဲနိုင်တယ်တဲ့.... ကိုယ်စဥ်းစားနေတာ ပေပန်ရှန်းက ဘယ်သူနဲ့များ တူနေသလဲလို့"
ပေကောလွီ ရှင်ထန့်ဟောင်ရဲ့ မျက်လုံးကို စိုက်ကြည့်လိုက်သည်။
"ဘာလဲ?"
"သေချာပေါက် ကိုယ့်ရဲ့ဇနီးလေးနဲ့ တူတာပဲ"
"စကားပြောတာ....."
"ကိုယ်သိပါတယ် သူတို့ မကြားပါဘူးကွာ"
ထိုစဥ် တုံ့ဖန်းသည် သူတို့ဘယ်ကို ဆက်သွားကြမလဲ ဆိုတဲ့အကြောင်းကို လမ်းပြအား လှည့်မေးလိုက်၏။ ဒီလို လောဘသိုင်းသမားတွေရှိတဲ့ နေရာမှာ သူအကြာကြီး မနေချင်ပါ။ သူတို့ဟာ မလှုပ်ရှားကြပေမယ့် လွေ့မန်ကုရဲ့ ရတနာကို လိုချင်နေတာ အရှင်းသားကြီး။
တုံ့ဖန်းဆီက မေးခွန်းကို ကြားတော့ လမ်းပြက ခေါင်းကုတ်၏။
"ကျွန်တော်လည်း စဥ်းစားနေတာ.... ကျွန်တော်တို့ အရင်တစ်ခေါက်ကလာတော့ ဒီနေရာမှာ ဒီခေါင်းတလားတွေ မရှိဘူး"
တုံ့ဖန်း - "ဘာ?"
ချင်းသွမ့် - "အာ"
ရှင်ထန့်ဟောင်နဲ့ ပေကောလွီလည်း လမ်းပြအား တစ်ပြိုင်တည်း လှည့်ကြည့်လိုက်ကြသည်။ ချိန်ယင်မှာလည်း မျက်တောင်ကလေးတွေ ပုတ်ခတ် ပုတ်ခတ်ဖြင့်။ သူ့မှာ ဒီသင်္ချိုင်းဂူထဲကို စရောက်ကတည်းက ကြောက်လန့်နေမိရာ လမ်းပြသာ လမ်းမသိတော့ရင် သူတို့ ဘယ်လိုများ အပြင်ပြန်ထွက်ကြမလဲ။
YOU ARE READING
Controlling not to love you (OC) Completed
Historical Fictionဒီဘဝမှာ မင်းကိုမချစ်မိအောင် ကိုယ့်ကိုကိုယ် ထိန်းချုပ်တော့မယ် ဒီဘဝမွာ မင္းကိုမခ်စ္မိေအာင္ ကိုယ့္ကိုကိုယ္ ထိန္းခ်ဳပ္ေတာ့မယ္
